完整藏文原文 · 德格版页 当前仅加载第 101 函德格 22b 版页；藏文 NFD、目录标记与异常页序保留在来源切片中，重复版页行以稳定序号区分。
སྦྱིན་པར་བྱའོ། །སྦྲང་རྩི་དང་། ཚིགས་མ་དང་། སྒོག་པ་དང་། ཀིའུ་དང་། གཏོར་མ་དང་། འབྱུང་པོ་དང་། མི་བགྲུངས་པ་རྣམས་ཀྱི་ཤ་དང་ཟས་ཟོས་ཀྱང་སྐྱོན་དུ་མི་བཟུང་ཞིང་ཉེས་པར་མི་བརྩིའོ། །དེ་ནས་སྡང་བ་འབྱུང་པོ་དང་། བགེགས་དང་། ལོག་འདྲེན་ལ་སོགས་པ་
D946.101.0022b01.01ཐམས་ཅད་ཅེས་བྱ་བ་ནས་སྒྲ་སྐད་ཀྱི་ང་རོ་གཅིག་གིས་འདི་སྐད་ཅེས་སྨྲས་སོ། །ཞེས་བྱ་བའི་བར་དུ་སྦྱར་རོ། །རིགས་ཀྱི་བུ་དག་བཀའ་ལུང་ཅི་སྩལ་བ་དེ་བཞིན་དུ་སྦྱར་བར་བགྱིའོ། །དེང་སླན་ཆད་སངས་རྒྱས་བཅོམ་ལྡན་འདས་དང་། ཆོས་དང་དགེ་འདུན་ལ་སྐྱབས་སུ་མཆིའོ། །སེམས་
D946.101.0022b02.01ཅན་ཐམས་ཅད་ཀྱི་དོན་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །དེ་ནས་གསང་བ་པའི་བདག་པོ་ལག་ན་རྡོ་རྗེས་ཁྲོ་བོ་ཆེན་པོ་རྡོ་རྗེ་ཁྲོ་བོ་དེ་དག་དང་། སྡང་བ་བགེགས་དང་། ལོག་འདྲེན་དང་། འབྱུང་པོ་དང་། གདོན་གྱི་ཚོགས་དེ་དག་ཐམས་ཅད་ལ་ལེགས་སོ་
D946.101.0022b03.01ཞེས་བྱ་བ་བྱིན་ཏེ། རིག་སྔགས་ཀྱི་ལས་དང་དམ་ཚིག་དང་། ཕྱག་རྒྱ་ཐམས་ཅད་འཛིན་དུ་བཅུག་གོ། །གསང་བ་པའི་བདག་པོ་ལག་ན་རྡོ་རྗེ་ཡང་རྡོ་རྗེའི་རྣམ་པར་ཐར་པའི་སྒོ་ཆེན་པོའི་ཏིང་ངེ་འཛིན་དེ་ལས་ལངས་སོ། །དེ་ནས་ཚེ་དང་ལྡན་པ་ཤ་ར་དྭ་ཏིའི་བུས་གསང་བ་པའི་བདག་པོ་
D946.101.0022b04.01ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །རིགས་ཀྱི་བུ་གང་ལ་གནས་ནས་ཁྱོད་ཀྱིས་རྫུ་འཕྲུལ་གྱི་ཆོ་འཕྲུལ་འདི་ལྟ་བུ་འདི་བསྟན་པ་དང་། བདུད་སྡིག་ཅན་ཡང་བྱང་ཆུབ་ཏུ་སེམས་བསྐྱེད་པ་དང་། གཞན་ཡང་སྡང་བ་གདོན་དང་། འབྱུང་པོ་དང་། བགེགས་དང་། ལོག་འདྲེན་ཐམས་ཅད་
D946.101.0022b05.01ཀྱང་དམ་ཚིག་ལ་བཀོད་ཅིང་བྱང་ཆུབ་ཀྱི་སེམས་འཛིན་དུ་བཅུག་པའི་ཏིང་ངེ་འཛིན་འདིའི་མིང་ཅི་ཞེས་བྱ་དེ་སྐད་ཅེས་སྨྲས་པ་དང་། གསང་བ་པའི་བདག་པོ་ལག་ན་རྡོ་རྗེས་ཚེ་དང་ལྡན་པ་ཤ་ར་དྭ་ཏིའི་བུ་ལ་འདི་སྐད་ཅེས་སྨྲས་སོ། །བཙུན་པ་ཤ་ར་དྭ་ཏིའི་བུ་ཏིང་ངེ་འཛིན་འདི་ནི་མིང་དང་ཡི་གེ་དང་
D946.101.0022b06.01སྒྲ་སྐད་ཀྱིས་རྟོགས་པར་བྱ་བ་མ་ཡིན་ནོ། །དེ་ཅིའི་ཕྱིར་ཞེ་ན། གང་མིང་ངམ་གཟུགས་སམ། དབྱིབས་སམ། གནས་སམ། མཉམ་པར་བཞག་པའམ། གཡེངས་པ་ཡང་རུང་སྟེ། ཏིང་ངེ་འཛིན་ཅེས་བྱ་བའི་ཆོས་དེ་གང་ཡང་མེད་དོ། །གང་ལ་མིང་མེད་པ་དང་། གཟུགས་
D946.101.0022b07.01