完整藏文原文 · 德格版页 当前仅加载第 93 函德格 106a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ལས་ཡོངས་སུ་སྐྱོབ་པའི་གཟུངས་ཞེས་ཀྱང་བྱའོ། །ཚེ་བསྲིང་བའི་གཟུངས་ཞེས་ཀྱང་བྱའོ། །ངན་འགྲོ་ཡོངས་སུ་སྦྱོང་བའི་གཟུངས་ཞེས་ཀྱང་བྱའོ། །ལས་ཀྱི་སྒྲིབ་པ་རྣམ་པར་འཇོམས་པའི་གཟུངས་ཞེས་ཀྱང་བྱའོ། །སྨོན་པ་རྣམས་ཡོངས་སུ་
D691.093.0106a01.01རྫོགས་པར་བྱེད་པའི་གཟུངས་ཞེས་ཀྱང་བྱའོ། །སེམས་ཀྱི་རྗེས་སུ་རང་དབང་དུ་གྱུར་པའི་གཟུངས་ཞེས་ཀྱང་བྱའོ། །ས་གོང་མ་རྣམས་ལས་མྱུར་དུ་འདའ་བའི་གཟུངས་ཞེས་ཀྱང་བྱ་སྟེ། དེ་ལྟར་ཡོངས་སུ་གཟུང་བར་བྱའོ། །བཅོམ་ལྡན་འདས་ལ་ཚེ་དང་ལྡན་པ་ཀུན་དགའ་
D691.093.0106a02.01བོས་འདི་སྐད་ཅེས་གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་འདིའི་མིང་ཅི་ལགས་ན། འདི་ལྟ་བུའི་གཟུངས་བསྟན་པ་ལ་མཁས་པར་འགྱུར་ལགས། བཅོམ་ལྡན་འདས་ཀྱིས་བཀའ་སྩལ་པ། བྱང་ཆུབ་སེམས་དཔའ་འདིའི་མིང་ནི་
D691.093.0106a03.01སྤྱན་རས་གཟིགས་དབང་ཕྱུག་ཅེས་ཀྱང་བྱའོ། །དོན་ཡོད་པའི་ཞགས་པ་ཞེས་ཀྱང་བྱའོ། །འོད་སྟོང་པའི་མིག་ཅན་ཞེས་ཀྱང་བྱ་སྟེ། རིགས་ཀྱི་བུ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་འདིའི་མིང་དང་གཟི་བྱིན་དང་མཐུ་སྟོབས་ནི་བསམ་གྱིས་མི་ཁྱབ་སྟེ།
D691.093.0106a04.01འདས་པའི་བསྐལ་པ་ཚད་མེད་པའི་སྔ་རོལ་ནས་མངོན་པར་རྫོགས་པར་སངས་རྒྱས་ནས་མཚན་ཡང་དེ་བཞིན་གཤེགས་པ་ཡང་དག་པའི་ཆོས་ཀྱི་སྣང་བ་ཞེས་བྱ་བར་གྱུར་པ་ཡིན་ཡང་ཐུགས་རྗེ་ཆེན་པོ་དང་སྨོན་ལམ་གྱི་མཐུས་སེམས་ཅན་བདེ་བར་བྱ་བའི་ཕྱིར་བྱང་ཆུབ་སེམས་དཔའི་ལུས་
D691.093.0106a05.01མངོན་དུ་བསྟན་པ་ཡིན་པས། བྱང་ཆུབ་སེམས་དཔའ་སེམས་དཔའ་ཆེན་པོའི་འཁོར་མང་པོ་ཁྱེད་དང་ཚངས་པ་དང་། བརྒྱ་བྱིན་དང་། ལྷ་དང་། ཀླུ་རྣམས་ཀྱིས་གུས་པས་བཀུར་སྟི་བྱས་ནས་བརྙས་པར་མི་བྱའོ། །ལྷ་དང་མི་ཐམས་ཅད་ཀྱིས་རྟག་པར་མཆོད་པར་བྱས་ཏེ།
D691.093.0106a06.01སེམས་རྩེ་གཅིག་ཏུ་མིང་ནས་རྗོད་པར་བྱེད་ན་བསོད་ནམས་ཚད་མེད་པ་སྙེད་འཐོབ་པར་འགྱུར། ཁ་ན་མ་ཐོ་བ་ཚད་མེད་པ་སྙེད་ཡོངས་སུ་འབྱང་བར་འགྱུར། ཚེ་འདས་ནས་ཀྱང་དེ་བཞིན་གཤེགས་པ་འོད་དཔག་མེད་ཀྱི་ཞིང་ཁམས་སུ་སྐྱེ་བར་འགྱུར་རོ། །བཅོམ་ལྡན་
D691.093.0106a07.01