完整藏文原文 · 德格版页 当前仅加载第 99 函德格 36a 版页；藏文 NFD、目录标记与异常页序保留在来源切片中，重复版页行以稳定序号区分。
ཕའི་བླ་མ་དང་། འཇོམས་པ་ཆེན་པོ་རྡོ་རྗེ་རེག་གཡོན་བླ་མ་དང་། བཙུན་མོ་ཆད་པར་མ་ཡིན་པའི་བླ་མ་དང་། འཇོམས་པ་ཆེན་པོ་རྡོ་རྗེ་རེག་གསང་བླ་མ་དང་། བཙུན་མོ་བདག་ཏུ་མ་ཡིན་པའི་བླ་མ་དང་། འཇོམས་པ་ཆེན་པོ་རྡོ་རྗེ་རེག་འདུས་བླ་མ་དང་། །བཙུན་མོ་མཚན་མར་མ་ཡིན་པའི་བླ་མ་
D837.099.0036a01.01དང་། དེ་ལྟ་བུའི་ཚོགས་བརྗོད་ཀྱིས་མི་ལང་བ་དང་གཉིས་སུ་མེད་པར་གསང་བ་དགྱེས་པའི་དབྱིངས་བླ་མ་ན་བཞུགས་སོ། །དེ་ནས་དེ་བཞིན་གཤེགས་པ་བཙུན་མོའི་ཚོགས་དང་གཉིས་སུ་མེད་པའི་དཀྱིལ་འཁོར་བླ་མ་དེ་ཉིད་ཀྱི་གསང་བ་བླ་མ་འདི་ཉིད་
D837.099.0036a02.01ཀྱི་སྐུ་དང་གསུང་དང་ཐུགས་དང་ཡོན་ཏན་ཕྲིན་ལས་རྡོ་རྗེ་ལས་བྱུང་ངོ་། །ཨེ་མའོ་དེ་བཞིན་ཉིད་ཀྱི་དབྱིངས་ཉིད་དབང་སྒྱུར་དཀྱིལ་འཁོར་བླ་མའི་ངང་། །ངང་ཉིད་རྣམ་དག་བདེ་མཆོག་གསང་བའི་དབྱིངས། །དབྱིངས་ཉིད་མཉམ་སྦྱོར་བདེ་མཆོག་རིན་
D837.099.0036a03.01ཆེན་གཏེར། །མི་ཟད་གཏེར་ལྡན་བདུད་རྩི་གསང་བའི་བླ། །བླ་མེད་བྱང་ཆུབ་ཐིག་ལེ་ཡ་མཚན་དཀྱིལ་འཁོར་སྣང་། །རང་སྣང་བ་ཉིད་ཏིང་འཛིན་གཟུགས་བརྙན་རྣམ་དག་སྣང་བ་ནི། །སྐུ་གསུང་ཐུགས་ཡོན་ཕྲིན་ལས་སེལ་མེད་པའི་ཡིད་བཞིན་རིན་ཆེན་མི་ཟད་
D837.099.0036a04.01པར་ལྡན་པ་རྒྱན་གྱི་འཁོར་ལོ་བླ་མ་རྡོ་རྗེ་མཆོག་གི་གནས་ཉིད་དོ། །རྡོ་རྗེ་གསང་བ་བླ་མའི་ངེས་དོན་དུའོ། །གསང་བའི་སྙིང་པོ་དེ་ཁོ་ན་ཉིད་ངེས་པའི་བླ་མ་ལས་དབྱིངས་དང་ཡེ་ཤེས་གསང་བའི་བདེ་བའི་བླ་མ་ངེས་པའི་གླེང་གཞིའི་ལེའུ་སྟེ་དང་པོའོ།། །།དེ་ནས་
D837.099.0036a05.01བཅོམ་ལྡན་འདས་ཡིད་བྱེད་པ་བླ་མ་རྡོ་རྗེ་ཀུན་དུ་བཟང་པོ་ཐམས་ཅད་མ་ལུས་པའི་ཚུལ་རྡོ་རྗེས་བཙུན་མོ་བྱ་བ་མོ་ཀུན་དུ་བཟང་མོའི་བླ་མ་ལ་འཇུག་པར་གྱུར་ཏོ། །གསང་བའི་བླ་མའི་ཚིག་འདི་ཆེད་དུ་བརྗོད་དོ། །ཨོྃ་ཆོས་ཀྱི་ཆོས་ཉིད་བྱ་བའི་དབྱིངས། །ཀུན་དུ་བཟང་མོ་
D837.099.0036a06.01བདེ་བའི་ཡུམ། །མ་གཡོས་རང་བཞིན་དཀྱིལ་འཁོར་ནི། །བདག་ཡིན་བདག་གི་སྤྱོད་ཡུལ་བས། །ཕྱག་རྒྱ་སྣ་ཚོགས་སོ་སོར་གསལ། །ནུབ་ཕྱོགས་འོག་མིན་གནས་མཆོག་ཏུ། །མ་ཆགས་པདྨའི་གདན་བཏིང་བ། །དུས་གསུམ་རྒྱལ་བ་བཞུགས་པའི་གནས། །
D837.099.0036a07.01