完整藏文原文 · 德格版页 当前仅加载第 99 函德格 38a 版页；藏文 NFD、目录标记与异常页序保留在来源切片中，重复版页行以稳定序号区分。
མེད་པའི། །ཡེ་ནས་ལྷུན་རྫོགས་སངས་རྒྱས་ཆོས། །བསྟན་ཕྱིར་སྤྲོ་བ་སྣ་ཚོགས་མཛད། །སྤྲོས་ཀྱང་འཕེལ་འགྲིབ་མེད་པའི་དབྱིངས། །དེ་ལྟར་ཡིན་ན་ཡང་དེ་ལྟར་མ་རྟོགས་པ་རྣམས་ལ་ཀུན་རྫོབ་ཀྱི་ཕུང་པོ་བྱང་ཆུབ་ཀྱི་སེམས་བླ་མའི་དཀྱིལ་འཁོར་
D837.099.0038a01.01དུ་སེམས་ཀྱི་ངོ་བོ་བསྐྱེད་པའི་ཕྱིར། རྡོ་རྗེ་གསང་བའི་ཚིག་འདི་ཆེད་དུ་བརྗོད་དོ། །སྟོང་ཞིང་དབེན་པའི་སེམས་ཉིད་ནི། །རིགས་དང་ཁ་དོག་དབྱིབས་མེད་དེ། །ཅི་ཡང་མེད་ལ་ཅིར་ཡང་སྣང་། །མི་བསྐྱོད་རྫུ་འཕྲུལ་སྣ་ཚོགས་འབྱུང་། །རྒྱལ་བའི་དཀྱིལ་འཁོར་སྣ་
D837.099.0038a02.01ཚོགས་ཀྱང་། །སེམས་ཀྱི་སྒྱུ་འཕྲུལ་ཆེན་པོ་ཡིན། །གཅིག་དང་དུ་མར་མི་དམིགས་ཏེ། །མངོན་ཤེས་དྲུག་གིས་ཐམས་ཅད་བྱེད། །བླ་མའི་ཏིང་འཛིན་ཆེན་པོ་ཡིས། །དཀྱིལ་འཁོར་ཆེན་པོ་བྱེད་པར་བསྟན། །རྒྱུ་ལྔ་རྐྱེན་བཞིས་བསྡུས་པ་ལ། །རྒྱལ་བའི་དཀྱིལ་
D837.099.0038a03.01འཁོར་ཆེ་ཕྲ་བསྒོམ། །བཞི་ཡི་རིམ་པ་ཚུལ་བཞིན་བྱེད། །རྒྱན་དང་ཕྱག་རྒྱའི་ཚུལ་རྣམས་ཀུན། །ཏིལ་འབྲུའི་ནང་དུ་རི་རབ་བསྐྱེད། །སངས་རྒྱས་སྟོང་གི་དཀྱིལ་འཁོར་དང་། །སྟངས་དཔྱལ་གཉིས་ཀྱི་ཕྱག་རྒྱ་ཡང་། །རི་རབ་ཏིལ་འབྲུའི་ཚུལ་བཞིན་དུ། །དཔེ་
D837.099.0038a04.01བྱད་རྒྱན་གྱིས་བརྒྱན་སྤྲས་པའོ། །ངེས་པས་བཞི་བཅུ་རྩ་ལྔ་བསྒོམ། །དབྱིངས་དང་ཡེ་ཤེས་སྟངས་དཔྱལ་གཉིས། །དཀྱིལ་འཁོར་ཀུན་གྱི་བྱེད་པ་པོ། །ཧོཿགཟུགས་ནི་རྣམ་པར་སྣང་མཛད་དེ། །ཡུལ་ལ་ཀུན་དུ་བཟང་མོའོ་ཧོཿ། །ཚོར་བ་རིན་ཆེན་འབྱུང་ལྡན་ཏེ། །ཡུལ་
D837.099.0038a05.01ལ་ཁམས་གསུམ་བྱམས་མའོ་ཧོཿ། །འདུ་ཤེས་སྣང་བ་མཐའ་ཡས་ཏེ། །ཡུལ་ལ་ན་བཟའ་དཀར་མོའོ་ཧོཿ། །འདུ་བྱེད་དོན་ཡོད་གྲུབ་པ་སྟེ། །ཡུལ་ལ་དམ་ཚིག་སྒྲོལ་མའོ་ཧོཿ། །རྣམ་ཤེས་རྡོ་རྗེ་སེམས་དཔའ་སྟེ། །ཡུལ་ལ་ཡངས་པའི་སྤྱན་ཅན་མ་ཧོཿ། །མིག་ལ་ས་ཡི་
D837.099.0038a06.01སྙིང་པོ་སྟེ། །ཡུལ་ལ་དཀར་མོ་སྒེག་ཆེན་ནོ་ཧོཿ། །སྣ་ལ་ནམ་མཁའི་སྙིང་པོ་སྟེ། །ཡུལ་ལ་མེ་ཏོག་དཔའ་ཕྲེང་མའོ་ཧོཿ། །ལྕེ་ལ་སྤྱན་རས་དབང་ཕྱུག་སྟེ། །ཡུལ་ལ་ཆོས་ཀྱི་དབྱངས་ཅན་ནོ་ཧོཿ། །རྣ་བར་ཕྱག་ན་རྡོ་རྗེ་སྟེ། །ཡུལ་ལ་ལས་ཀྱི་གར་མཁན་མའོ་ཧོཿ། །ཀུན་
D837.099.0038a07.01