完整藏文原文 · 德格版页 当前仅加载第 93 函德格 125b 版页；藏文 NFD、目录标记与异常页序保留在来源切片中，重复版页行以稳定序号区分。
བྱུགས་ཏེ། ཁྱོད་ངའི་ཞིང་དུ་སྐྱེ་བར་འགྱུར་བས་མ་འཇིགས་ཤིག་ཅེས་བཀའ་སྩལ་པར་འགྱུར། ཚེ་འདི་ཉིད་ལ་ཡང་བློ་བུར་དུ་འཆི་བར་མི་འགྱུར་ཞིང་། འདྲེ་གདོན་དག་གིས་ཀྱང་གླགས་རྙེད་པར་མི་འགྱུར་ལགས་སོ། །དེ་ལ་བྱང་ཆུབ་སེམས་དཔའ་སྤྱན་རས་གཟིགས་དབང་ཕྱུག་
D691.093.0125b01.01གིས་སྟོང་ཆེན་པོའི་འཇིག་རྟེན་གྱི་ཁམས་ཀྱི་ཁ་ན་མ་ཐོ་བ་ཡོངས་སུ་སྦྱོང་བའི་ཕྱག་རྒྱ་ནི་འདི་ལགས་ཏེ། འགྲེང་ནས་འདི་ལྟར་སུག་པ་ལག་པ་གཡོན་པ་མདུན་དུ་བརྐྱང་སྟེ། སོར་མོ་ལྔ་སོ་སོར་ཕྱེ་ནས་མདུན་དུ་ཕུལ་ཏེ་སོར་མོ་ལྔ་ཆར་བསྒྲེང་ངོ་། །དེའི་རྗེས་ལ་སུག་པ་ལག་པ་གཡས་པའི་
D691.093.0125b02.01མཐེ་བོ་ལག་མཐིལ་དུ་བཀུག་སྟེ། སོར་མོ་གཞན་བཞི་ནི་ཁུ་ཚུར་དུ་བཅངས་ནས་རྣ་བ་གཡས་པའི་ཐད་ཀར་བཞག་སྟེ། ལུས་པོ་ཆེའི་སྔགས་བཟླས་ནས་མཛུབ་མོ་ནི་ཕན་ཚུན་རྒྱུ་བར་བགྱིའོ། །ཕྱག་རྒྱ་ནི་གདུགས་གཅིག་ལ་དུས་གསུམ་དུ་བགྱི་བར་འཚལ་བས་དུས་གཅིག་གི་ཚེ་ཡང་
D691.093.0125b03.01ལན་བདུན་བཟླས་བརྗོད་བགྱིས་ན་མཚམས་མ་མཆིས་པ་ལྔ་དང་ཤིན་ཏུ་ལྕི་བ་བཞིའི་ཁ་ན་མ་ཐོ་བ་རྣམས་ཀྱང་འབྱང་བར་འགྱུར་ལགས་སོ། །སེམས་ཅན་ཐམས་ཅད་ལ་བྱམས་པ་དང་། སྙིང་རྗེ་བསྐྱེད་པར་གྱུར་ན་ཁ་ན་མ་ཐོ་བ་ཐམས་ཅད་ཀྱི་རྩ་བ་བསྲེགས་ནས། ཚེ་འདས་པའི་རྗེས་
D691.093.0125b04.01ལའང་སངས་རྒྱས་རྣམས་དང་མཇལ་བར་འགྱུར་ཞིང་། སངས་རྒྱས་ཀྱི་ཞིང་དེ་དག་ཏུའང་འཁོར་ལོས་སྒྱུར་བའི་རྒྱལ་པོ་བགྱིད་པར་འགྱུར། གཞན་ཡང་བས་པ་མ་མཆིས་པའི་གཏེར་ཞེས་བགྱི་བའི་གཟུངས་དང་། ཡེ་ཤེས་མཉམ་པ་ཞེས་བགྱི་བའི་གཟུངས་ཐོབ་པར་འགྱུར། གཞན་
D691.093.0125b05.01ཡང་མཚན་ཉི་ཤུ་རྩ་བརྒྱད་དང་ལྡན་པར་འགྱུར། གཞན་ཡང་ཚེ་འདི་ཉིད་ལ་མིག་དང་། རྣ་བ་དང་། སྣ་དང་། ལྕེ་ལ་སོགས་པ་བྲོ་འཚལ་བར་མི་འགྱུར་ཞིང་ལུས་ཀྱི་ནད་ཐམས་ཅད་ཀྱང་ཡོངས་སུ་འབྱང་བར་འགྱུར། སྔོན་གྱི་ལས་དང་ཁ་ན་མ་ཐོ་བ་རྣམས་ཀྱང་ཞུ་བྱང་བར་
D691.093.0125b06.01འགྱུར་ལགས་སོ། །གལ་ཏེ་ཐན་པ་བྱུང་བར་གྱུར་ན་ཏིལ་འབྲུ་ཡོག་པའི་འབྲས་བུའི་མར་དང་སྦྱར་ཏེ། རིལ་བུ་བགྱིས་ནས་ལན་བརྒྱ་རྩ་བརྒྱད་སྔགས་ཀྱིས་བཏབ་སྟེ། ཆབ་རྫིང་དུ་བོར་ནས་དགུང་ཆར་འབབ་པར་འགྱུར་ལགས་སོ། །གལ་ཏེ་ཆར་ཆེས་ན་འབྲས་སཱ་ལུ་བརྔོས་པའི་
D691.093.0125b07.01