完整藏文原文 · 德格版页 当前仅加载第 93 函德格 103b 版页；藏文 NFD、目录标记与异常页序保留在来源切片中，重复版页行以稳定序号区分。
དཔའ་ཇི་སྙེད་ཅིག་བཞུགས་པ་རྣམས་དང་། ཚངས་པ་དང་། བརྒྱ་བྱིན་དང་། རྒྱལ་པོ་ཆེན་པོ་བཞི་དང་། ལྷ་དང་དྲང་སྲོང་དང་། ཀླུའི་རྒྱལ་པོ་ཇི་སྙེད་གནས་པ་ཐམས་ཅད་ཀྱིས་ཀྱང་མཁྱེན་ཅིང་ཤེས་པར་འགྱུར་རོ། །ལྷའམ་མི་གང་ཡང་རུང་སྟེ། གཟུངས་འདི་འདོན་ཅིང་ཡོངས་
D691.093.0103b01.01སུ་འཛིན་པ་དེ་དག་ཆུ་ཀླུང་ངམ། རྒྱ་མཚོར་ཞུགས་ཏེ་ཁྲུས་བྱས་པ་ལས་དེ་ན་གནས་པའི་སེམས་ཅན་དེ་དག་ནི་དེ་དག་གིས་ལུས་བཀྲུས་པའི་ཆུས་ལུས་ལ་རེག་པར་གྱུར་ན། སྡིག་པའི་ལས་དང་ཁ་ན་མ་ཐོ་བ་ལྕི་བ་ཐམས་ཅད་ཡོངས་སུ་བྱང་ནས་ཞིང་ཡོངས་སུ་དག་པ་དག་ཏུ་པདྨ་ལས་རྫུས་
D691.093.0103b02.01ཏེ་སྐྱེ་བར་འགྱུར་བས་མངལ་དང་། དྲོད་གཤེར་དང་། སྒོ་ང་ལས་སྐྱེ་བའི་ལུས་ལེན་པར་མི་འགྱུར་ན་ལེན་པ་དང་། འཛིན་པ་དང་། ཀློག་པ་དང་། ཁ་ཏོན་དུ་འདོན་པ་ལྟ་སྨོས་ཀྱང་ཅི་དགོས། གཟུངས་འདི་འདོན་ཅིང་ཡོངས་སུ་འཛིན་པ་དེ་དག་ལམ་དུ་ཞུགས་ཏེ་འགྲོ་བའི་
D691.093.0103b03.01ཚེ་རླུང་ཆེན་པོ་ལངས་ཏེ། གང་ཟག་དེའི་ལུས་དང་། སྤུ་དང་། སྐྲ་དང་། གོས་ལ་བུས་པའི་རླུང་གང་ཡིན་པ་དེ་རྫི་ཕྱོགས་སུ་སོང་བའི་སེམས་ཅན་གཞན་གྱི་ལུས་ལ་རེག་པར་གྱུར་ན། དེ་དག་གི་སྒྲིབ་པ་དང་སྡིག་པའི་ལས་ལྕི་བ་ཐམས་ཅད་མ་ལུས་པར་ཡོངས་སུ།
D691.093.0103b04.01འབྱང་བར་འགྱུར་བས་ཡང་ངན་འགྲོ་གསུམ་པོ་དག་གི་རྣམ་པར་སྨིན་པ་མྱོང་བར་མི་འགྱུར་ཞིང་རྟག་པར་སངས་རྒྱས་ཀྱི་སྤྱན་སྔར་སྐྱེ་བར་འགྱུར་བས་ན་ཡོངས་སུ་འཛིན་པ་དེ་དག་གིས་བསོད་ནམས་དང་འབྲས་བུ་རྣམ་པར་སྨིན་པ་ནི་བསམ་གྱིས་མི་ཁྱབ་པར་རིག་པར་བྱའོ། །གཟུངས་
D691.093.0103b05.01འདི་བཟླས་བརྗོད་བྱེད་པའི་ཁ་ནས་ཇི་ཙམ་དུ་ཚིག་ཏུ་བརྗོད་པར་བྱུང་བ་དགེ་ཡང་རུང་མི་དགེ་ཡང་རུང་སྟེ། ལྷའི་བུའི་བདུད་དང་། མུ་སྟེགས་ཅན་དང་། ལྷ་དང་། ཀླུ་དང་། འདྲེ་སྲིན་ཐམས་ཅད་ཀྱིས་ཐོས་པར་གྱུར་ན་དེ་དག་ཐམས་ཅད་རྣམ་པར་དག་པའི་ཆོས་ཀྱི་དབྱིངས་ཉིད་དུ་འགྱུར་
D691.093.0103b06.01བས། དེ་ལ་སངས་རྒྱས་ཇི་ལྟ་བ་བཞིན་དུ་གུས་པའི་སེམས་བསྐྱེད་ནས་བཀུར་སྟི་དང་། རིམ་གྲོ་བྱེད་པར་འགྱུར་རོ། །གཟུངས་འདི་འདོན་ཅིང་ཡོངས་སུ་འཛིན་པ་དེ་དག་ནི་སངས་རྒྱས་ཀྱི་སྐུའི་གཏེར་ཉིད་དུ་རིག་པར་བྱ་སྟེ། སངས་རྒྱས་གང་གཱའི་ཀླུང་བྱེ་བ་ཕྲག་དགུ་བཅུ་རྩ་དགུའི་
D691.093.0103b07.01