完整藏文原文 · 德格版页 当前仅加载第 99 函德格 50b 版页；藏文 NFD、目录标记与异常页序保留在来源切片中，重复版页行以稳定序号区分。
ཡིས། །རྡོ་རྗེ་མཐིང་ག་གཤོག་པ་བརྐྱང་། །{བཅྭ་,བཅོ་}བརྒྱད་ཕྱག་ན་བསྣམས་པ་ཡིས། །རྡོ་རྗེ་གློ་སྙིང་ཞིང་ཆུང་གཡས། །བྷན་དྷ་ཞིང་ཆེན་སྟིར་ཆེན་གཡོན། །ནང་ཞགས་ཉི་མ་ཁྱུང་ཆེན་གཡས། །ཞིང་ཆེན་ཟླ་བ་འུག་པ་གཡོན། །མེ་དང་རྒྱ་མཚོ་གའུ་གཡས། །
D837.099.0050b01.01རླུང་དང་རིན་ཆེན་རི་རབ་གཡོན། །ཡོན་ཏན་{བཅྭ་,བཅོ་}བརྒྱད་དབྱིངས་སུ་རྫོགས། །དང་པོ་རྡོ་རྗེ་དུང་ཆེན་ནི། །ཁམས་གསུམ་དབང་དུ་བསྡུས་ནས་ཀྱང་། །བདུད་དང་མུ་སྟེགས་ཀུན་འཇོམས་པའོ། །གཉིས་པ་སྟིར་ཆེན་གློ་སྙིང་ནི། །སྲིད་པའི་སེམས་ཅན་ཐམས་ཅད་
D837.099.0050b02.01ཀུན། །དམ་ཚིག་སྟ་ན་དབྱིངས་སུ་སྒྲོལ། །གསུམ་པ་སྟིར་ཆུང་རིལ་མིད་ནི། །དུག་གསུམ་རྣམ་པར་སྒྲོལ་བའི་རྟགས། །བཞི་པ་སྟིར་ཆེན་ནང་ཞགས་ནི། །རྒྱུད་ལྔའི་སེམས་ཅན་དབྱིངས་སུ་འདྲེན། །ལྔ་པ་ཉི་ཟླ་ཟུང་དུ་འཛིན། །བྱང་ཆུབ་སེམས་ལས་གཡོས་པ་
D837.099.0050b03.01མེད། །དྲུག་པ་ཁྱུང་དང་འུག་པ་ནི། །མཁའ་འགྲོ་ཐམས་ཅད་འཁོལ་བའི་རྟགས། །བདུན་པ་མེ་དཔུང་རླུང་གིས་འཐོར། །སྲིད་པའི་བག་ཆགས་ཐལ་བར་རློག །བརྒྱད་པ་རི་རབ་རྒྱ་མཚོ་རྣམས། །ཐམས་ཅད་མ་ལུས་གཡེང་གནས་ཤིང་། །འབྱུང་བ་ལྔ་
D837.099.0050b04.01ལ་མངའ་བརྙེས་པའོ། །དགུ་པ་རིན་ཆེན་གའུ་ནི། །དངོས་གྲུབ་སྤྲུལ་པ་འབྱུང་བའི་རྟགས། །དགུ་གཉིས་ཟུང་དུ་ལྡན་པ་ལས། །སྟོང་པ་{བཅྭ་,བཅོ་}བརྒྱད་དབྱིངས་སུ་རྫོགས། །དུར་ཁྲོད་རྒྱན་གྱིས་བརྒྱན་པ་ནི། །ཐོད་སྐམ་འབར་བ་ཕྲེང་བ་ཡིས། །ཞི་བ་ཕྱོགས་གཅིག་མྱ་ངན་
D837.099.0050b05.01ཟློ། །མངོན་པར་རྫོགས་པའི་སྐུ་བརྙེས་པའོ། །ཐོད་རློན་འབར་བའི་ཕྲེང་བ་འདི། །ཁམས་གསུམ་དབང་དུ་བསྡུས་ནས་སུ། །སྤྲུལ་པའི་སྐུ་ལ་མངའ་བརྙེས་པའོ། །ཐོད་པ་ཕྱེད་ཚལ་ཕྲེང་བས་ནི། །དུག་ལྔ་བདུད་རྩིར་སྦྱོར་བ་སྟེ། །ལོངས་སྤྱོད་སྐུ་ལ་མངའ་བརྙེས་པའོ། །
D837.099.0050b06.01ཞིང་ཆེན་རློན་པའི་ན་བཟའ་ནི། །ཆོས་དབྱིངས་མཉམ་པ་ཆེན་པོ་སྟེ། །ཆོས་ཀྱི་སྐུ་ལ་མངའ་བརྙེས་པའོ། །སྟག་ལྤགས་གཡང་གཞིའི་ཤམ་ཐབས་ནི། །ཕྲིན་ལས་རྣམ་བཞིའི་རང་བཞིན་ཏེ། །རྡོ་རྗེའི་སྐུ་ལ་མངའ་བརྙེས་པའོ། །སྦྲུལ་ནག་ཆུན་འཕྱང་མང་པོ་ནི། །
D837.099.0050b07.01