完整藏文原文 · 德格版页 当前仅加载第 101 函德格 27a 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པས་ལག་ན་རྡོ་རྗེ་ལ་ཇི་ལྟར་ལེགས་སོ་ཞེས་བྱ་བ་བྱིན་པ་དེ་བཞིན་དུ་ཕྱོགས་བཅུའི་འཇིག་རྟེན་གྱི་ཁམས་སུ་གཏོགས་པའི་དེ་བཞིན་གཤེགས་པ་ཐམས་ཅད་ཀྱིས་ཀྱང་གསང་བ་པའི་
D946.101.0027a01.01བདག་པོ་ལག་ན་རྡོ་རྗེའི་མགོ་ལ་ཕྱག་བཞག་སྟེ། ཆེད་དུ་བཀའ་སྩལ་པ་འདི་དག་ཀྱང་ཆེད་དུ་བཀའ་སྩལ་ཅིང་ལེགས་སོ་ཞེས་བྱ་བ་བྱིན་ཏེ། རིགས་ཀྱི་བུ་ཆོས་ཀྱི་རྣམ་གྲངས་འདི་འཇིག་རྟེན་གྱི་ཁམས་མང་པོ་དག་ན་མིང་འཛིན་པ་ཡང་དཀོན་ན་རབ་ཏུ་གསལ་བར་བྱེད་པ་ལྟ་ཅི་སྨོས།
D946.101.0027a02.01གསང་བ་པའི་བདག་པོ་ལག་ན་རྡོ་རྗེས་ཆོས་ཀྱི་རྣམ་གྲངས་འདི་བཤད་པ་ན་ལྷའི་བུ་གང་གཱའི་ཀླུང་ཚད་མེད་གྲངས་མེད་དཔག་ཏུ་མེད་པའི་བྱེ་མའི་རྡུལ་ཕྲ་རབ་ཀྱི་རྡུལ་ལས་ཤིན་ཏུ་འདས་བསྙེད་ཆོས་རྣམས་ལ་ཆོས་ཀྱི་མིག་རྡུལ་མེད་ཅིང་དྲི་མ་དང་བྲལ་བ་སྐྱེས་སོ། །དགེ་སློང་དང་།
D946.101.0027a03.01དགེ་སློང་མ་དང་། དགེ་བསྙེན་དང་། དགེ་བསྙེན་མ་དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། མི་དང་། མི་མ་ཡིན་པ་རབ་ཏུ་མང་པོ་དག་ནི་མི་སྐྱེ་བའི་ཆོས་ལ་བཟོད་པ་
D946.101.0027a04.01ཐོབ་པར་གྱུར་ཏོ། །དེ་བས་ཀྱང་ཆེས་མང་བའི་སེམས་ཅན་རྣམས་ནི་ཕྱིར་མི་ལྡོག་པ་ཉིད་དུ་བྱ་བའི་ཕྱིར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་སྐྱེས་སོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་དང་། དེ་མ་ཡིན་པ་སངས་རྒྱས་ཀྱི་ཞིང་གཞན་
D946.101.0027a05.01དཔག་ཏུ་མེད་ཅིང་གྲངས་མེད་ལ་བརྗོད་དུ་མེད་པའི་ཡང་བརྗོད་དུ་མེད་པ་དག་ཀྱང་རྣམ་པ་དྲུག་ཏུ་གཡོས་སོ། །གསང་བ་པའི་བདག་པོ་ལག་ན་རྡོ་རྗེ་ལ་ཡང་ཆོས་ཀྱི་དགའ་པ་དང་། མཆོད་པའི་ཕྱིར་ནམ་མཁའི་དཀྱིལ་ན་རྔ་རྣམས་མ་བརྡུངས་པར་ཀུན་ནས་སྒྲ་བྱུང་ངོ་། །བྱང་ཆུབ་
D946.101.0027a06.01སེམས་དཔའི་རྫུ་འཕྲུལ་གྱི་གཞལ་མེད་ཁང་གི་ཁང་བ་བརྩེགས་པ་རྣམས་སུ་ཀུན་ནས་སིལ་སྙན་དང་། ཕེག་རྡོབ་པ་དང་། གླུ་དབྱངས་བླངས་པས་ལྷའི་བུ་མོ་རྣམས་གར་བྱེད་དོ། །སྤོས་དང་། བྱུག་པ་དང་། བདུག་པ་དང་། ཕྱི་མ་དང་། གོས་དང་། གདུགས་དང་། རྒྱལ་
D946.101.0027a07.01