完整藏文原文 · 德格版页 当前仅加载第 93 函德格 108b 版页；藏文 NFD、目录标记与异常页序保留在来源切片中，重复版页行以稳定序号区分。
ཏིཥྚཱ། ཡ་མི་ཛྙཱ་ཏ་ཨོ་དྷུཥྚ། ཀུ་ལ་ཏི་མཥྚ་ཁིཥྚ་སྭཱ་ཧཱ། རིག་སྔགས་འདི་ལན་ལྔ་བཟླས་ནས་ཚོན་སྣ་ལྔའི་སྐུད་པ་ལ་སྔགས་མདུད་བྱས་ཏེ་གང་དུ་ན་བར་གདགས་པར་བྱའོ། །རིག་སྔགས་འདི་ནི་འདས་པའི་སངས་རྒྱས་གང་གཱའི་ཀླུང་བཞི་བཅུའི་བྱེ་མ་སྙེད་ཀྱིས་གསུངས་པ་
D691.093.0108b01.01ཡིན་པས་དེང་བདག་གིས་ཀྱང་རྣལ་འབྱོར་པ་དག་ཡོངས་སུ་བསྲུང་བའི་ཕྱིར་དང་། བགེགས་ཐམས་ཅད་ཡོངས་སུ་བསལ་བའི་ཕྱིར་དང་། ནད་མ་རུངས་པ་ཐམས་ཅད་ཡོངས་སུ་བསལ་བའི་ཕྱིར་དང་། དགེ་བའི་ཆོས་ཐམས་ཅད་ཡོངས་སུ་རྫོགས་པར་བྱ་བའི་ཕྱིར་དང་།
D691.093.0108b02.01འཇིགས་ཤིང་སྐྲག་པ་ཐམས་ཅད་ཡོངས་སུ་སྤང་བའི་ཕྱིར་བསྟན་པ་ཡིན་ནོ། །བཅོམ་ལྡན་འདས་ཀྱིས་བཀའ་སྩལ་པ། ཀུན་དགའ་བོ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གིས་བསྟན་པའི་རིག་སྔགས་འདི་ནི་ཡང་དག་པར་བདེན་ཏེ་མི་བདེན་པ་ཅི་ཡང་མེད་དོ། །བྱང་
D691.093.0108b03.01ཆུབ་སེམས་དཔའ་འདིའི་དྲུང་དུ་འོང་བར་འདོད་ན་གུ་གུལ་ལ་ལན་ཉི་ཤུ་རྩ་གཅིག་སྔགས་ཀྱིས་བཏབ་སྟེ་བསྲེགས་ན་བྱང་ཆུབ་སེམས་དཔའ་འོང་བར་འགྱུར་རོ། །གང་ལ་ལ་ཞིག་བྱི་ལའི་གདོན་གྱིས་ཟིན་པར་གྱུར་ན་བྱི་ལའི་མགོ་རུས་བསྲེགས་པའི་ཐལ་བ་ས་གཙང་མ་དང་བསྲེས་ཏེ། འཇིམ་
D691.093.0108b04.01པ་ལ་བྱི་ལའི་གཟུགས་བྱས་ནས་མིག་སྟོང་པའི་གཟུགས་ཀྱི་མདུན་དུ་ཨུར་མོའི་གྲི་གཙང་མ་ལ་བརྒྱ་རྩ་བརྒྱད་སྔགས་ཀྱིས་བཏབ་སྟེ། དུམ་བུ་བརྒྱ་རྩ་བརྒྱད་དུ་བཅད་ནས་སྔགས་ལན་རེ་གདོན་ཅིང་དེའི་མིང་ནས་ལན་རེ་བརྗོད་ན་གཏན་དུ་འཚོ་བར་འགྱུར་རོ། །བྱད་སྟེམས་ཀྱིས་ཕོག་པར་
D691.093.0108b05.01གྱུར་ན་གུ་གུལ་དང་ག་བུར་ཆ་མཉམ་པར་བྱས་ཏེ། ཁྲོན་པའི་ཆུ་གཙང་མ་བྲེ་གང་དང་བསྲེས་ནས་བསྐོལ་ཏེ་ཕུལ་གང་ཙམ་ལུས་པ་བླངས་ནས། མིག་སྟོང་པའི་གཟུགས་ཀྱི་མདུན་དུ་ལན་བརྒྱ་རྩ་བརྒྱད་སྔགས་ཀྱིས་བཏབ་སྟེ་འཐུངས་ན་འཚོ་བར་འགྱུར་རོ། །གལ་ཏེ་སྡིག་པ་དང་སྦྲུལ་གྱིས་
D691.093.0108b06.01ཟིན་པར་གྱུར་ན་བཅའ་ལྒའི་ཕྱེ་མ་ལ་ལན་བདུན་སྔགས་ཀྱིས་བཏབ་སྟེ་རྨ་ཁར་བསྐུས་ན་འཕྲལ་དུ་འཚོ་བར་འགྱུར་རོ། །གལ་ཏེ་མི་མ་རུངས་པ་དག་གིས་རྐུ་བཤམས་ནས་གནོད་པ་བྱས་པར་གྱུར་ན་ས་གཙང་མའམ་བག་ཟན་ནམ། སྤྲ་ཚིལ་ལ་ཕ་རོལ་པོའི་གཟུགས་བྱས་ཏེ་མིག་སྟོང་
D691.093.0108b07.01