完整藏文原文 · 德格版页 当前仅加载第 93 函德格 117a 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་ཁམས་ན་བདུད་ཇི་སྙེད་མཆིས་པ་ཐམས་ཅད་སྡུད་ཅིང་འདུལ་བར་བགྱིད་ལགས་སོ། །གཟུངས་སྔགས་ནི་འདི་ལྟ་སྟེ། ཏདྱ་ཐཱ། ཨ་བ་ལོ་ཀི་ཏེ་ཤྭ་རཱ་ཡ། སརྦ་དུཥྚ་ཨོ་ཧཱ་ཡ་ནི་སྭཱ་ཧཱ། དེ་ལ་དྲུག་པ་བྱང་ཆུབ་སེམས་དཔའ་མིག་སྟོང་པས་ཏིང་ངེ་འཛིན་རྟོགས་པར་
D691.093.0117a01.01འགྱུར་བའི་ཕྱག་རྒྱ་ནི་འདི་ལགས་ཏེ། འགྲེང་སྟེ་རྟིང་པ་གཉིས་སྤྲད་ནས། སྔར་སུག་པ་ལག་པ་གཡོན་པའི་སོར་མོ་བསྒྲེང་སྟེ་གུང་མོ་བཀུག་ནས་མདུན་དུ་ཕུལ་ལ། དེའི་རྗེས་ལ་སུག་པ་ལག་པ་གཡས་པའང་དེ་བཞིན་དུ་བགྱིས་ནས་གུང་མོ་བཀུག་སྟེ་ནང་ལོགས་སུ་ཕུལ་བ་འདི་ནི་ཏིང་ངེ་འཛིན་རྟོགས་
D691.093.0117a02.01པར་འགྱུར་བའི་ཕྱག་རྒྱ་ཞེས་བགྱི་བ་ལགས་ཏེ། འདིས་ཏིང་ངེ་འཛིན་དང་། ཡེ་ཤེས་ཀྱི་ཕྱག་རྒྱའི་བཀོད་པ་དང་། ཆོས་ཀྱི་སྒོ་མོ་བརྒྱད་ཁྲི་བཞི་སྟོང་ཡང་རྟོགས་པར་འགྱུར། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱང་མངོན་དུ་བགྱིད་པར་འགྱུར་ལགས་སོ། །རིག་སྔགས་ནི་སྔ་
D691.093.0117a03.01མ་ཉིད་བཟླ་བར་བགྱིའོ། །དེ་ལ་བདུན་པ་བྱང་ཆུབ་སེམས་དཔའ་མིག་སྟོང་པས་ལྷ་ཀླུ་སྡེ་བརྒྱད་དང་། འདྲེ་སྲིན་རྣམས་དགུག་ཅིང་སྡུད་པའི་ཕྱག་རྒྱ་ནི་འདི་ལགས་ཏེ། འགྲེང་ནས་རྐང་པ་གཉིས་གཤིབས་ཏེ། སྔར་སུག་པ་ལག་པ་གཡོན་པའི་སྲིན་ལག་གིས་མཐེ་བོའི་སེན་མོ་ལ་རེག་
D691.093.0117a04.01པར་བགྱིས་ནས། དེའི་རྗེས་ལ་སུག་པ་ལག་པ་གཡས་པ་ཡང་དེ་བཞིན་དུ་བགྱིས་ཏེ། མཐེའུ་ཆུང་དང་གུང་མོ་གཉིས་དྲང་པོར་བསྒྲེང་ནས་རྩེ་མོ་ཕན་ཚུན་ཕྲད་པར་བགྱིས་ལ། ལག་ངར་གྱི་ཚིགས་གཉིས་སྦྱར་ནས་མཛུབ་མོ་ནི་ཕན་ཚུན་རྒྱུ་བར་བགྱིའོ། །རིག་སྔགས་ནི་འདི་ལྟ་སྟེ།
D691.093.0117a05.01ཨོཾ་སརྦ་དེ་བ་ནཱ་ག་ཨ་ན་རི་སྭཱ་ཧཱ། དེ་ལ་བརྒྱད་པ་བྱང་ཆུབ་སེམས་དཔའ་མིག་སྟོང་པས་ཚངས་པ་ཆེན་པོ་དང་། བརྒྱ་བྱིན་ལྷའི་དབང་པོ་གཡར་དྲང་ནས་ཆོས་འདྲི་བའི་ཕྱག་རྒྱ་ནི་འདི་ལགས་ཏེ། ཕྱག་རྒྱ་སྔ་མའི་སྟེང་དུ་ལག་ངར་གྱི་ཚིགས་གཉིས་ཕྱེ་ནས་སུག་པ་ལག་པའི་ཟུར་སྤྲད་དེ།
D691.093.0117a06.01ལག་མཐིལ་བཀན་ལ་མཛུབ་མོ་ནི་ཕན་ཚུན་རྒྱུ་བར་བགྱིའོ། །རིག་སྔགས་ནི་འདི་ལྟ་སྟེ། ཨོཾ་མ་ཧཱ་བྲཧྨཱ་ཡ་ཨེ་ཧི་ཨེ་ཧི་སྭཱ་ཧཱ། ཕྱག་རྒྱ་དང་རིག་སྔགས་འདིས་ནི་གཟུངས་ཀྱི་ཕྱག་རྒྱའི་སྒོ་མོ་ཚད་མ་མཆིས་ཤིང་གྲངས་མ་མཆིས་པ་ཐམས་ཅད་ཡང་དག་པར་སྡུད་ཅིང་འདུ་བར་བགྱིའོ། །
D691.093.0117a07.01