完整藏文原文 · 德格版页 当前仅加载第 101 函德格 29b 版页；藏文 NFD、目录标记与异常页序保留在来源切片中，重复版页行以稳定序号区分。
ཡང་དག་པར་རབ་ཏུ་སྟོན་ཅིག་དང་། དེས་སེམས་ཅན་མང་པོ་ལ་ཡུན་རིང་པོར་ཕན་པ་དང་། བདེ་བ་དང་ཐ་མར་དེ་བཞིན་གཤེགས་པའི་ཡེ་ཤེས་བླ་ན་མེད་པ། ཆགས་པ་མེད་པ། སྒྲིབ་པ་མེད་པ་ཐོབ་ཅིང་རྟོགས་པར་འགྱུར་རོ། །སུ་ཆོས་ཀྱི་རྣམ་གྲངས་
D946.101.0029b01.01འདི་འཆང་བ་དང་། ཀློག་པ་དང་། འཛིན་དུ་འཇུག་པ་དང་། ཀུན་ཆུབ་པར་བྱེད་པ་དང་། གཞན་དག་ལ་ཡང་རྒྱ་ཆེར་ཡང་དག་པར་རབ་ཏུ་སྟོན་པ་དང་། མཆོད་པ་དང་། ཡི་གེར་འདྲི་བ་དང་། ཡི་གེར་འདྲིར་འཇུག་པ་དང་། ཁ་ཏོན་བྱེད་པ་
D946.101.0029b02.01དང་། ཉན་པ་དང་། སེམས་པ་དེ་རིང་པོར་མི་ཐོགས་པར་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་རོ། །འདི་ནས་ནམ་བྱང་ཆུབ་ཀྱི་སྙིང་པོ་ལ་འདུག་གི་བར་དུ་ངན་འགྲོ་ལོག་པར་འགྲོ་བར་མི་འགྱུར་རོ། །རིགས་
D946.101.0029b03.01དམའ་བ་རྣམས་སུ་སྐྱེ་བར་མི་འགྱུར། དབུལ་པོའི་རིགས་རྣམས་སུ་སྐྱེ་བར་མི་འགྱུར་ཏེ། ཤེས་རབ་མེད་པར་ཡང་མ་ཡིན། མ་དུལ་བར་མ་ཡིན། ཚེ་ཐུང་བར་མ་ཡིན་ཞིང་། ཚེ་རབས་ཚེ་རབས་སུ་ཚེ་རབས་དྲན་པར་འགྱུར་རོ། །བྱང་ཆུབ་ཀྱི་སེམས་བརྗེད་
D946.101.0029b04.01པར་མི་འགྱུར་རོ། །ཐོས་པ་འཛིན་པར་འགྱུར་རོ། །རབ་ཏུ་དབེན་པ་ལ་མངོན་པར་དགའ་བར་འགྱུར་རོ། །འཁོར་ངན་པ་ཅན་མ་ཡིན་པར་འགྱུར་རོ། །ཚིག་གཟུང་བར་འོས་ཤིང་སྙན་པར་འགྱུར་རོ། །སྐལ་བ་བཟང་ཞིང་གཟུགས་བཟང་བར་འགྱུར་རོ། །
D946.101.0029b05.01ཤེས་རབ་ཆེན་པོ་དང་། སྤོབས་པ་ཆེན་པོ་དང་། དབང་དང་ལྡན་པར་འགྱུར་རོ། །དེ་བཞིན་གཤེགས་པ་ཐམས་ཅད་མཉེས་པར་བྱ་བ་ལ་མཁས་པར་འགྱུར་རོ། །དགེ་བའི་བཤེས་གཉེན་གྱིས་ཡོངས་སུ་ཟིན་པར་འགྱུར་རོ། །སྡིག་པའི་གྲོགས་པོ་ཡོངས་
D946.101.0029b06.01སུ་སྤོང་བར་འགྱུར་རོ། །ཕ་རོལ་དུ་ཕྱིན་པ་ཡོངས་སུ་རྫོགས་པར་བྱ་བ་ལ་མཁས་པར་འགྱུར་རོ། །སེམས་ཅན་ཐམས་ཅད་ཡོངས་སུ་རྫོགས་པར་བྱ་བ་ལ་མཁས་པར་འགྱུར་རོ། །སངས་རྒྱས་ཀྱི་ཞིང་ཆེ་ཞིང་མཐའ་ཡས་པ་ལ་རྫུ་འཕྲུལ་དང་ལྡན་པར་འགྱུར་
D946.101.0029b07.01