完整藏文原文 · 德格版页 当前仅加载第 99 函德格 35b 版页；藏文 NFD、目录标记与异常页序保留在来源切片中，重复版页行以稳定序号区分。
བརྟུལ་ཞུགས་ཀྱི་སྐྱིལ་མོ་ཀྲུང་དུ་བཞུགས་པ། ཡེ་ཤེས་དྲུག་གི་ཕྱག་ཡེ་ཤེས་རིན་པོ་ཆེ་འབར་བའི་ཕྱག་རྒྱ་ཅན། སྐུ་གསུང་ཐུགས་བསམ་གྱིས་མི་ཁྱབ་པའི་དབུ་གསུམ་དང་ལྡན་པ། བཅོམ་ལྡན་འདས་དེ་བཞིན་གཤེགས་པ་རྣམ་པར་ཤེས་པའི་རྒྱལ་པོ་བླ་མ་དང་།
D837.099.0035b01.01བཙུན་མོ་དམ་པ་སྲ་བའི་དབྱིངས་ཀྱི་བླ་མ་དང་། དེ་བཞིན་གཤེགས་པ་གཟུགས་ཀྱི་རྒྱལ་པོ་བླ་མ་དང་། བཙུན་མོ་དམ་པ་སྣང་བའི་དབྱིངས་ཀྱི་བླ་མ་དང་། དེ་བཞིན་གཤེགས་པ་ཚོར་བའི་རྒྱལ་པོ་བླ་མ་དང་། བཙུན་མོ་དམ་པ་མཉེན་པའི་དབྱིངས་ཀྱི་བླ་མ་དང་། དེ་བཞིན་
D837.099.0035b02.01གཤེགས་པ་འདུ་ཤེས་ཀྱི་རྒྱལ་པོ་བླ་མ་དང་། བཙུན་མོ་དམ་པ་དྲོ་བའི་དབྱིངས་ཀྱི་བླ་མ་དང་། དེ་བཞིན་གཤེགས་པ་འདུ་བྱེད་ཀྱི་རྒྱལ་པོ་བླ་མ་དང་། བཙུན་མོ་དམ་པ་བསྐྱོད་པའི་དབྱིངས་ཀྱི་བླ་མ་ལ་སོགས་པ་ཡེ་ཤེས་རྒྱལ་པོ་སྟངས་དཔྱལ་ཀུན་ཀྱང་མཐིང་ག་དང་། དཀར་
D837.099.0035b03.01པོ་དང་། སེར་པོ་དང་། ལེ་བརྒན་དང་། ལྗང་གུའི་མདོག་བླ་མར་འཚེར་བ་སྟེ། གཉིས་སུ་མེད་པར་འཁྲིལ་བས་ཆོས་ཀྱི་དབྱིངས་ཀུན་ཏུ་མཐའ་ཡས་པར་བླ་མ་ཆེན་པོའི་སྤྱོད་པས་ཁྱབ་པ་ནི་འདི་ལྟ་སྟེ། དཔེར་ན་ཏིལ་གྱི་གང་བུའམ་མངར་གྱི་སྒྲོམ་བུ་བཞིན་ཀུན་དུ་བདེ་
D837.099.0035b04.01བ་ཆེན་པོས་ཁྱབ་པར་བཞུགས་སོ། །དེ་ནས་བྱང་ཆུབ་ཆེན་པོ་རྡོ་རྗེ་མཐོང་དབང་བླ་མ་དང་། བཙུན་མོ་གཟིགས་པར་བྱ་བའི་བླ་མ་དང་། བྱང་ཆུབ་ཆེན་པོ་རྡོ་རྗེ་ཐོས་དབང་བླ་མ་དང་། བཙུན་མོ་གསན་པར་བྱ་བའི་བླ་མ་དང་། བྱང་ཆུབ་ཆེན་པོ་རྡོ་རྗེ་སྣོམ་དབང་བླ་མ་དང་།
D837.099.0035b05.01བཙུན་མོ་མནམ་པར་བྱ་བའི་བླ་མ་དང་། བྱང་ཆུབ་ཆེན་པོ་རྡོ་རྗེ་མྱང་དབང་བླ་མ་དང་། བཙུན་མོ་མྱང་བར་བྱ་བའི་བླ་མ་དང་། བྱང་ཆུབ་ཆེན་པོ་རྡོ་རྗེ་སོགས་ཤེས་བླ་མ་དང་། བཙུན་མོ་སྒྲོན་མའི་བླ་མ་དང་། བྱང་ཆུབ་ཆེན་པོ་རྡོ་རྗེ་གཅོད་ཤེས་བླ་མ་དང་། བཙུན་མོ་གདུག་
D837.099.0035b06.01པའི་བླ་མ་དང་། བྱང་ཆུབ་ཆེན་པོ་རྡོ་རྗེ་འཇུག་ཤེས་བླ་མ་དང་། བཙུན་མོ་ཆར་འབེབས་བླ་མ་དང་། བྱང་ཆུབ་ཆེན་པོ་རྡོ་རྗེ་འདུས་པའི་བླ་མ་དང་། བཙུན་མོ་རྒྱས་པའི་བླ་མ་དང་། འཇོམས་པ་ཆེན་པོ་རྡོ་རྗེ་རེག་གཡས་བླ་མ་དང་། བཙུན་མོ་རྟག་པར་མ་ཡིན་
D837.099.0035b07.01