完整藏文原文 · 德格版页 当前仅加载第 93 函德格 123b 版页；藏文 NFD、目录标记与异常页序保留在来源切片中，重复版页行以稳定序号区分。
བྱང་ཆུབ་སེམས་དཔའ་དེ་ནི་ལྷའི་རིན་པོ་ཆེ་སྣ་བདུན་གྱི་མགོ་རྒྱན་ཐོགས་སོ། །ལག་ངར་ལ་ནི་གདུབ་འཁོར་རྣམ་པ་སྣ་ཚོགས་ཀྱིས་བརྒྱན་ཏོ། །ལུས་ལ་ནི་ཕྲེང་བ་ཐོགས་ཤིང་ལྷའི་རིན་པོ་ཆེའི་གོས་གྱ་ནོམ་པ་དག་བགོས་པ་ཡིན་ནོ་ཞེས་གསུངས་པ་ལྟ་བུའོ། །ཚོན་རྩི་དེ་དག་གི་ནང་དུ་ཀོ་
D691.093.0123b01.01བའི་སྦྱིན་སྩལ་བར་མི་བགྱིའོ། །ཀུན་ཏུ་རུའི་ཁུ་བ་དང་སྦྱར་བར་བགྱིའོ། །གང་དག་ཡུམ་གྱི་གཟུངས་ཀྱི་ཆོ་ག་བགྱིད་པར་འཚལ་ན་སྔར་དེའི་གཟུགས་རི་མོར་བྲིའོ། །གཟུགས་རི་མོར་བྲི་བར་ཡང་ངེས་པར་ཆོས་བཞིན་དུ་བགྱི་འཚལ་བས་རི་མོ་འདྲི་བའི་གནས་ཁང་ཉེ་འཁོར་ཀུན་ཏུ་
D691.093.0123b02.01ཙནྡན་དཀར་པོའི་ཆབ་ཀྱིས་དོགས་ལ་བྱུགས་ཏེ། དཀྱིལ་འཁོར་བགྱིའོ། །གཞན་ཡང་རི་མོ་མཁན་འབྱུང་འཇུག་གི་ཚེ། ཁྲུས་བགྱིས་ནས་གོས་སར་པ་གཙང་མ་བགོས་ཏེ། ཉིན་རེ་བཞིན་སྡོམ་པ་བརྒྱད་ཡང་དག་པར་བླང་བར་བགྱིའོ། །ཆོས་བཞིན་དུ་གཟུགས་བྲིས་ལགས་
D691.093.0123b03.01ནས་ཀྱང་། རི་མོ་མཁན་ཆོས་བཞིན་དུ་མ་བགྱིས་པར་དོགས་པར་གྱུར་ན། དཀྱིལ་འཁོར་གྲུ་བཞི་པ་ཞིག་ཡིད་ལ་ཇི་ལྟར་མོས་པ་བཞིན་དུ་བགྱིས་ཏེ། བ་དན་དང་། མེ་ཏོག་དང་། ཞལ་ཟས་དང་། ཟས་དཀར་གསུམ་དང་། མེ་ཏོག་དང་། ཕྲེང་བ་དང་། སྤོས་ཆབ་དང་།
D691.093.0123b04.01མེ་ཏོག་སྣ་ཚོགས་ཀྱིས་ཀུན་ཏུ་ཁྱབ་པར་བཀྲམ་ནས་མཆོད་པ་རྒྱ་ཆེར་བགྱིས་ཏེ། རྣལ་འབྱོར་པ་དང་། རི་མོ་མཁན་གང་ལགས་པ་དེས་གདུགས་གཅིག་ལ་དུས་གསུམ་དུ་གཟུགས་བྲིས་པའི་མདུན་དུ་ནོངས་པ་རྣམས་མཐོལ་བཤགས་ན། ཞག་ཉི་ཤུ་རྩ་གཅིག་ཚང་བའི་མཚན་མོ་མིག་སྟོང་
D691.093.0123b05.01ལག་སྟོང་དང་ལྡན་པའི་གཟུགས་བྲིས་པ་ལས་འོད་ཟེར་ཆེན་པོ་བྱུང་ནས། ཉི་ཟླ་ཟིལ་གྱིས་མནན་ཏེ་འོད་ཀྱིས་ཕྱོགས་བཅུའི་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་མཐའ་དང་། ཚད་མ་མཆིས་པ་ཐམས་ཅད་ཐོགས་པ་མ་མཆིས་པར་གསལ་བར་བགྱིད་པས། རྣལ་འབྱོར་
D691.093.0123b06.01པ་དང་། རི་མོ་མཁན་གང་ལགས་པ་དེ་དག་དང་སེམས་ཅན་གང་དག་འོད་ཀྱིས་རེག་པ་དེ་དག་ཐམས་ཅད་ཤིན་ཏུ་ལྕི་བའི་ཁ་ན་མ་ཐོ་བ་ཅི་མཆིས་པ་དུས་གཅིག་ཏུ་ཞུ་བྱང་ནས་ཡོངས་སུ་དག་པར་འགྱུར་ལགས་སོ། །ཆོ་ག་འདི་སྒྲུབ་པ་གང་ལགས་པ་དེས་སེམས་རྩེ་གཅིག་ཏུ་མ་བགྱིས་པ་ནི་མ་
D691.093.0123b07.01