完整藏文原文 · 德格版页 当前仅加载第 55 函德格 190b 版页；藏文 NFD、目录标记与异常页序保留在来源切片中，重复版页行以稳定序号区分。
ཕུང་པོ་ལྔ་ཆོས་སྟོན་ཏམ། ཕུང་པོ་ལྔ་ནི་ཡང་དག་པ་མ་ཡིན་པ། སྒྱུ་མ་ལྟ་བུ། གསོབ་གསོག་དངོས་པོ་མེད་པ། ཚུལ་བཞིན་མ་ཡིན་པ་ཡིད་ལ་བྱེད་པ་འདུས་པ་ལས་བྱུང་བའོ། །ཆོས་ཀྱི་དབྱིངས་ནི་གསོབ་མ་ཡིན། གསོག་མ་ཡིན། ཡང་དག་པ་མ་ཡིན་པ་མ་ཡིན། ཚུལ་
D129.055.0190b01.01བཞིན་མ་ཡིན་པ་ཡིད་ལ་བྱེད་པ་ལས་བྱུང་བ་མ་ཡིན། སྒྱུ་མ་ལྟ་བུ་མ་ཡིན། སྨིག་རྒྱུ་ལྟ་བུ་མ་ཡིན། ཆུ་ཟླ་ལྟ་བུ་མ་ཡིན། བྲག་ཅ་ལྟ་བུ་མ་ཡིན་ན་སུ་ཞིག་ཆོས་འདི་སྟོན། དེ་ཅིའི་ཕྱིར་ཞེ་ན། བཟང་སྐྱོང་ཆོས་ཀྱི་དབྱིངས་ནི་དག་པ། བདེན་པ། ཡང་དག་པ། གཞན་མ་ཡིན་པ། དེ་
D129.055.0190b02.01བཞིན་ཉིད་མ་ནོར་བ་དེ་བཞིན་ཉིད་ཡིན་ན། དེ་སྟོན་པ་སུ་ཡིན། ཕུང་པོ་ལྔ་རྣམས་ནི་མི་རྟག་པ། སྡུག་བསྔལ་བ། སྟོང་པ། བདག་མེད་པ། རྟེན་ཅིང་འབྲེལ་པར་བྱུང་བ། ངན་པ་འཇིག་པའི་ཆོས་ཅན་ནོ། །བྱང་ཆུབ་ནི་ཇི་ལྟ་བ་བཞིན་དུ་སྤྲོས་པ་མེད་དེ། གཟུང་དུ་མེད་པ། སྒྲ་མེད་པ། མི་
D129.055.0190b03.01སྣང་བ། བལྟར་མེད་པ། མཚན་མ་མེད་པ། མཐའ་ཡས་པ། ནམ་མཁའ་དང་མཚུངས་པ། མཉམ་པ་མེད་པ། མི་མཉམ་པ་དང་མཉམ་པ། སེམས་དང་ཡིད་དང་། རྣམ་པར་ཤེས་པ་དང་བྲལ་བ། སྒྲ་སྐད་ཐམས་ཅད་ཀྱི་རྗེས་སུ་ཞུགས་པ། ཡུལ་ན་མི་གནས་པ། ཕྱོགས་ན་མི་
D129.055.0190b04.01གནས་པ། བརྟག་ཏུ་མེད་པ། བསྟན་དུ་མེད་པ་ཞི་བ་ཞི་བ་དང་བྲལ་བ། བསིལ་བར་གྱུར་པ། ཀུན་གཞི་མེད་པ། གནས་མེད་པ། འདུས་མ་བྱས་པ། མི་སྐྱེ་བ། མི་འགོག་པ། མི་གཉིས་པ་ལ་གནས་པ། དེ་བཞིན་ཉིད་གཞན་མ་ཡིན་པ་དེ་བཞིན་ཉིད། མི་འགྱུར་བ་དེ་བཞིན་
D129.055.0190b05.01ཉིད། མ་འོངས་པ་དེ་བཞིན་ཉིད། འགྲོ་བ་མེད་པའི་དེ་བཞིན་ཉིད། འཁོར་བ་དང་མྱ་ངན་ལས་འདས་པ་མཉམ་པའོ། །བཟང་སྐྱོང་དེ་བཞིན་ཉིད་ནི་ཀུན་ནས་ཉོན་མོངས་པ་མ་ཡིན། རྣམ་པར་བྱང་བ་མ་ཡིན། རྣམ་པར་དག་པ་མ་ཡིན་ནོ། །དེ་བཞིན་ཉིད་ནི་འཁོར་བ་མ་ཡིན་ཡོངས་
D129.055.0190b06.01སུ་མྱ་ངན་ལས་འདས་པ་མ་ཡིན་ནོ། །དེ་བཞིན་ཉིད་ནི་སྐྱེ་བ་མ་ཡིན། འགག་པ་མ་ཡིན་ནོ། །དེ་བཞིན་ཉིད་ནི་ཐ་མ་མ་ཡིན། འབྲིང་མ་ཡིན། མཆོག་མ་ཡིན་ནོ། །དེ་བཞིན་ཉིད་ཅེས་བྱ་བ་ནི་ཆོས་ཀྱི་དབྱིངས་ཏེ། ཆོས་ཀྱི་དབྱིངས་ནི་བདག་དང་ཆོས་ཀྱི་ངོ་བོ་ཉིད་ཀྱི་
D129.055.0190b07.01