完整藏文原文 · 德格版页 当前仅加载第 99 函德格 57a 版页；藏文 NFD、目录标记与异常页序保留在来源切片中，重复版页行以稳定序号区分。
ཐིག་ལེ་ཆེན་པོ་བླ་མ་ལས། །སྒྱུ་མ་བྱང་ཆུབ་ལམ་དུ་བསྟན། །སྐྱོན་དང་ཡོན་ཏན་ཐམས་ཅད་ཀྱང་། །བྱང་ཆུབ་ཐིག་ལེ་ཉིད་ཀྱི་ངང་། །སྤྱོད་པ་རྣམ་པ་ཉིད་ཀྱི་ཡང་། །ཐིག་ལེ་ཆེན་པོའི་ལམ་དུ་ངེས། །སྒྱུ་མ་རོལ་པའི་དཀྱིལ་འཁོར་ཡང་། །ཐིག་ལེ་
D837.099.0057a01.01ཆེན་པོའི་དབྱིངས་སུ་སྦྱོར། །སྡོམ་པ་རྣམ་པ་བཅུ་གསུམ་དང་། །སྤྱི་ཡི་དམ་ཚིག་མཐའ་ཡས་པ། །ཐིག་ལེ་ཆེན་པོའི་ངང་དུ་གསལ། །སྣོད་བཅུད་འཇིག་རྟེན་མ་ལུས་པ། །ཐིག་ལེ་ཉིད་ཀྱི་རོལ་པའི་དབྱིངས། །ཚོགས་ཆེན་རྣམ་པ་གཉིས་པོ་ཡང་། །བྱང་ཆུབ་
D837.099.0057a02.01སེམས་ཀྱི་དབྱིངས་སུ་ངེས། །གཞལ་ཡས་ཁང་དང་རྒྱན་རྣམས་དང་། །ཆོ་འཕྲུལ་བྱང་ཆུབ་སེམས་སུ་ཐིམ། །ཁྲོ་ཚོགས་བདུད་འདུལ་རོལ་པ་ཡང་། །བྱང་ཆུབ་སེམས་སུ་ངེས་པ་ཡིན། །འགྲོ་དྲུག་སེམས་ཅན་གསུམ་པོ་ཡང་། །ཡེ་ཤེས་དྲུག་དང་སྐུ་གསུམ་
D837.099.0057a03.01དུ། །ངེས་པའི་ཐིག་ལེ་ཆེན་པོ་ཡིན། །ལྔ་ཡི་རྟེན་དང་རྐྱེན་བཞི་ཡང་། །དབྱིངས་ཀྱི་མ་དང་དུས་ཀྱི་སྲིང་། །ཐིག་ལེ་ཆེན་པོའི་ངང་དུ་འདུས། །སྔ་ཕྱི་གསུམ་དང་ཡོད་མེད་ཁམས། །སྐུ་གསུང་ཐུགས་སུ་ངེས་བསྟན་པའི། །ཐིག་ལེ་བྱང་ཆུབ་སེམས་སུ་ངེས། །
D837.099.0057a04.01ཕུང་པོ་ཁམས་དང་སྐྱེ་མཆེད་ཀྱང་། །ཕྱག་རྒྱ་བཞི་བཅུ་གཉིས་པོ་ཡང་། །ཐིག་ལེ་ཉིད་ལས་གཞན་ན་མེད། །བཞི་ཡི་ལས་དང་གཅིག་པོ་ཡང་། །ཐིག་ལེ་སེམས་ཀྱི་ངང་དུ་གསལ། །འགྲོ་བའི་དོན་དུ་འབྱུང་བ་ཡི། །དགུ་དང་སྟོང་ཕྲག་བརྒྱ་བཅུ་བཞི། །བྱང་ཆུབ་
D837.099.0057a05.01སེམས་ལས་གཞན་ན་མེད། །བདེ་སྐྱིད་སྡུག་བསྔལ་མང་པོ་ཡང་། །རྟོགས་པ་བདེ་ཆེན་དབྱིངས་ཀྱི་དོན། །ཡེ་ཤེས་ཡེ་ཤེས་རོལ་པ་ཡང་། །རྡོ་རྗེ་སྙིང་པོའི་དབྱིངས་སུ་ངེས། །ཀུན་བཟང་རྡོ་རྗེ་སེམས་དཔའ་དང་། །དུས་གསུམ་རྒྱལ་བ་རྒྱ་མཚོ་རྣམས། །ཉག་གཅིག་
D837.099.0057a06.01ཡབ་ཏུ་ངེས་པར་རྫོགས། །ཐར་པའི་ལམ་མཆོག་དབྱིངས་ཀྱི་ཡུམ། །ཀུན་དུ་བཟང་མོ་ལ་སོགས་ཀྱང་། །ཐིག་ལེ་མ་ཡི་ངང་དུ་གསལ། །གཞལ་ཡས་ཁང་དང་དཀྱིལ་འཁོར་དང་། །བཞུགས་གནས་ཁྱད་པར་མང་པོ་ཡང་། །ཡེ་ཤེས་ཆེན་པོའི་གནས་སུ་བསྡུ། །
D837.099.0057a07.01