完整藏文原文 · 德格版页 当前仅加载第 93 函德格 119b 版页；藏文 NFD、目录标记与异常页序保留在来源切片中，重复版页行以稳定序号区分。
འཁོར་དེ་ཡང་གཙུག་ལག་ཁང་གི་ནང་ངམ། རིའམ། ཆབ་མིག་འབབ་པའམ། ནགས་ཚལ་གྱི་དྲུང་དུ་ཡང་རུང་སྟེ། ཉེ་འཁོར་ཀུན་ཏུ་ཁྲུ་གང་ཡན་ཆད་ནི་ཤིང་གི་རྩ་བ་དང་། དོགས་ངན་པ་དང་། གྱོ་མོ་དང་། གོར་མ་དང་། རུས་པ་ལ་སོགས་པ་ཅི་མཆིས་པ་བརྐོས་ཏེ་
D691.093.0119b01.01བསལ་ནས། དོག་ས་བཟང་པོ་ལས་རྨང་ཁྲུ་གང་ཙམ་དུ་བླངས་ཏེ་བརྡུངས་ནས་མཉམ་པོར་བགྱིས་ལ་བ་ལང་གི་ལྕི་བ་དང་། སྤོས་ཆབ་དོག་ས་སེར་པོ་དང་བསྲེས་ནས་འཇིམ་པ་བགྱིས་ཏེ་ལེགས་པར་བྱུག་ཅིང་ཞལ་ཞལ་བགྱིས་ནས་གླིང་ལྔར་བགོ་བར་བགྱིའོ། །དེ་ལ་དབུས་ཀྱི་
D691.093.0119b02.01གླིང་ནི་ཞེང་དུ་ཁྲུ་གསུམ་ཙམ་དུ་བགྱིས་ཏེ། དབུས་ཁོ་ནར་ཁྲུ་དོ་གྲུ་བཞི་ལྷམ་པར་མཆིས་པའི་རིན་པོ་ཆེའི་འཁོར་ལོ་རྩིབས་བརྒྱ་རྩ་བརྒྱད་དང་ལྡན་པ་ཅིག་བྲི་བར་བྱའོ། །གཞན་ཡང་འཁོར་ལོའི་དབུས་སུ་རིན་པོ་ཆེའི་པདྨ་ཁ་བྱེ་བ་འདབ་མ་སུམ་ཅུ་རྩ་གཉིས་མཆིས་པ་ཁྲུ་གང་པ་
D691.093.0119b03.01ཅིག་བྲི་བར་བགྱིའོ། །གཞན་ཡང་འཁོར་ལོའི་ཐ་མ་འཁོར་བར་འོད་འབར་བ་བྲི་བར་བྱའོ། །དེའི་རྗེས་ལ་གླིང་གི་གྲྭ་བཞིར་པདྨ་ཁ་བྱེ་བ་རེ་རེ་བྲི་བར་བགྱིའོ། །གཞན་ཡང་པདྨ་རེ་རེའི་སྟེང་དུ་ཡིད་བཞིན་གྱི་ནོར་བུ་རེ་རེ་བྲིས་ནས་ནོར་བུ་བཞི་པོའི་སྟེང་དུ་འོད་འབར་བ་བྲི་བར་བགྱིའོ། །
D691.093.0119b04.01གཞན་ཡང་འདབ་མ་སུམ་ཅུ་རྩ་གཉིས་དང་ལྡན་པའི་པདྨ་དེའི་སྟེང་དུ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་གི་གཟུགས་ཙནྡན་དཀར་པོ་ལས་བགྱིས་པ་ཞིག་གཞག་པར་བགྱིའོ། །དེ་ནས་གླིང་གཉིས་པ་ནི་ཞེང་དུ་ཁྲུ་གང་པར་བགྱིས་ནས་སྔར་གྲྭ་བཞིར་པདྨ་ཁ་བྱེ་བ་
D691.093.0119b05.01རེ་རེ་བྲི་བར་བགྱིའོ། །གཞན་ཡང་པདྨ་དེ་དག་རེ་རེའི་སྟེང་དུ་རི་རབ་ལྷུན་པོའི་སྟན་རིམ་པ་གསུམ་མཆིས་པ་གསུམ་གསུམ་བྲིས་ནས་བྱང་ཤར་མཚམས་ཀྱི་སྟན་ལ་ནི་དབང་ཕྱུག་ཆེན་པོའི་ལྷ་བྲིའོ། །ཤར་ལྷོའི་མཚམས་ཀྱི་སྟན་ལ་ནི་ལྷ་མཐུ་ཆེན་པོ་བྲིའོ། །ལྷོ་ནུབ་མཚམས་ཀྱི་སྟན་
D691.093.0119b06.01ལ་ནི་ཚངས་པ་ཆེན་པོ་བྲིའོ། །ནུབ་བྱང་མཚམས་ཀྱི་སྟན་ལ་ནི་བརྒྱ་བྱིན་བྲི་བར་བྱའོ། །གཞན་ཡང་ངོས་བཞིར་ནི་རིན་པོ་ཆེའི་མེ་ཏོག་དང་། ཕྲེང་བ་བཅུ་དྲུག་བྲི་བར་བགྱིའོ། །དེ་ནས་གླིང་གསུམ་པ་ནི་ཞེང་དུ་ཁྲུ་དོ་པར་བགྱིས་ཏེ། ས་གཞི་སྔོན་པོ་ལ་གསེར་གྱི་ཐིག་བཀྱེ་བ་
D691.093.0119b07.01