完整藏文原文 · 德格版页 当前仅加载第 101 函德格 3b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། འབྱུང་པོ་དང་། {ཡི་དགས་,ཡི་དྭགས་}དང་། ཤ་ཟ་དང་། སྨྱོ་བྱེད་དང་། བརྗེད་བྱེད་དང་། སྒྲུབ་པ་དང་། སྦྲུལ་འཛིན་བཅས་དང་གནོན་པོ་ཚད་མེད་
D946.101.0003b01.01དཔག་ཏུ་མེད་གྲངས་མེད་པ་རྣམས་དང་། ལྷའི་བུ་ཉི་མ་དང་། ལྷའི་བུ་ཟླ་བ་དང་། དུས་ཚིགས་ཀྱི་ལྷ་དང་། ནུབ་ཀའི་ལྷ་དང་། དུས་ཀྱི་ལྷ་ཐམས་ཅད་དང་། གནམ་སའི་ལྷ་རྣམས་དང་ཡང་ཐབས་ཅིག་གོ། །དེ་ལྟར་ཡང་བཅོམ་ལྡན་འདས་དེ་ཆོས་ཀྱི་འཁོར་ལོ་ནི་ཤིན་ཏུ་བསྐོར་སངས་
D946.101.0003b02.01རྒྱས་ཀྱི་མཛད་པ་ནི་ཤིན་ཏུ་ཡོངས་སུ་མཐར་ཕྱིན། བསོད་ནམས་དང་ཡེ་ཤེས་ཀྱི་ཚོགས་ནི་ཤིན་ཏུ་ཡོངས་སུ་རྫོགས་ཐམས་ཅད་མཁྱེན་པ་ཉིད་དང་། བྱང་ཆུབ་ཆེན་པོ་དང་། ཕ་རོལ་ཏུ་ཕྱིན་པ་དང་། ས་བརྙེས་པས་ནི་ཤིན་ཏུ་ཡོངས་སུ་བཟུང་སྐྱེས་བུ་ཆེན་པོའི་མཚན་འབར་བ་སུམ་ཅུ་
D946.101.0003b03.01རྩ་གཉིས་ཀྱིས་ནི་སྐུ་བརྒྱན། དཔེ་བྱད་བཟང་པོ་བརྒྱད་ཅུས་ནི་ཡན་ལག་དང་། ཉིང་ལག་ཐམས་ཅད་རྣམ་པར་སྤྲས། སྤྱི་གཙུག་ནི་སེམས་ཅན་ཐམས་ཅད་ཀྱིས་བལྟར་མི་མཐོང་། བདུད་ཀྱི་ཚེར་མ་ཐམས་ཅད་ནི་དཀྲུགས། དེ་ཁོ་ན་ཉིད་མཁྱེན་པ་ཉིད་ནི་རིམ་པར་ཐུགས་སུ་ཆུད།
D946.101.0003b04.01སྤྱན་རྣམ་པ་ལྔ་ནི་མངའ། རྣམ་པ་ཐམས་ཅད་ཀྱི་མཆོག་དང་ནི་ལྡན། ཐམས་ཅད་མཁྱེན་པའི་ཡེ་ཤེས་དང་ནི་ལྡན། སངས་རྒྱས་ཀྱི་ཆོས་ཐམས་ཅད་དང་ནི་ལྡན། བདུད་དང་ཕས་ཀྱིས་རྒོལ་བ་དང་། ངན་པའི་ཚོགས་ཅན་གྱི་ཚོགས་ཐམས་ཅད་ནི་བཅོམ། བརྗོད་པའི་སྒྲ་དང་།
D946.101.0003b05.01ཚིགས་སུ་བཅད་པ་ནི་འཕགས། ཁྱུ་མཆོག་དང་སེང་གེའི་སྒྲ་ནི་སྒྲོགས། མ་རིག་པའི་མུན་པ་ནི་ཀུན་ཏུ་བསལ། བསྐལ་པ་བྱེ་བ་ཁྲག་ཁྲིག་འབུམ་ཕྲག་གྲངས་མེད་དཔག་ཏུ་མེད་པར་སྦྱིན་པ་དང་། ཚུལ་ཁྲིམས་དང་། བཟོད་པ་དང་། བརྩོན་འགྲུས་དང་། བསམ་གཏན་དང་།
D946.101.0003b06.01ཤེས་རབ་དང་། ཐབས་དང་། སྟོབས་དང་། སྨོན་ལམ་དང་། ཡེ་ཤེས་ཀྱི་ཕ་རོལ་ཏུ་ཕྱིན་པ་དང་། དཀའ་བ་སྤྱད་པས་མངོན་པར་གྲུབ་པའི་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུས་སྐུ་བརྒྱན་པས་ནི་མཛེས་ཤིང་རིན་པོ་ཆེ་རྡོ་རྗེའི་པདྨའི་
D946.101.0003b07.01