完整藏文原文 · 德格版页 当前仅加载第 99 函德格 42b 版页；藏文 NFD、目录标记与异常页序保留在来源切片中，重复版页行以稳定序号区分。
འཕེན་པ་གཡོན་ཕྱོགས་ན། །སྟོབས་ཆེན་ཁྲོ་བོ་ཆེན་པོ་ཡང་། །ཡུམ་མཆོག་རྡོ་རྗེ་ལྕགས་ཀྱུ་དང་། །གཉིས་མེད་དབྱིངས་ཀྱི་ངང་དུ་འཁྲིལ། །ནྲྀ་མགོ་གདེངས་པ་གཡས་ཕྱོགས་ན། །ཞགས་པ་འཕེན་པ་གཡོན་ཕྱོགས་ན། །ཁྲོ་ཆེན་གཤིན་རྗེ་གཤེད་པོ་ཡང་། །ཡུམ་མཆོག་
D837.099.0042b01.01རྡོ་རྗེ་ཞགས་པ་དང་། །གཉིས་མེད་དབྱིངས་ཀྱི་ངང་དུ་འཁྲིལ། །སྦྲུལ་མགོ་གདེངས་པ་གཡས་ཕྱོགས་ན། །ལྕགས་སྒྲོག་སྡོམ་པ་གཡོན་ཕྱོགས་ན། །ཁྲོ་ཆེན་རྟ་མགྲིན་དཔའ་བོ་ཡང་། །ཡུམ་མཆོག་རྡོ་རྗེ་ལྕགས་སྒྲོག་དང་། །གཉིས་མེད་དབྱིངས་ཀྱི་ངང་དུ་འཁྲིལ། །རྒྱ་གྲམ་
D837.099.0042b02.01གནོན་པ་གཡས་ཕྱོགས་ན། །དྲིལ་བུ་འཁྲོལ་བ་གཡོན་ཕྱོགས་ན། །ཁྲོ་ཆེན་བདུད་རྩི་འཁྱིལ་པ་ཡང་། །ཡུམ་མཆོག་རྡོ་རྗེ་དྲིལ་འཁྲོལ་དང་། །བྱང་གི་སྒོ་ནས་དབྱིངས་སུ་འཁྲིལ། །ཀུན་བཟང་མཉམ་བཞག་ཡེ་ཤེས་འཕྲོ། །ཡུམ་འགྱུར་མཉམ་རྫོགས་པདྨའི་དཀྱིལ། །
D837.099.0042b03.01གཉིས་མེད་དབྱིངས་ཀྱི་གསང་ཆེན་སྤྲོ། །བདེ་མཆོག་ངོ་མཚར་ཐུགས་ཀྱི་དཀྱིལ། །སྤྲོ་བསྡུ་རྡོ་རྗེ་ཐལ་མོ་དག །བསྒྱུར་བས་རང་སེམས་ཡེ་ཤེས་གསལ། །དེ་ཉིད་ཤེས་རབ་ཐབས་སུ་རྫོགས། །སྒྱུ་འཕྲུལ་དྲ་བ་ངེས་པའི་བླ་མ་ཆེན་པོ་ལས་ཕྱག་རྒྱ་སྤྲོས་པའི་ལེའུ་སྟེ་
D837.099.0042b04.01ལྔ་པའོ།། །།དེ་ནས་ཡེ་ཤེས་རྒྱལ་པོ་དེ་རྡོ་རྗེ་བཀོད་པའི་གསང་བའི་དམ་ཚིག་རྒྱན་རྣམ་པར་སྤྲོས་པའི་དགོངས་པ་ལ་ཅིག་ཆར་བཞུགས་ཏེ། རྡོ་རྗེ་གསང་བའི་ཚིག་འདི་བརྗོད་དོ། །ཤིན་ཏུ་ཕྲ་བའི་ཏིང་འཛིན་མཆོག །དཔེ་དང་ཚད་དུ་མི་གཟུང་ཞིང་། །གཞལ་ཡས་
D837.099.0042b05.01ཕྱག་རྒྱ་ལ་སོགས་ཏེ། །མཚོན་དུ་མེད་ལ་སྣང་བར་བསྒོམ། །ཤིན་ཏུ་ཕྲ་བས་རྣམ་སྦྱངས་ཏེ། །རིག་པས་རྒྱ་ཁྱོན་ཚད་མེད་པ། །གཞལ་ཡས་ཕྱག་རྒྱ་ལ་སོགས་པའི། །མཚོན་དུ་མེད་ལ་སྣང་བར་བསྒོམ། །ཕྱི་ནང་གསང་བའི་མཆོད་པ་དང་། །ཚོགས་ཆེན་གཉིས་ལས་
D837.099.0042b06.01འགྲུབ་པ་ཡི། །འདོད་པ་ལྔ་ཡི་ཡོན་ཏན་རྣམས། །ནམ་མཁའི་མཐའ་དང་མཉམ་རྫོགས་ཏེ། །རགས་དང་ཕྲ་དང་འབྲིང་ལ་སོགས། །ཇི་ལྟར་འདོད་པ་རང་གར་བྱ། །ཙ་ཀ་ལི་དང་ཚོན་རྩི་དག །བྱ་དང་མི་བྱ་མེད་པས་ན། །དེ་ལ་དགག་པར་མ་གསུངས་སོ། །
D837.099.0042b07.01