完整藏文原文 · 德格版页 当前仅加载第 101 函德格 14b 版页；藏文 NFD、目录标记与异常页序保留在来源切片中，重复版页行以稳定序号区分。
པས་གཞལ་མེད་ཁང་དང་། མེ་ཏོག་གི་སྤྲིན་དང་། རིན་པོ་ཆེའི་སྤྲིན་དང་། བྱེ་མའི་སྤྲིན་དང་། སྤོས་དང་། བྱུག་པ་དང་། གདུགས་དང་། རྒྱལ་མཚན་དང་། བ་དན་དང་། རྣམ་པར་རྒྱལ་བའི་བ་དན་གྱི་སྤྲིན་དང་། རིན་པོ་ཆེ་སྤུག་དང་། རྡོའི་སྙིང་པོ་དང་། བཻཌཱུརྱ་དང་། ཨནྡ་
D946.101.0014b01.01རྙིལ་དང་། བྱི་རུ་དང་། མརྒད་དང་། མུ་ཏིག་དམར་པོ་དང་འཛམ་བུའི་ཆུ་བོའི་གསེར་གྱི་སྤྲིན་དང་། དཔག་བསམ་གྱི་ཤིང་ལྗོན་པ་དང་། རིན་པོ་ཆེའི་པདྨ་དུ་མས་ཁེབས་པའི་རྫིང་གིས་ལེགས་པར་བརྒྱན་པར་གྱུར་ཏོ། །འཇིག་རྟེན་གྱི་ཁམས་འདི་ཇི་ལྟ་བ་བཞིན་དུ་ཕྱོགས་བཅུའི་
D946.101.0014b02.01འཇིག་རྟེན་གྱི་ཁམས་ཚད་མེད་གྲངས་མེད་བསམ་གྱིས་མི་ཁྱབ་ཅིང་དཔག་ཏུ་མེད་པ་གཞལ་དུ་མེད་ཅིང་བརྗོད་དུ་མེད་པར་གཏོགས་པ་གང་གཱའི་ཀླུང་གི་བྱེ་མ་སྙེད་ལས་ཤིན་ཏུ་འདས་པའི་འཇིག་རྟེན་གྱི་ཁམས་དག་ན་གསང་བ་པའི་བདག་པོ་ལག་ན་རྡོ་རྗེའི་རྣམ་པར་ཐར་བའི་སྒོ་ཆེན་པོའི་
D946.101.0014b03.01ཏིང་ངེ་འཛིན་རྣམ་པར་འཕྲུལ་བའི་བྱིན་གྱི་རླབས་ཀྱིས་དེ་བཞིན་དུ་ལེགས་པར་བརྒྱན་པར་ཀུན་དུ་སྣང་ངོ་། །འཇིག་རྟེན་གྱི་ཁམས་དེ་དག་ན་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གང་དག་བཞུགས་ཏེ་འཚོ་ཞིང་གཞེས་པ་དེ་དག་ཐམས་ཅད་
D946.101.0014b04.01དེ་ན་བཞུགས་བཞིན་དུ་ཕྱག་གཡས་པ་གསེར་གྱི་ཁ་དོག་ལྟ་བུ་བརྐྱང་སྟེ། འཇམ་ཞིང་མཉེན་ལ་རབ་ཏུ་གཞོན་ཞིང་པདྨ་དང་ཡལ་ག་གཞོན་ཤ་ཆགས་ཤིང་འཇམ་པའི་སོར་མོའི་ངོས་ཅན་གདུགས་དང་། རྒྱལ་མཚན་དང་། ལྕགས་ཀྱུ་དང་། བུམ་པ་དང་། ཉ་དང་སྒོ་ཁང་
D946.101.0014b05.01དང་། གཞལ་མེད་ཁང་དང་། དུང་དང་། རྡོ་རྗེ་དང་། པདྨ་དང་། དཔལ་པེའུ་དང་། འཁོར་ལོའི་མཚན་གྱིས་བརྒྱན་པ། ཚེ་རབས་བྱེ་བ་ཁྲག་ཁྲིག་འབུམ་ཕྲག་དུ་མ་ནས་སྦྱིན་པའི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་མཛད་པའི་རྒྱུ་མཐུན་པས་མངོན་པར་གྲུབ་པའི་
D946.101.0014b06.01དཔེ་བྱད་བཟང་པོས་རྣམ་པར་སྤྲས་པ། སེན་མོ་ཟངས་འདྲ་ཞིང་རྒྱས་ལ་སྣུམ་ཞིང་སྲབ་པའི་ནོར་བུའི་མདངས་ཀྱི་མེ་ཏོག་གི་འོད་ཟེར་གྱིས་མཁྲིག་མ་མཛེས་པར་གྱུར་པ་སེམས་ཅན་ཐམས་ཅད་ལ་མི་འཇིགས་པ་སྦྱིན་པ་དང་ཡང་དག་པར་མཐུན་པའི་ཕྱག་རྣམས་ཀྱིས་གསང་བ་པའི་
D946.101.0014b07.01