完整藏文原文 · 德格版页 当前仅加载第 99 函德格 59a 版页；藏文 NFD、目录标记与异常页序保留在来源切片中，重复版页行以稳定序号区分。
རྔ་བརྡུང་དི་རི་རི། །རྔ་སྒྲ་ཆེན་པོས་སྟོང་གསུམ་བཤིག །རྔ་སྒྲ་ཆེན་པོས་བདུད་དཔུང་བསྒྲལ། །རྔ་སྒྲ་ཆེན་པོས་སྲིད་གསུམ་སྦྱངས། །རྔ་སྒྲ་ཆེན་པོས་དགྲ་བགེགས་འདུལ། །རྔ་སྒྲ་ཆེན་པོས་ངན་སོང་སྦྱངས། །རྔ་སྒྲ་འབྲུག་གི་སྒྲ་བསྒྲགས་པས། །ན་རག་
D837.099.0059a01.01དམྱལ་ཁམས་སྟོངས་བར་བྱེད། །རྔ་སྒྲ་ཏུག་ཆེམ་རི་རབ་རྙིལ། །སྟི་ར་རྔ་ཆེན་སྒྲ་ཕྱུང་བས། །ཕྱིན་ཅི་ལོག་རྣམས་སྙིང་ཡང་འབྱིན། །རྔ་ཆེན་འབྲུག་གི་སྒྲ་སྒྲོགས་ཤིང་། །རྔ་ཐབས་གློག་སྟོང་འགྱུར་བ་བཞིན། །དེ་བཞིན་གཤེགས་པའི་ཐུགས་དམ་བསྐང་། །མ་མོ་
D837.099.0059a02.01མཁའ་འགྲོའི་དམ་ཚིག་བསྐང་། །རྣལ་འབྱོར་རྣམ་ལྔའི་དམ་ཚིག་བསྐུལ། །སྟི་ར་རྔ་ཆེན་འདི་བརྡུངས་པས། །ཉན་ཐོས་མདོ་སྡེ་གནས་ནས་སྦར། །རང་རྒྱལ་ལྟ་བ་དབྱིངས་སུ་སྒྲོལ། །སྟི་རའི་རྔ་ཆེན་འདི་བསྒྲགས་པས། །ལྷ་དང་མི་ཡི་ཐེག་པ་ཡང་། །བླ་མེད་ཐེག་
D837.099.0059a03.01པའི་དབྱིངས་སུ་བཙུད། །སྟི་ར་རྔ་སྒྲ་འདི་བསྒྲགས་པས། །སྟོང་ཁམས་སྟི་རའི་རྔ་སྒྲས་བཀང་། །ཀུན་ཀྱང་རྔ་བརྡུང་དི་རི་རི། །རྔ་ཐབས་གློག་སྟོང་ལྕེ་འབྱིན་ཅིང་། །རྔ་སྐད་འབྲུག་སྟོང་སྒྲ་སྒྲོགས་པས། །བྱིན་བརླབས་ལྕགས་ཀྱི་སེར་ཆེན་འབེབས། །སྟོང་གསུམ་
D837.099.0059a04.01འཁྲུག་ཅིང་སྲིད་གསུམ་འཐོར། །རྔ་ཐབས་གཡབ་མོར་བོར་བ་དང་། །ཁ་དང་ཀ་ཡི་དུ་མཚོན་གྱིས། །ཐམས་ཅད་གནམ་ལྕགས་ཆེན་པོས་བཏབ། །ཀ་ལ་ཆེན་པོ་ལ་སོགས་ཏེ། །རྡོ་རྗེ་ཆགས་འོག་ལྡེགས་པའི་རྣམས། །དུས་གཅིག་ཏུ་ནི་ཙིཏྟ་འབྱིན། །སྟི་ར་
D837.099.0059a05.01ཆེན་པོའི་རྔ་སྒྲ་ཡིས། །སྲིད་པ་ཁྲག་གི་རྒྱ་མཚོར་བསྐྱིལ། །དུས་གཅིག་ཏུ་ནི་དབང་ཆེན་རྫོགས། །རྔ་སྒྲ་རིན་ཆེན་ཁང་པ་བརྩེགས། །བསམ་རྫོགས་ཆེ་ལ་དབང་ཐང་ཐོབ། །རྔ་སྒྲས་གཡོ་བ་མེད་པར་བྱེད། །ཆོས་ལ་འཛུད་པའི་སྒྲ་ཡང་འབྱིན། །རྔ་སྒྲས་ཅི་འདོད་
D837.099.0059a06.01དགོངས་པ་རྫོགས། །བྱང་ཆུབ་སེམས་ལྟར་དེ་མ་ཐག །ཅེས་གསུངས་པས་དེ་བཞིན་གཤེགས་པ་ཐམས་ཅད་དེ་བཞིན་གཤེགས་པ་ཉིད་ཀྱི་སྦྱོར་བར་གྱུར་ཏོ། །དེ་ནས་བཅོམ་ལྡན་འདས་དགྱེས་པ་ཆེན་པོ་ཡེ་ཤེས་རྒྱལ་པོ་དེ་ཉིད་ཀྱི་དཀྱིལ་འཁོར་བླ་མ་ཆེན་པོ་
D837.099.0059a07.01