完整藏文原文 · 德格版页 当前仅加载第 99 函德格 37a 版页；藏文 NFD、目录标记与异常页序保留在来源切片中，重复版页行以稳定序号区分。
ལྷ་ཡི་གནས་ན་བརྒྱ་བྱིན་མགོན། །ལྷ་མ་ཡིན་ལ་ཐགས་ཟངས་རིས། །མི་ལ་བདུད་འདུལ་ཤཱཀྱ་མགོན། །{ཡི་དགས་,ཡི་དྭགས་}གནས་ན་ཁ་འབར་བདེ། །བྱོལ་སོང་སེང་གེ་ཉིད་དུ་སྨྲ། །དམྱལ་བ་ལ་ནི་གཤིན་རྗེ་མགོན། །སྐུ་དང་ཆ་ལུགས་ཚུལ་སྟོན་ཅིང་། །
D837.099.0037a01.01ལ་ལ་ལྷུམས་ཞུགས་སྐུ་ལ་བལྟམས། །ལ་ལ་ཚུལ་བསྲུང་རབ་ཏུ་བྱུང་། །ལ་ལ་བསྙེན་རྫོགས་དཀའ་ཐུབ་བྱེད། །ལ་ལ་དམ་ནོད་འགྲོ་བ་སྒྲོལ། །ལ་ལ་བཅུ་དྲུག་ཆོས་ལ་བཙུད། །ལ་ལ་མེར་འབར་ཆུར་ཡང་འབྲུག །ལ་ལ་ནམ་མཁའ་སྒྲ་རུ་འབར། །ལ་ལ་རྡོ་རྗེ་
D837.099.0037a02.01བྲག་ཏུ་སྲ། །ལ་ལ་གསོ་གསོད་འཕམ་རྒྱལ་བྱེད། །ལ་ལ་བཅིང་སྒྲོལ་འགུག་སྒྲོལ་བྱེད། །ལ་ལ་བདུད་འདུལ་ངན་སོང་སྦྱོང་། །ལ་ལ་དཀྱིལ་འཁོར་མཆོད་སྤྲིན་འཁྲིལ། །ཀུན་ཀྱང་ཆོས་ཀྱི་འཁོར་ལོ་སྐོར། །དེ་ལྟར་རྟག་ཏུ་ཆོས་ཀྱི་འཁོར་ལོ་བསྐོར་བ་ནི་
D837.099.0037a03.01འདི་ལྟ་སྟེ། ཐེག་པ་དང་པོ་བཅུ་དྲུག་མགོན། །གཉིས་པ་བཞི་ཡི་ལྟ་སྤྱོད་བསྲུང་། །གསུམ་པ་བཅུ་གཉིས་ངེས་པར་བསྟན། །བཞི་པ་གཉིས་ཀྱི་ལྟ་སྤྱོད་སྦྱངས། །བཞི་པའི་ཐེག་པ་མདོར་བསྡུས་ན། །བླ་མེད་ཐེག་པའི་དབྱིངས་སུ་བཙུད། །ཐེག་པ་བཞི་ཡི་ངེས་འབྱུང་
D837.099.0037a04.01ལ། །ཐེག་པ་གཅིག་གིས་འབྲས་བུར་གནས། །ཀུན་འབྱུང་དཀྱིལ་འཁོར་སྒྱུ་འཕྲུལ་ཆེ། །མང་ལ་འབྲེལ་བས་དྲ་བའི་དོན། །ཐུན་མོང་མིན་པས་གསང་བའི་དོན། །ཐེག་པའི་བཅུད་དེ་སྙིང་པོའི་དབྱིངས། །ཞེས་ཆེད་དུ་གླེང་སྟེ། སྣོད་བཅུད་ཀྱི་འཇིག་རྟེན་
D837.099.0037a05.01རྒྱལ་བའི་དཀྱིལ་འཁོར་གསང་བར་གནས་སྒྱུར་བ་དང་། ཕྱོགས་བཅུ་དུས་བཞིའི་དེ་བཞིན་གཤེགས་པ་ཐམས་ཅད་གསང་བ་བླ་མའི་ཏིང་ངེ་འཛིན་གྱི་གཟིགས་མོས་མཉེས་པར་གྱུར་ཏོ། །དེ་ནས་སྣོད་བཅུད་ཀྱི་འཇིག་རྟེན་ཐམས་ཅད་དང་། སྙིགས་མ་མེད་པར་གསང་བ་
D837.099.0037a06.01བླ་མའི་དཀྱིལ་འཁོར་དུ་མངོན་པར་སངས་རྒྱས་ནས་ཆེད་དུ་བརྗོད་པ་འདི་བརྗོད་དོ། །ཨེ་མའོ་རྡོ་རྗེ་ཕུང་པོའི་ཡན་ལག་ནི། །རྫོགས་པའི་སངས་རྒྱས་ལྔ་རུ་གྲགས། །སྐྱེ་མཆེད་ཁམས་རྣམས་མང་པོ་ཀུན། །བྱང་ཆུབ་སེམས་དཔའི་དཀྱིལ་འཁོར་ཉིད། །ས་ཆུ་ཅན་དང་
D837.099.0037a07.01