完整藏文原文 · 德格版页 当前仅加载第 99 函德格 56b 版页；藏文 NFD、目录标记与异常页序保留在来源切片中，重复版页行以稳定序号区分。
དོན་རྣམས་ནི། །ཡི་གེ་ཚིག་ལ་རབ་བརྟེན་ཏེ། །ཁོང་ནས་གབ་སྦས་དོན་འབྱིན་པ། །སྟོན་པ་རྡོ་རྗེའི་ཐུགས་ལ་གནས། །དཀྱིལ་འཁོར་ལྡན་པའི་དཀྱིལ་འཁོར་གྱིས། །དཀྱིལ་འཁོར་ལ་ནི་དཀྱིལ་འཁོར་བསྒོམ། །དཀྱིལ་འཁོར་དཀྱིལ་འཁོར་ལས་བྱུང་བ། །ཐུགས་
D837.099.0056b01.01ཀྱི་དཀྱིལ་འཁོར་དཀྱིལ་འཁོར་མཆོག །དཀྱིལ་འཁོར་གསང་བའི་ཐིག་ལེ་དབྱིངས། །འབྱུང་བ་ཤེས་རབ་རིགས་ཀྱི་ཡུམ། །བྱེད་པ་རིགས་ཀྱི་གཙོ་བོ་སྟེ། །བྱང་ཆུབ་སེམས་ཀྱི་རྡོ་རྗེའི་ཚོགས། །དབང་པོ་ཡུལ་དུས་རིག་པའི་རྣམས། །བདག་ཉིད་ཆེན་པོ་ལྷག་
D837.099.0056b02.01པར་རྫོགས། །ཐུགས་ཀྱི་ཡེ་ཤེས་ལྔས་བལྟ་ཞིང་། །སྙིང་པོ་ཐིག་ལེ་མཉམ་སྦྱོར་བས། །བདེ་བའི་ཡེ་ཤེས་ཆེན་པོར་རོལ། །ཡེ་ཤེས་དགྱེས་པ་མཆོག་ཏུ་འབུལ། །ཟད་མེད་ཟག་པ་མེད་པ་ཡི། །བསོད་ནམས་ཡེ་ཤེས་སྒྱུ་མར་རོལ། །རོལ་མོའི་དཀྱིལ་
D837.099.0056b03.01འཁོར་མཐའ་ཡས་མཆོག །གསང་བའི་ཐིག་ལེ་ཉིད་ཀྱི་དབྱིངས། །ཕྱོགས་བཅུ་དུས་བཞི་རྫོགས་པའི་དབྱིངས། །སྐུ་གསུང་ཡོན་ཏན་ཕྲིན་ལས་ཐུགས། །གསང་བའི་དཀྱིལ་འཁོར་ཐམས་ཅད་ཀུན། །མ་ལུས་བདག་གིས་དབང་སྒྱུར་རོ། །དབང་སྒྱུར་ཡེ་ཤེས་རོལ་པ་
D837.099.0056b04.01ཡིས། །དཀྱིལ་འཁོར་ལ་གནས་དཀྱིལ་འཁོར་རྫོགས། །རྫོགས་པའི་དཀྱིལ་འཁོར་ལྷུན་གྱིས་གྲུབ། །རྫོགས་ཆེན་རྟོགས་པ་ཆེན་པོ་ཡིས། །རྒྱན་དུ་དཀྱིལ་འཁོར་མ་ལུས་ཐོགས། །རྫོགས་པའི་དཀྱིལ་འཁོར་མཉམ་སྦྱོར་བས། །ཐུགས་ཀྱི་དཀྱིལ་འཁོར་མ་
D837.099.0056b05.01ལུས་འབྱུང་། །ཕྱོགས་བཅུའི་དཀྱིལ་འཁོར་འདུལ་བའི་མགོན། །སྒྱུ་མའི་དཀྱིལ་འཁོར་མ་ལུས་སྒྲོལ། །བྱ་བ་མེད་པའི་དཀྱིལ་འཁོར་སྤྱོད། །ཡེ་ཤེས་རྫོགས་པའི་དཀྱིལ་འཁོར་ལ། །ཐོས་བསམ་བསྒོམ་པའི་མཉམ་སྦྱོར་བས། །རང་འབྱུང་ཀུན་ནས་ལྷུན་
D837.099.0056b06.01གྱིས་གྲུབ། །འདི་ནི་སངས་རྒྱས་ཐམས་ཅད་ཀྱི། །རང་བཞིན་རྫོགས་པའི་དཀྱིལ་འཁོར་ཡིན། །རྒྱུ་རྐྱེན་རྟེན་དང་ལྡན་པ་ཡི། །ཐམས་ཅད་བྱང་ཆུབ་སེམས་ཀྱི་དབྱིངས། །བྱང་ཆུབ་སེམས་ཀྱི་བདེ་ཆེན་གྱིས། །དཀྱིལ་འཁོར་ཐམས་ཅད་དབྱིངས་སུ་ཐིམ། །
D837.099.0056b07.01