完整藏文原文 · 德格版页 当前仅加载第 99 函德格 44b 版页；藏文 NFD、目录标记与异常页序保留在来源切片中，重复版页行以稳定序号区分。
རཱ་ག་ཏ་བཛྲ་སྭ་བྷཱ་བ་ཨཱཏྨ་ཀོ྅་ཧྃ། །དབྱིངས་ནས་ཉི་ཤར་མཁའ་ལ་རྫོགས་སྲས་འགྱུར། །རྒྱུ་འཕྲུལ་དྲ་བ་བླ་མ་ཆེན་པོ་ལས་རྡོ་རྗེ་བཀོད་པ་གསང་བ་དམ་ཚིག་དང་དབང་སྦྱིན་པའི་ལེའུ་སྟེ་དྲུག་པའོ།། །།དེ་ནས་བཅོམ་ལྡན་འདས་ཡེ་ཤེས་རྒྱལ་པོ་དེས་ཐུགས་རྗེ་ཆེན་པོ་
D837.099.0044b01.01གདུང་བའི་དམ་ཚིག་ལུ་གུ་རྒྱུད་ལ་སྙོམས་པར་ཞུགས་ནས་དམ་ཚིག་སྟ་ན་ཆེན་པོའི་ཕྲིན་ལས་མཛད་དོ། །ཨེ་མའོ་ངོ་མཚར་རྨད་ཀྱི་ཆོས། །རྫོགས་པའི་སངས་རྒྱས་ཀུན་གྱི་གསང་། །ཞིང་བཅུར་ལྡན་པའི་ལོངས་སྤྱོད་ལ། །གསུང་གི་འཕྲོ་འདུ་རྣམ་སྦྱངས་ཏེ། །ལྔ་ཡི་
D837.099.0044b02.01ཚོམ་བུ་ཡང་དག་གསལ། །སྒོ་ལྔ་བྱིན་རླབས་འདྲེན་པའི་མཆོག །ངོ་མཚར་ངན་འགྲོ་ཐར་པའི་ལམ། །གཙུག་ཏུ་སྣང་མཛད་སེམས་དཔའ་ཆེ། །སྐུར་སྐྱེད་བྱིན་རླབས་རྨད་པོ་ཆེ། །ཕོ་ཉ་མང་པོའི་འཕྲོ་འདུ་ཡིས། །ཞིང་བཅུ་གནས་ནས་བླངས་ནས་སུ། །ཉི་ཟླ་སྟེང་དུ་
D837.099.0044b03.01དེ་བཞག་སྟེ། །ཤེས་པ་གསུམ་པོ་དབྱིངས་སུ་བསྟིམ། །རང་རྒྱུད་འཁོར་བའི་ས་བོན་ལས། །ལྗང་གུ་ནི་རུ་འཕང་བསྟོད་དེ། །ནི་ལྗང་ཧཱུྃ་དུ་གནས་བསྒྱུར་ནས། །ཡས་འདུས་མས་འདུས་ཧུྃ་ལ་འདུས། །ཧཱུྃ་ནི་བདེ་གཤེགས་ཡེ་ཤེས་ལྔ། །དཀར་ལ་གསལ་བར་སྐུར་བསྐྱེད་
D837.099.0044b04.01དེ། །བདེ་ཆེན་འོད་ཟེར་འཕྲོ་བས་བརྗིད། །རྡོ་རྗེ་སྔོན་པོ་རྩེ་ལྔ་པ། །ཡབ་ཡུམ་བཅུ་ཡི་བྱིན་རླབས་ཉིད། །ལེ་བརྒན་ཧཱུྃ་ནི་དབྱིངས་སུ་སྦྱོར། །ཀུན་ཏུ་བཟང་མོ་བདེ་བའི་མཁའ། །སངས་རྒྱས་སེམས་ཅན་གཉི་གའི་ཡུམ། །རྡོ་རྗེ་སེམས་དཔའ་སངས་རྒྱས་གཙོ། །
D837.099.0044b05.01སྲས་སུ་གྱུར་པས་བདེ་བའི་མཆོག །ཞིང་གྱུར་མཆོག་དང་མཆོག་ཕྲན་རྣམས། །གནས་ནི་ཀུན་བཟང་ཡུམ་གྱི་མཁའ། །ས་ནི་རྡོ་རྗེ་སེམས་དཔའི་ས། །མི་ལྡོག་ཉི་ཟླའི་གདན་སྟེངས་སུ། །མཁས་པས་སྐུ་ཡི་ཕྱག་རྒྱར་བསྐྱོད། །མཚན་དང་དཔེ་བྱད་ཡང་
D837.099.0044b06.01དག་ལྡན། །རྟག་ཏུ་སྐུ་མཆོག་གཡུང་དྲུང་སྦྱིན། །ཧོ་རྡོ་རྗེ་གསང་བའི་ཚིག་ཏུའོ། །དེ་ནས་ཡེ་ཤེས་རྒྱལ་པོ་དེས། །གསང་མཆོག་བདེ་བའི་མཆོད་སྤྲིན་གྱིས། །ཕྱོགས་བཅུའི་ཞིང་ཁམས་རྡུལ་སྙེད་ན། །རྒྱལ་བའི་དཀྱིལ་འཁོར་རྡུལ་ཕྲན་སྙེད། །དེ་ཀུན་
D837.099.0044b07.01