完整藏文原文 · 德格版页 当前仅加载第 101 函德格 10a 版页；藏文 NFD、目录标记与异常页序保留在来源切片中，重复版页行以稳定序号区分。
ནི་ཨནྡ་རྙིལ་གྱི་རྒྱུ་ལས་བྱུང་བའོ། །ཟེ་བ་ནི་དངུལ་གྱི་རྒྱུ་ལས་བྱུང་བའོ། །ཆུ་བ་ནི་བྱི་རུའི་རྒྱུ་ལས་བྱུང་བའོ། །ཟེ་འབྲུ་ནི་ཤེལ་གྱི་རྒྱུ་ལས་བྱུང་བའོ། །དེ་བཞིན་དུ་སྦྱར་ཏེ། དེ་ལྟར་རིན་པོ་ཆེ་རྣམ་པ་དུ་མའི་རྒྱུ་ལས་བྱུང་བའི་པདྨ་དག་གོ། །རིན་པོ་ཆེའི་པདྨ་རེ་རེ་ལ་ཡང་
D946.101.0010a01.01ས་བཅུ་ལ་རབ་ཏུ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་དུ་མཛེས་པའི་སྤྱོད་ལམ་ཕུན་སུམ་ཚོགས་པ་དག་ཏིང་ངེ་འཛིན་ལ་སྙོམས་པར་ཞུགས་སོ། །བྱང་ཆུབ་སེམས་དཔའ་རེ་རེའི་ལྟེ་བ་ནས་ཀྱང་འོད་ཟེར་འབུམ་འབུམ་འབྱུང་ངོ་། །འོད་ཟེར་གྱི་རྩེ་མོ་རེ་རེ་ལས་ཀྱང་
D946.101.0010a02.01རིན་པོ་ཆེ་ཐམས་ཅད་ཀྱི་རྒྱུ་ལས་བྱུང་བའི་ཁང་པ་བརྩེགས་པ་ནོར་བུ་དང་། རིན་པོ་ཆེ་རྣམ་པ་སྣ་ཚོགས་ཀྱི་སྟེགས་བུས་བསྐོར་བ། ཤེལ་གྱི་རྒྱུ་ལས་བྱུང་བའི་ཟླ་བས་སྤྲས་པའི་ཁང་བྲན་གྱི་རྩེ་མོ་ལ་སེང་གེའི་རྣ་བའི་སྟེང་ན་རིན་པོ་ཆེའི་རྒྱལ་མཚན་དང་། བ་དན་དང་། རྣམ་པར་
D946.101.0010a03.01རྒྱལ་བའི་བ་དན་དཔྱངས་པས་ནམ་མཁའ་ཀུན་དུ་ཁེབས་པས་པདྨ་རཱ་ག་དང་། ཨནྡ་རྙིལ་དང་། མ་རྒད་དང་། བཻཌཱུརྱ་དང་། རྡོའི་སྙིང་བོ་དང་། སྤུག་དང་། ཀེ་ཀེ་རུ་ལས་བྱས་པའི་ཀ་བ་ཆེན་པོའི་ཀླད་ལ་འཛམ་བུའི་ཆུ་བོའི་གསེར་གྱི་ཤིང་ས་ལ་གཅོད་པ་ལྟ་བུའི་ཚོགས་བཀོད་
D946.101.0010a04.01པས་རྣམ་པར་སྤྲས་ཏེ། མཛེས་པར་བྱས་པ་དངུལ་ལས་བྱས་པའི་ཕུག་རོན་གྱི་ཕྲེང་གི་མཐའ་མཐར་མུ་ཏིག་དམར་པོ་དང་ལྡན་པ་དྲིལ་བུ་གཡར་ཀའི་དྲ་བ་དཔྱངས་པའི་སྒྲས་སད་པར་གྱུར་ནས་རབ་ཏུ་དགའ་ཞིང་དྲེགས་པའི་ཕུག་རོན་དང་། བྱ་བང་དང་། ནེ་ཙོ་དང་། རི་སྐེགས་
D946.101.0010a05.01དང་། རྨ་བྱའི་ང་རོ་དག་གིས་ཉམས་དགའ་བ། ཁྱམས་དང་འདུན་ཁང་ཆེན་པོའི་ཉེན་འཁོར་སྟེགས་བུར་བསྐོར་བས་མཛེས་པར་བྱས་པ། རིན་པོ་ཆེ་རྣམ་པ་སྣ་ཚོགས་པ་ལས་བྱས་པའི་སྒོ་ཁང་ཅན་ཤེལ་གྱི་རྒྱུ་ལས་བྱས་པའི་སྟེགས་བུ་དང་ལྡན་པ་བཀྲ་ཤིས་ཀྱི་གསེར་གྱི་
D946.101.0010a06.01བུམ་པ་དུ་མ་ནས་སྤོས་ཆུ་དྲི་ཞིམ་པོས་ཆག་ཆག་བཏབ་པ། རྫིང་ཆེན་པོའི་འགྲམ་གྱི་ནེའུ་གསིང་མརྒད་ཀྱི་རྒྱུ་ལས་བྱུང་བ། ཀ་ཙ་ལིན་དའི་གོས་ལྟར་རེག་ན་བདེ་བས་མཛེས་པའི་ཕྱོགས་ན་བདེ་བར་ཉལ་བའི་ངང་པ་དང་། ཁྲུང་ཁྲུང་དང་། ངུར་པ་དང་། ཀ་ལན་ད་ཀའི་
D946.101.0010a07.01