完整藏文原文 · 德格版页 当前仅加载第 99 函德格 56a 版页；藏文 NFD、目录标记与异常页序保留在来源切片中，重复版页行以稳定序号区分。
དུ་ཞུགས་ལ་བྱམས། །གསང་བའི་དོན་ཕྱིར་སྨྲ་མི་བྱ། །རྩ་བའི་དམ་ཚིག་ཆེན་པོ་ནི། །གདོང་ཆེན་བཅུ་ཡི་དོན་རྟོགས་ཀྱང་། །རྩ་བ་གསུམ་པོ་མི་འདའོ། །ཡན་ལག་དམ་ཚིག་ལྔ་གཉིས་ནི། །གཏི་མུག་འདོད་ཆགས་ཞེ་སྡང་དང་། །ང་རྒྱལ་ཕྲག་
D837.099.0056a01.01དོག་མི་སྤོང་ངོ་། །དཀར་རྩི་དམར་རྩི་དྲི་ཤ་ཆུ། །དག་པའི་སྣོད་བཅུད་མི་དོར་རོ། །སྤྱི་དཔལ་བཅུ་ཡི་མངའ་བརྙེས་ཀྱང་། །ཡན་ལག་བཅུ་པོ་མི་དོར་རོ། །གཞན་ཡང་ཡན་ལག་དམ་ཚིག་རྣམས། །འདའ་བར་མི་མཛད་རྡོ་རྗེ་དམ། །ས་མ་ཡ་ནི་རྡོ་རྗེ་ཆེ། །མི་འདའ་
D837.099.0056a02.01རྒྱལ་བ་ཉིད་ཀྱི་དམ། །བསམ་རྫོགས་ལྷུན་གྲུབ་ཆེ་མཐར་ཕྱིན། །སྲིད་གསུམ་དག་པ་དབང་ཆེན་སྒྱུར། །མི་འཇིགས་ཀུན་ཏུ་བཟང་པོར་སྤྱོད། །ཐེག་པ་མཐའ་ཡས་འདུལ་བའི་ཐབས། །ཇི་སྙེད་སྡོམ་པ་མཐའ་ལས་པ། །མ་ལུས་རྣམ་དག་ལྷུན་གྱིས་རྫོགས། །
D837.099.0056a03.01ཉམས་འགྱུར་ཉེས་པ་བརྗོད་མི་ལང་། །ཚེ་ཐུང་བསམ་པ་ལོག་པ་དང་། །མྱ་ངན་སྡུག་བསྔལ་ཆེན་པོ་དང་། །དམྱལ་བ་ཉིད་ནི་རྡོ་རྗེ་བྱེད། །དགུ་རྫོགས་བཅུར་ལྡན་གསུམ་གྱིས་སྦྱངས། །བསྐང་བ་ལ་སོགས་མཐའ་ཡས་མཆོག །ཅེས་གསུངས་པས་དེ་བཞིན་
D837.099.0056a04.01གཤེགས་པ་ཉིད་དེ་བཞིན་གཤེགས་པ་ཉིད་ཀྱིས་འདུལ་བར་འགྱུར་རོ། །སྒྱུ་འཕྲུལ་དྲ་བ་བླ་མ་ཆེན་པོ་ལས་འཇིགས་བྱེད་ཆེན་པོ་གསུང་གི་དཀྱིལ་འཁོར་དང་དམ་ཚིག་རྡོ་རྗེའི་ལེའུ་སྟེ་བཅུ་པའོ།། །།དེ་ནས་བཅོམ་ལྡན་འདས་དགྱེས་པ་ཆེན་པོ་ཡེ་ཤེས་རྒྱལ་
D837.099.0056a05.01པོ་དེ་ཉིད་ཆོས་ཐམས་ཅད་མན་ངག་བླ་མ་ཆེན་པོའི་སྙིང་པོ་བྱང་ཆུབ་ཀྱི་སེམས་བདེ་བ་ཆེན་པོའི་ངང་དུ་སྙིགས་མ་མེད་པར་བྱུང་བཏབ་པའི་ཕྱིར་སྐུ་གསུང་ཐུགས་བླ་མ་ཆེན་པོའི་ཐིག་ལེ་ཆེན་པོའི་དཀྱིལ་འཁོར་ནས་མན་ངག་བླ་མ་ཆེན་པོའི་སྙིང་པོ་འདི་ཕྱུང་ངོ་། །
D837.099.0056a06.01བྱང་ཆུབ་སེམས་ཀྱི་བདེ་ཆེན་ལ། །རྒྱུ་རྐྱེན་རྟེན་དང་ལེན་བཅས་པའི། །སྐྱོན་མེད་ཐིག་ལེ་ཆེན་པོ་ལས། །མ་རྟོགས་པ་དང་ལོག་པར་རྟོགས། །ཕྱོགས་རྟོགས་ཡང་དག་ཉིད་མ་རྟོགས། །འདུལ་བ་དགོངས་པ་གསང་བ་དང་། །རང་བཞིན་གསང་བའི་
D837.099.0056a07.01