完整藏文原文 · 德格版页 当前仅加载第 99 函德格 47b 版页；藏文 NFD、目录标记与异常页序保留在来源切片中，重复版页行以稳定序号区分。
གཅིག་ཏུ་འཇིག་པ། ཡེ་ཤེས་མེའི་ཐུགས་ཀྱིས་སྣང་སྲིད་ཀྱི་བུད་ཤིང་དུས་གཅིག་ཏུ་བསྲེགས་པ། སྟེང་འོག་མེད་པར་ཀུན་དུ་སྐྱི་བུང་ཞེས་བྱེད་པ། དབུ་དགུ་ཕྱག་{བཅྭ་,བཅོ་}བརྒྱད་པ། ཞབས་རྣམ་པ་བརྒྱད་དུ་གཏམས་པ། ཕྱག་ན་མཚོན་ཆ་སྣ་ཚོགས་བསྣམས་
D837.099.0047b01.01པ། དུར་ཁྲོད་ཀྱི་རྒྱན་གྱིས་བརྒྱན་པ། སྤྱན་འབར་བ་ཉི་ཤུ་རྩ་བདུན་མངའ་ཞིང་རིགས་ལྔའི་དབུ་རྒྱན་གྱིས་བརྒྱན་པ། རྡོ་རྗེ་མཐིང་ག་ཁྱུང་གི་གཤོག་པས་འཇིག་རྟེན་གྱི་ཁམས་ཡོག་པར་བཀབ་པ། ཁྲོས་པའི་རྒྱལ་མོ་མཐིང་ནག་འབར་བ་དང་གཉིས་སུ་མེད་པར་བཞུགས་
D837.099.0047b02.01སོ། །གཉིས་སུ་མེད་པའི་དབྱིངས་ནས་ཤར་ཕྱོགས་ཀྱི་འཁོར་ལོའི་རྩིབས་སྟེངས་ལ་ཁྲི་དང་ཉི་ཟླའི་སྟེང་དུ་མ་ཧཱ་དེ་བ་དང་། འདོད་པའི་ལྷ་གན་རྐྱལ་དུ་བརྟུལ་བའི་སྟེང་དུ་ཉིད་ཀྱི་གཟུགས་ཀྱི་ཕུང་པོ་དེ་བཅོམ་ལྡན་འདས་བུདྡྷ་ཧེ་རུ་ཀ །སྐུ་མདོག་སེར་ནག་དབུ་གསུམ་ཕྱག་དྲུག་ཞབས་
D837.099.0047b03.01བཞིར་གྱུར་པ་དུར་ཁྲོད་ཀྱི་རྒྱན་གྱིས་བརྒྱན་པའོ། །ཕྱག་ན་མཚོན་ཆ་སྣ་ཚོགས་བསྣམས་པའོ། །བདེར་གཤེགས་ཁྲོས་པའི་རྒྱལ་མོ་དང་འཁྲིལ་བ་ཆེན་པོའི་ཚུལ་དུ་བཞུགས་སོ། །ལྷོ་ཕྱོགས་ཀྱི་འཁོར་ལོའི་རྩིབས་སྟེངས་ལ་ཁྲི་དང་ཉི་ཟླའི་གདན་སྟེངས་སུ་གཤིན་རྗེ་གན་རྐྱལ་དུ་
D837.099.0047b04.01བསྒྱེལ་བའི་གདན་ལ་ཉིད་ཀྱི་ཚོར་བའི་ཕུང་པོ་ལས་བཅོམ་ལྡན་འདས་རཏྣ་ཧེ་རུ་ཀ་སྐུ་མདོག་སྔོ་ནག་དབུ་གསུམ་ཕྱག་དྲུག་ཞབས་བཞིར་གྱུར་པ། མཚོན་ཆ་སྣ་ཚོགས་འཛིན་པ། དུར་ཁྲོད་ཀྱི་རྒྱན་གྱིས་བརྒྱན་པ། རིན་པོ་ཆེ་ཁྲོས་པའི་རྒྱལ་མོ་དང་འཁྲིལ་བ་ཆེན་མོའི་ཚུལ་གྱིས་
D837.099.0047b05.01བཞུགས་སོ། །ནུབ་ཕྱོགས་ཀྱི་འཁོར་ལོའི་རྩིབས་སྟེངས་ལ་ཁྲི་དང་ཉི་ཟླའི་སྟེང་དུ་ཆུ་བདག་གི་རྒྱལ་པོ་དང་འཁོར་ལོ་ནག་པོ་བྷྲྀང་གི་རི་ཏི་གན་རྐྱལ་དུ་བསྒྱེལ་བའི་གདན་ལ་ཉིད་ཀྱི་འདུ་ཤེས་ཀྱི་ཕུང་པོ་དེ་བཅོམ་ལྡན་འདས་པདྨ་ཧེ་རུ་ཀ་སྐུ་མདོག་དམར་ནག་དབུ་གསུམ་ཕྱག་དྲུག་
D837.099.0047b06.01ཞབས་བཞིར་གྱུར་པ། མཚོན་ཆ་སྣ་ཚོགས་འཛིན་པ། དུར་ཁྲོད་ཀྱི་རྒྱན་གྱིས་བརྒྱན་པའོ། །པདྨ་ཁྲོས་པའི་རྒྱལ་མོ་དང་འཁྲིལ་བའི་ཚུལ་དུ་བཞུགས་པའོ། །བྱང་ཕྱོགས་འཁོར་ལོའི་རྩིབས་སྟེངས་ལ་ཁྲི་དང་ཉི་ཟླའི་གདན་སྟེངས་སུ་གནོད་སྦྱིན་སྟོངས་{བཟངས་,བཟང་}གན་
D837.099.0047b07.01