完整藏文原文 · 德格版页 当前仅加载第 93 函德格 104a 版页；藏文 NFD、目录标记与异常页序保留在来源切片中，重复版页行以稳定序号区分。
བྱེ་མ་སྙེད་རྣམས་ཀྱིས་ཕངས་ཤིང་གཅེས་པར་མཛད་པའི་ཕྱིར་རོ། །གང་ཟག་དེ་ནི་འོད་ཅན་གྱི་ལུས་ཀྱི་གཏེར་ཡིན་པར་རིག་པར་བྱ་སྟེ། དེ་བཞིན་གཤེགས་པ་ཐམས་ཅད་ཀྱི་འོད་ཟེར་གྱིས་སྣང་བར་མཛད་པའི་ཕྱིར་རོ། །གང་ཟག་དེ་ནི་བྱམས་པ་དང་། སྙིང་རྗེའི་
D691.093.0104a01.01གཏེར་ཡིན་པར་རིག་པར་བྱ་སྟེ། འདི་ལྟར་གཟུངས་ཀྱིས་སེམས་ཅན་ཡོངས་སུ་སྐྱོབ་པར་བྱེད་པའི་ཕྱིར་རོ། །གང་ཟག་དེ་ནི་དམ་པའི་ཆོས་ཀྱི་སྡེ་སྣོད་ཡིན་པར་རིག་པར་བྱ་སྟེ། གཟུངས་ཀྱི་སྒོ་ཐམས་ཅད་ཀུན་སྡུད་པར་བྱེད་པའི་ཕྱིར་རོ། །གང་ཟག་དེ་ནི་བསམ་གཏན་དང་། ཏིང་
D691.093.0104a02.01ངེ་འཛིན་གྱི་སྡེ་སྣོད་ཡིན་པར་རིག་པར་བྱ་སྟེ། ཏིང་ངེ་འཛིན་བརྒྱ་སྟོང་རྣམས་རྟག་པར་མངོན་སུམ་དུ་འགྱུར་བའི་ཕྱིར་རོ། །གང་ཟག་དེ་ནི་ནམ་མཁའི་མཛོད་ཡིན་པར་རིག་པར་བྱ་སྟེ། རྟག་པར་སྟོང་པ་ཉིད་ཀྱི་ཤེས་རབ་ཀྱིས་སེམས་ཅན་ལ་བལྟ་བའི་ཕྱིར་རོ། །གང་ཟག་དེ་ནི་འཇིགས་
D691.093.0104a03.01པ་མེད་པའི་མཛོད་ཡིན་པར་རིག་པར་བྱ་སྟེ། ལྷ་དང་ཀླུ་དང་དགེ་བའི་ལྷ་རྣམས་རྟག་པར་ཡོངས་སུ་བསྲུང་བའི་ཕྱིར་རོ། །གང་ཟག་དེ་ནི་དམ་པའི་ཚིག་གི་མཛོད་ཡིན་པར་རིག་པར་བྱ་སྟེ། ཁ་ནས་གཟུངས་ཀྱི་སྒྲ་འབྱུང་བ་ལ་རྒྱུན་ཆད་པ་མེད་པའི་ཕྱིར་རོ། །གང་ཟག་དེ་ནི་རྟག་
D691.093.0104a04.01པར་གནས་པའི་གཏེར་ཡིན་པར་རིག་པར་བྱ་སྟེ། འཇིགས་པ་གསུམ་གྱི་བསྐལ་པ་དག་གིས་གཞིག་པར་མི་ནུས་པའི་ཕྱིར་རོ། །གང་ཟག་དེ་ནི་རྣམ་པར་གྲོལ་བའི་མཛོད་ཡིན་པར་རིག་པར་བྱ་སྟེ། ལྷའི་བུའི་བདུད་དང་མུ་སྟེགས་ཅན་རྣམས་ཀྱིས་བཤོལ་བར་མི་ནུས་པའི་ཕྱིར་
D691.093.0104a05.01རོ། །གང་ཟག་དེ་ནི་སྨན་གྱི་རྒྱལ་པོའི་མཛོད་ཡིན་པར་རིག་པར་བྱ་སྟེ། རྟག་པར་གཟུངས་ཀྱིས་སེམས་ཅན་ནད་པ་རྣམས་ཀྱི་ནད་གསོ་བའི་ཕྱིར་རོ། །གང་ཟག་དེ་ནི་རྫུ་འཕྲུལ་གྱི་གཏེར་ཡིན་པར་རིག་པར་བྱ་སྟེ། སངས་རྒྱས་ཀྱི་ཞིང་རྣམས་སུ་རྒྱུ་བ་ལ་རང་དབང་ཐོབ་པའི་
D691.093.0104a06.01ཕྱིར་རོ། །དེ་བས་ན་གང་ཟག་དེའི་ཡོན་ཏན་གྱི་བསྔགས་པ་བརྗོད་ན་ནམས་ཀྱང་མཐར་ཐུག་པར་མི་འགྱུར་རོ། །རིགས་ཀྱི་བུ་གང་ལ་ལ་ཞིག་འཇིག་རྟེན་པའི་སྡུག་བསྔལ་གྱིས་ཡོངས་སུ་སྐྱོ་ནས་ཚེ་རིང་བའི་སྨན་ཡོངས་སུ་ཚོལ་བར་འདོད་པས་དབེན་པའི་གནས་སུ་འདུག་
D691.093.0104a07.01