完整藏文原文 · 德格版页 当前仅加载第 93 函德格 105b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། རྒྱལ་མཚན་དང་། བ་དན་དང་། རིན་པོ་ཆེའི་བླ་རེ་རྣམ་པ་སྣ་ཚོགས་དང་། རོ་བརྒྱ་དང་ལྡན་པའི་ཟས་དང་སྐོམ་གྱིས་སེམས་རྩེ་གཅིག་ཏུ་མཆོད་པར་བྱའོ། །གཞན་ཡང་རྒྱལ་པོ་དེས་ཉིན་མཚན་བདུན་གྱི་བར་དུ་ལུས་དང་སེམས་ཀྱིས་བརྩོན་འགྲུས་བསྐྱེད་དེ། གཟུངས་
D691.093.0105b01.01ཀྱི་ཚིག་གྱ་ནོམ་པ་འདི་འདོན་པར་བྱེད་ན། ཕས་ཀྱི་དགྲ་རྣམས་རང་དུལ་བར་གྱུར་ནས་སླར་ལོག་སྟེ་སོ་སོ་ནས་ཚུལ་བཞིན་དུ་ཡུལ་སྐྱོང་ཞིང་ཡུལ་ཡང་འདྲེ་བར་གནས་པར་བྱམས་པའི་སེམས་ཀྱིས་ཕན་ཚུན་གཅིག་ལ་གཅིག་བལྟ་བར་འགྱུར། རྒྱལ་བུ་དང་བློན་པོ་རྣམས་ཀྱང་སྲི་ཞུ་
D691.093.0105b02.01དང་དྲང་དཀན་སྤྱོད་པར་འགྱུར། བཙུན་མོ་དང་སླས་རྣམས་ཀྱང་རྒྱལ་པོ་ལ་སྲི་ཞུ་དང་བསྙེན་བཀུར་བྱེད་པར་འགྱུར། ལྷ་དང་ཀླུ་དང་འདྲེ་སྲིན་རྣམས་ཀྱང་ཡུལ་དེ་སྲུང་ཞིང་སྐྱོང་བར་འགྱུར། ཆར་ཆུ་དུས་བཞིན་དུ་འབབ་ཅིང་འབྲུ་རྣམས་ལེགས་པས་མི་མང་པོ་རྣམས་ཀྱང་རབ་
D691.093.0105b03.01ཏུ་དགའ་བར་འགྱུར་རོ། །གཞན་ཡང་ཁྱིམ་དུ་ནད་ཆེན་མ་རུངས་པ་དང་ཕྲད་པར་གྱུར་ཏམ། ལྟས་ངན་སྣ་ཚོགས་བྱུང་བར་གྱུར་ཏམ། འདྲེ་སྲིན་དང་ལོག་པའི་བདུད་རྣམས་ཀྱིས་ཁྱིམ་དཀྲུགས་པར་གྱུར་ཏམ། མི་མ་རུངས་པ་དག་གིས་གླེང་སྐུར་བཏབ་ནས་རྐུ་བཤམས་ཏེ་
D691.093.0105b04.01གནོད་པ་བྱས་པར་གྱུར་ཏམ། ཁྱིམ་མི་ཆེ་ཆུང་རྣམས་ཕྱི་ནང་མི་འདུམ་པར་གྱུར་ན། སྙིང་རྗེ་ཆེན་པོ་དང་ལྡན་པའི་མིག་སྟོང་པའི་གཟུགས་བྱས་པའི་མདུན་དུ་དཀྱིལ་འཁོར་བྱས་ནས་སེམས་རྩེ་གཅིག་ཏུ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་ཡིད་ལ་བྱས་ནས་
D691.093.0105b05.01གཟུངས་སྔགས་འདི་ལན་སྟོང་ཚང་བར་བཟླས་ན། གོང་དུ་སྨོས་པའི་དངོས་པོ་ངན་པ་དེ་དག་ཐམས་ཅད་ཡོངས་སུ་འབྱང་བར་འགྱུར་རོ། །བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་བོས་འདི་སྐད་ཅེས་གསོལ་ཏོ། །བཅོམ་ལྡན་འདས་རིག་སྔགས་འདིའི་མིང་ཅི་ལགས།
D691.093.0105b06.01ཇི་ལྟར་ཡོངས་སུ་གཟུང་བར་བགྱི། བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་རིག་སྔགས་འདི་ལ་མིང་རྣམ་པ་སྣ་ཚོགས་ཡོད་དེ། རྒྱ་ཆེར་ཡོངས་སུ་རྫོགས་པ་ཞེས་ཀྱང་བྱའོ། །ཐོགས་པ་མེད་པའི་ཐུགས་རྗེ་ཆེན་པོ་ཞེས་ཀྱང་བྱའོ། །སྡུག་བསྔལ་
D691.093.0105b07.01