完整藏文原文 · 德格版页 当前仅加载第 93 函德格 119a 版页；藏文 NFD、目录标记与异常页序保留在来源切片中，重复版页行以稳定序号区分。
སླད་དུ་གཟུངས་འདི་ཡི་ཆོ་ག་དང་། གླེགས་བམ་དེ་དག་གིས་མཐོང་ཞིང་ཐོས་པར་ཡང་མི་བགྱི། འདོན་ཅིང་འཛིན་དུ་སྩལ་བར་ཡང་མི་བགྱི་སྟེ། གང་དག་ཚངས་པར་སྤྱོད་པ་ཡོངས་སུ་དག་པར་བསྲུང་བ་དང་། བྱམས་པ་དང་། སྙིང་རྗེའི་སེམས་དང་ལྡན་པ་དང་།
D691.093.0119a01.01སེམས་ཅན་ལ་སྙིང་བརྩེ་ཞིང་བྱང་ཆུབ་ཡོངས་སུ་གཉེར་བར་བགྱིད་པ་དག་གིས་ཡི་གེར་བྲིས་ནས་ཀློག་པ་དང་། འདོན་པ་དང་། ཡོངས་སུ་འཛིན་པར་གྱུར་ན། ཡུམ་གྱི་གཟུངས་ཀྱི་དཀྱིལ་འཁོར་མངོན་པར་འགྲུབ་པར་འགྱུར་བས་སོ། །ཆོས་ཀྱི་ཆོ་ག་འདི་ནི་བྱང་ཆུབ་སེམས་
D691.093.0119a02.01དཔའ་སེམས་དཔའ་ཆེན་པོ་སྤྱན་རས་གཟིགས་དབང་ཕྱུག་གི་མཆོག་ཏུ་གསང་བའི་སྙིང་པོ་ལགས་པའི་སླད་དུ་རིག་སྔགས་འཛིན་པས་ཡང་དག་པའི་སེམས་དང་། བརྩོན་འགྲུས་ཀྱི་སེམས་ཀྱིས་ལུས་ཀྱི་ཡན་ལག་དང་། ཉིང་ལག་དང་། རུས་པ་དང་། ཤ་དང་།
D691.093.0119a03.01རྩ་རྒྱུས་དང་། རྐང་དང་། མགོ་དང་། མིག་ལ་སོགས་པའང་ཡོངས་སུ་སྤངས་ནས་གཞན་དག་ལ་སྩལ་ཏེ། ཆོས་འདི་ཡོངས་སུ་གཉེར་ནས་རྟག་པར་ནན་ཏན་བརྩོན་འགྲུས་ཀྱིས་མངོན་པར་བསྒྲུབ་པར་འཚལ་ན་རིན་པོ་ཆེ་དང་། འབྲུ་དང་། དར་ཟབ་དང་།
D691.093.0119a04.01གོས་དང་། མལ་ཆ་དང་། སྨན་དང་། ནོར་རྫས་རྣམ་པ་སྣ་ཚོགས་རྣམ་པར་གྲོལ་བའི་ཡུམ་གྱི་གཟུངས་དང་། དཀྱིལ་འཁོར་དང་། ཕྱག་རྒྱའི་གཟུགས་བརྙན་གྱི་ཆོས་ཀྱི་ཆེད་དུ་གཏོང་བ་ལྟ་སྨོས་ཀྱང་ཅི་འཚལ་ཏེ། སློབ་དཔོན་གྱི་བསྟན་པ་ཇི་ལྟ་བ་བཞིན་དུ་
D691.093.0119a05.01སེམས་རྩེ་གཅིག་ཏུ་བསྒྲུབ་པར་བགྱིའོ། །དེ་ཅིའི་སླད་དུ་ཞེ་ན། རྣམ་པར་གྲོལ་བའི་གཟུངས་ཀྱི་ཆོས་འདི་ནི་སླད་མའི་དུས་ཐ་མའི་ཚེ་སེམས་ཅན་རྣམས་ལ་སངས་རྒྱས་ཀྱི་མཛད་པ་བགྱིས་ནས་ཡང་དག་པའི་སྤྱོད་པ་དང་། ཡང་དག་པའི་ལས་ཀྱི་མཐའ་དང་། ཡང་དག་པའི་
D691.093.0119a06.01བརྩོན་འགྲུས་དང་། ལྟ་བས་བགྲོད་པའི་ཕྱོགས་དང་། རྣམ་པར་གྲོལ་བའི་ལམ་མངོན་པར་འགྲུབ་པར་བགྱིད་ཅིང་དེ་དག་དུས་འདི་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་འཚང་རྒྱ་བའི་བར་དུ་ནམས་ཀྱང་ལྡོག་པར་མི་འགྱུར་བར་བགྱིད་པས་སོ། །དཀྱིལ་
D691.093.0119a07.01