完整藏文原文 · 德格版页 当前仅加载第 93 函德格 102a 版页；藏文 NFD、目录标记与异常页序保留在来源切片中，重复版页行以稳定序号区分。
སེལ་བར་བྱེད་དོ། །གལ་ཏེ་གཅོང་རོང་དག་ཏུ་གནས་ཏེ་ལམ་སྟོར་བར་གྱུར་པ་ལས་རིག་སྔགས་འདི་བཟླས་པར་གྱུར་ན་དེའི་དབང་གིས་དགེ་བའི་ལྷ་དང་། ཀླུའི་རྒྱལ་པོ་དག་དགེ་བའི་མིའི་གཟུགས་སུ་མངོན་པར་སྤྲུལ་ནས་ལམ་ཡང་དག་པ་ཉིད་སྟོན་པར་འགྱུར་རོ། །གལ་ཏེ་
D691.093.0102a01.01རི་དང་ནགས་ཚལ་དང་དགོན་པ་དག་ཏུ་གནས་པ་ལས་ཆུ་དང་མེ་དག་གིས་ཕོངས་པར་གྱུར་ན་ཡང་ཀླུའི་རྒྱལ་པོ་དག་གིས་ཡོངས་སུ་བསྲུང་བའི་ཕྱིར་ཆུ་དང་མེ་དག་མངོན་པར་སྤྲུལ་པར་འགྱུར་རོ། །བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་གཞན་ཡང་གཟུངས་འདི་འདོན་
D691.093.0102a02.01ཅིང་ཡོངས་སུ་འཛིན་པ་དག་གི་ཆེད་དུ་གནོད་པ་དང་བགེགས་ཡོངས་སུ་བསལ་བའི་ཕྱིར་ཤིན་ཏུ་བསིལ་བའི་ཚིགས་སུ་བཅད་པ་འདི་དག་སྨྲས་སོ། །གང་ཞིག་རི་དང་འབྲོག་དགོན་སོང་བ་ལས། །སྟག་དང་སྤྱང་ཀི་གཅན་གཟན་གཏུམ་པོ་དང་། །རྩངས་པ་སྦྲུལ་དང་འདྲེ་སྲིན་ཕྲད་
D691.093.0102a03.01གྱུར་ཀྱང་། །གཟུངས་འདི་འདོན་པ་ཐོས་ན་གནོད་མི་ནུས། །གང་ཞིག་ཆུ་བོ་རྒྱ་མཚོར་ཞུགས་པ་ལས། །གདུག་པའི་ཀླུ་དང་ཆུ་སྲིན་མ་རུངས་དང་། །གནོད་སྦྱིན་སྲིན་པོ་ཉ་དང་རུ་སྦལ་དག །གཟུངས་འདི་ཐོས་ན་སོ་སོར་འབྱེར་བར་འགྱུར། །གང་ཞིག་གཡུལ་སྤྲོད་
D691.093.0102a04.01དགྲ་ཡིས་བསྐོར་བའམ། །ཆོམ་རྐུན་མ་རུངས་ནོར་ནི་འཕྲོག་པའི་ཚེ། །རྩེ་གཅིག་ཐུགས་རྗེ་ཆེན་པོའི་གཟུངས་བཟླས་ན། །དེ་དག་བརྩེ་སེམས་བསྐྱེད་ནས་ལྡོག་པར་འགྱུར། །གང་ཞིག་རྒྱལ་པོའི་གྱོད་ལ་ཐོགས་པ་དང་། །ལྕགས་སྒྲོག་ཁོང་སྒྲིལ་བཙོན་རར་ཆུད་
D691.093.0102a05.01བའི་ཚེ། །རྩེ་གཅིག་ཐུགས་རྗེ་ཆེན་པོའི་གཟུངས་བཟླས་ན། །རྒྱལ་པོས་བརྩེ་སེམས་ཀྱིས་ནི་གཏོང་བར་འགྱུར། །གང་ཞིག་བྱད་སྟེམས་དུག་མདའི་ཁྱིམ་ཞུགས་ཏེ། །ཟས་སྐོམ་དུག་ཅན་གྱིས་ནི་གསོད་པའི་ཚེ། །རྩེ་གཅིག་ཐུགས་རྗེ་ཆེན་པོའི་གཟུངས་
D691.093.0102a06.01བཟླས་ན། །དུག་ཉིད་ཟིལ་དང་ར་ཟས་སྐོམ་ཉིད་དུ་འགྱུར། །བུད་མེད་སྦྲུམ་མ་བུ་ནི་བཙའ་བའི་ཚེ། །བདུད་ཀྱིས་བགེགས་བྱས་སྡུག་བསྔལ་མི་བཟོད་ཚེ། །རྩེ་གཅིག་ཐུགས་རྗེ་ཆེན་པོའི་གཟུངས་བཟླས་ན། །འདྲེ་གདོན་བྱེར་ནས་བདེ་བར་བཙའ་བར་འགྱུར། །ཀླུ་
D691.093.0102a07.01