完整藏文原文 · 德格版页 当前仅加载第 93 函德格 107b 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་པའི་ཕོ་བྲང་དུ་གནས་ནས་མངལ་གྱི་སྙིང་པོར་སྐྱེ་བར་མི་འགྱུར་བར་འདོད་ན་སྤྲུལ་པའི་གཞལ་མེད་ཁང་ཐོགས་པའི་ལག་ལ་མཆོད་དོ། །མང་དུ་ཐོས་པའི་ཤེས་པ་རྒྱ་ཆེན་པོ་དང་ལྡན་པར་འདོད་ན་རིན་པོ་ཆེའི་མདོ་སྡེའི་གླེགས་བམ་ཐོགས་པའི་ལག་ལ་མཆོད་དོ། །
D691.093.0107b01.01ད་ལྟར་གྱི་ལུས་འདི་ནས་སངས་རྒྱས་ཀྱི་སྐུ་ལ་ཐུག་པའི་བར་དུ་རྟག་པར་བྱང་ཆུབ་ཀྱི་སེམས་ལས་ལྡོག་པར་མི་འགྱུར་བར་འདོད་ན་ཕྱིར་མི་ལྡོག་པའི་གསེར་གྱི་འཁོར་ལོ་ཐོགས་པའི་ལག་ལ་མཆོད་དོ། །ཕྱོགས་བཅུའི་དེ་བཞིན་གཤེགས་པ་རྣམས་མྱུར་དུ་གཤེགས་ནས་
D691.093.0107b02.01སྤྱི་བོ་ནས་ཕྱག་གིས་བྱུགས་ཏེ་ལུང་བསྟན་པར་འདོད་ན་སྤྱི་བོ་ན་སྤྲུལ་པའི་སངས་རྒྱས་ཐོགས་པའི་ལག་ལ་མཆོད་དོ། །ཤིང་ཐོག་དང་འབྲུ་རྣམས་གྲུབ་པར་འདོད་ན་རྒུན་འབྲུམ་ཐོགས་པའི་ལག་ལ་མཆོད་དོ། །དེ་ལྟར་མངོན་པར་སྒྲུབ་པའི་ཆོ་ག་སྟོང་ཡོད་ཀྱང་དེང་མདོར་བསྡུས་
D691.093.0107b03.01ནས་མདོ་ཙམ་ཞིག་བསྟན་པ་ཡིན་ནོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་ཁྱོད་ཀྱིས་ཤིན་ཏུ་ཡོངས་སུ་དད་པའི་སེམས་ཀྱིས་གཟུངས་འདི་ཟུང་ལ་འཛམ་བུའི་གླིང་དུ་རྒྱ་ཆེར་ཡོངས་སུ་སྤེལ་ནས་རྒྱུན་མི་འཆད་པར་བྱའོ། །གཟུངས་འདི་ཁམས་གསུམ་
D691.093.0107b04.01གྱི་སེམས་ཅན་ནད་ཀྱིས་ཉོན་མོངས་པ་ཐམས་ཅད་ལ་རྒྱ་ཆེར་ཕན་འདོགས་པར་བྱེད་པས་གཟུངས་འདིས་ཡོངས་སུ་གསོས་ན་མི་འཚོ་བ་གང་ཡང་མེད་དོ། །རིག་སྔགས་ཆེན་མོ་འདིས་ཤིང་སྐམ་པོ་ལ་བཏབ་ན་ཡང་ཡལ་ག་དང་ལོ་མ་དང་། མེ་ཏོག་དང་འབྲས་བུ་སྐྱེ་བར་
D691.093.0107b05.01འགྱུར་ན་རྣམ་པར་ཤེས་པ་དང་བཅས་པའི་སེམས་ཅན་ལ་ལྟ་སྨོས་ཀྱང་ཅི་དགོས་ཏེ། སེམས་ཅན་ནད་ཀྱིས་ཐེབས་པ་རྣམས་གསོས་ན་མི་འཚོ་བའི་གནས་ངེས་པར་མེད་དོ། །རིགས་ཀྱི་བུ་གཟུངས་འདིའི་བྱིན་གྱི་རླབས་དང་མཐུ་བསམ་གྱིས་མི་ཁྱབ་པས་བསམ་གྱིས་མི་ཁྱབ་
D691.093.0107b06.01པའི་བསྔགས་པ་བརྗོད་ཀྱང་མཐར་ཐུག་པར་མི་འགྱུར་རོ། །སྔོན་འདས་པའི་དུས་ཡུན་རིང་པོ་ནས་དགེ་བའི་རྩ་བ་རྒྱ་ཆེར་བསྐྱེད་པ་མ་ཡིན་ན་ཐ་ན་འདིའི་མིང་ཙམ་ཡང་ཐོས་པར་མི་འགྱུར་ན་མངོན་སུམ་དུ་མཐོང་བ་ལྟ་སྨོས་ཀྱང་ཅི་དགོས། ལྷ་དང་མི་དང་ཀླུ་ལ་སོགས་པའི་འཁོར་
D691.093.0107b07.01