完整藏文原文 · 德格版页 当前仅加载第 101 函德格 21b 版页；藏文 NFD、目录标记与异常页序保留在来源切片中，重复版页行以稳定序号区分。
ཚོགས་ཀྱི་པདྨ་དང་། ཀུ་མུ་ད་དང་། པདྨ་དཀར་པོ་དང་། ཨུཏྤལ་དང་། དྲི་མཆོག་བྱུང་བས་མཛེས་པར་བྱས་པའི་ཕྱོགས་དང་ལྡན་པ་བྱུང་ནས། དེ་མཆོག་ཏུ་དགའ་བ་དང་། རངས་པ་དང་། ཡིད་བདེ་བ་སྐྱེས་ཏེ་གུས་པ་ཐམས་ཅད་ཀྱིས་དེ་བླངས་ནས་བདུད་ཀྱི་མཐུ་ཆེན་པོ་དང་། བདུད་
D946.101.0021b01.01ཀྱི་རྣམ་པར་འཕྲུལ་བ་ཆེན་པོ་དང་། བདུད་ཀྱི་རྫུ་འཕྲུལ་ཆེན་པོས་ལག་པ་གཉིས་ཀ་སྤྱི་བོ་ལ་བླངས་ཏེ། དགེ་བའི་བཤེས་གཉེན་གསང་བ་བའི་བདག་པོ་ལག་ན་རྡོ་རྗེ་ལ་དགའ་བ་དང་། མཆོད་པའི་ཕྱིར་ཕུལ་ཏེ། ཚུལ་དང་འདྲ་བའི་ཚིགས་སུ་བཅད་པ་འདི་དག་གིས་མངོན་པར་བསྟོད་
D946.101.0021b02.01དོ། །འཇིག་རྟེན་དག་ལ་དབང་བྱེད་དབང་གིས་འབྱོར་གྱུར་པ། །སྟོབས་བཅུའི་སྲས་རབ་མཆོག་ལྡན་ཁྱོད་ལ་བརྟེན་ནས་སུ། །བྱང་ཆུབ་ཕྱིར་ནི་ཆགས་བྲལ་དྲི་མེད་བྱང་ཆུབ་སེམས། །སེམས་ཅན་བདེ་སྒྲུབ་གཏེར་དང་འདྲ་བ་བདག་གིས་ཐོབ། །བདག་མིག་གཏི་མུག་མུན་པས་
D946.101.0021b03.01དྲི་ཅན་དྲི་མེད་གྱུར། །སྲིད་པའི་འདོད་ཆགས་རབ་ཏུ་ཞི་ཞིང་སྤྲོས་དང་བྲལ། །མྱ་ངན་ལས་འདས་དྲང་པོའི་ལམ་ནི་བདག་ལ་བསྟན། །སེམས་དམྱལ་མི་བཟད་ཐམས་ཅད་རབ་ཏུ་ཞི་བར་གྱུར། །སྡིག་བྲལ་འཇིག་རྟེན་མགོན་ལ་སྐྱབས་སུ་མ་སོང་བ། །ཀྱེ་མ་དམན་པ་
D946.101.0021b04.01ཡུན་རིང་ཇི་ལྟ་བསླུས་ཤིག་གུ། །དེ་རིང་ཐུབ་དབང་སྲས་པོ་རྣམས་ལ་བསོད་ནམས་དང་། །དད་དང་སྙིང་རྗེ་ཏིང་འཛིན་ཐོབ་ནས་ངོ་མཚར་གྱུར། །ས་མདོག་གཅིག་པུར་སངས་རྒྱས་མྱུར་དུ་གྲུབ་པར་ཤོག །གཅིག་པུས་འགྲོ་བ་མ་ལུས་མྱ་ངན་བཟླ་བར་བྱ། །སྲིད་པ་གཞན་ན་ཀུན་དུ་
D946.101.0021b05.01རྒྱུ་རྩེ་བདག་གི་ཡིད། །རང་ཕན་འཇུག་དང་དགེ་བཤེས་བྲལ་བར་མ་གྱུར་ཅིག །དེ་ནས་བདུད་སྡིག་ཅན་གྱིས་ཚུལ་དང་འདྲ་བའི་ཚིགས་སུ་བཅད་པ་འདི་དག་གིས་གསང་བ་པའི་བདག་པོ་ལག་ན་རྡོ་རྗེ་ལ་མངོན་པར་བསྟོད་ནས་ཅང་མི་སྨྲ་བར་གྱུར་ཏོ། །དེ་ནས་གསང་བ་པའི་
D946.101.0021b06.01བདག་པོ་ལག་ན་རྡོ་རྗེས་ཁྲོ་བོ་ཆེན་པོ་རྡོ་རྗེ་ཁྲོ་བོ་དེ་དག་ལ་འདི་སྐད་ཅེས་སྨྲས་སོ། །རིགས་ཀྱི་བུ་དག་སྡང་བ་དང་། གདོན་དང་བགེགས་དང་། ལོག་འདྲེན་དེ་དག་ཐམས་ཅད་གང་གིས་སེམས་ཅན་ཐམས་ཅད་ལས་རྣམ་པར་རྩོམ་པ་ལ་རྣམ་པར་མི་འཚེ་བ་དང་། བགེགས་མི་
D946.101.0021b07.01