完整藏文原文 · 德格版页 当前仅加载第 99 函德格 47a 版页；藏文 NFD、目录标记与异常页序保留在来源切片中，重复版页行以稳定序号区分。
ནས་བསྒྲེང་བ། གསང་བ་བླ་མའི་རྩིག་པས་ཕྱི་རིམ་བསྐོར་བ། རྡོ་རྗེ་རིན་པོ་ཆེའི་ཕྱི་རོལ་གྱི་ཤིང་ལྗོན་པ་བླ་མས་ཕྱོགས་མཚམས་གཏིབས་པ། ཕྱི་དང་ནང་མེད་པ་ཀུན་དུ་ཡང་བླ་མ་ཆེན་པོའི་ནང་དུ་གྱུར་བ། ཁམས་གསུམ་ཐམས་ཅད་རྡོ་རྗེ་ར་བའི་
D837.099.0047a01.01རྩིག་པ་འཆོར་བ་མེད་པའི་གཞལ་ཡས་ཁང་ན་ཁྲོ་བོ་དང་ཁྲོ་མོའི་རོལ་པའི་ཕྱག་རྒྱ་སྟོང་གི་འཇིག་རྟེན་རྡུལ་ཕྲ་མོ་སྙེད་འཐོན་པར་གྱུར་ཏོ། །དེ་ནས་འཇིག་རྟེན་དྲུག་གི་ཕྱོགས་བཅུ་ཐམས་ཅད་དུ་འུར་འུར་དང་ཆེམ་ཆེམ་དང་། ཤིག་ཤིག་དང་། ཐོར་ཐོར་དང་།
D837.099.0047a02.01གཏོགས་ཤིག་དང་། ཆོམས་ཤིག་དང་། སོད་ཅིག་དང་། དྲོལ་ཞིག་དང་། སྦྱོངས་ཤིག་ལ་སོགས་པས་འཇིག་རྟེན་ན་དབང་ཆེ་ཞིང་དཔའ་བརྟུལ་ཆེ་ཞིང་བརྟུལ་ཞུགས་ཅན་རྣམས་བརྒྱལ་བར་གྱུར་ཏོ། །དེ་ནས་དགྱེས་པ་ཆེན་པོས་ཡེ་ཤེས་རྒྱལ་པོ་དེ་ཉིད་
D837.099.0047a03.01དུར་ཁྲོད་བླ་མ་ཆེན་པོར་དགྱེས་ནས་ཁྲག་གི་རྒྱ་མཚོའི་དཀྱིལ་ཀེང་རུས་ཆེན་པོའི་རི་རབ་ཀྱི་སྟེང་ན་རྡོ་རྗེ་མེ་དཔུང་འབར་བའི་ཀློང་དཀྱིལ་ན་རྡོ་རྗེ་ཡེ་ཤེས་ཀྱི་འཁོར་ལོ་རྩིབས་བཞི་པ་ལ་ཉིད་ཀྱི་གསང་བའི་རྒྱལ་མོ་དང་མཆོད་པ་བླ་མ་ཆེན་པོ་མཛད་དེ་གཉིས་སུ་མེད་པའི་
D837.099.0047a04.01དབྱིངས་ནས་འདི་ཕྱུང་ངོ་། །ཧཱུྃ་བཛྲ་དུ་ཏྲི་ནན་སཱུརྱ་ཙནྡྲ་པདྨ་མཎྜ་ལ་དེ་བ་ཏིཥྛ་ནྃ་ཞེས་བརྗོད་པས་ཡེ་ཤེས་རིན་པོ་ཆེའི་འཁོར་ལོ་རྩིབས་བཞི་པ་འོད་འབར་བའི་སྡེང་དུ་དུར་ཁྲོད་གདུག་པའི་ཚོགས་སེང་གེ་ལ་སོགས་པ་བླ་མ་ཆེན་པོའི་ཁྲི་བཙུགས་ཏེ། གདན་བླ་མ་ཉི་ཟླ་
D837.099.0047a05.01དང་པདྨ་སྤེལ་བར་བཏིང་བའོ། །དེ་ནས་ཆོ་འཕྲུལ་བླ་མ་ཆེན་པོས་བཏུལ་བ། བསམ་གཏན་བླ་མ་ཆེན་པོ་སྤགས་པ་ཚད་མེད་པ། དམིགས་པ་ཐམས་ཅད་དང་བྲལ་བའི་ཡེ་ཤེས་བླ་མ་ཆེན་པོས་དྲེགས་པ་ཐམས་ཅད་དུས་གཅིག་ཏུ་བཏུལ་བའི་སྣམ་རྟེན་བླ་མ་ཆེན་པོ་ལ་
D837.099.0047a06.01མཚོན་པ་དང་། དམིགས་པའི་ཡུལ་ལས་འདས་པའི་ཕྱག་རྒྱ་བླ་མ་འོད་འབར་བ་བཞུགས་པ་ནི་བཅོམ་ལྡན་འདས་ཡེ་ཤེས་རྒྱལ་པོ་ཆེན་པོ་སྐུ་མཐིང་ནག་ཅིར་ཡང་འགྱུར་བ། རྡོ་རྗེ་ལྗགས་ཀྱིས་གསུང་འབྲུག་སྟོང་གི་སྒྲ་སྒྲོགས་པས་སྟོང་ཁམས་ཐམས་ཅད་དུས་
D837.099.0047a07.01