完整藏文原文 · 德格版页 当前仅加载第 101 函德格 25b 版页；藏文 NFD、目录标记与异常页序保留在来源切片中，重复版页行以稳定序号区分。
པོ་འདི་དག་ཉིད་རྟོགས་པ་སྟེ། ཕ་རོལ་དུ་ཕྱིན་པ་རྣམས་འབྱེད་པ་དང་། འབྲེལ་པ་དང་གསལ་བར་བྱེད་པ་དང་། དེ་ལ་གཞོལ་ཞིང་མི་རྟག་པ་དང་། བདག་མེད་པ་དང་། སྟོང་པ་དང་། གསོ་བ་དང་། གསོ་བ་དང་། དངོས་པོ་མེད་པ་དང་། དངོས་པོ་ཐམས་ཅད་དངོས་པོ་མེད་
D946.101.0025b01.01པར་ཡང་དག་པར་སྟོན་ཏོ། །མདོར་བསྡུ་ན་འདོད་ཆགས་དང་། ཞེ་སྡང་དང་། གཏི་མུག་དང་། ཉོན་མོངས་པ་དང་། ཉེ་བའི་ཉོན་མོངས་པ་སེལ་ཅིང་ཆོས་ཀྱི་དབྱིངས་ནམ་མཁའ་མཐའ་ཡས་སྐྱེ་མཆེད་དང་མཉམ་པར་ཡང་དག་པར་སྟོན་ཏེ། དམིགས་པ་དང་བྲལ་བ་འདི་ནི་འདིར་
D946.101.0025b02.01བསམ་གཏན་གྱི་ཕ་རོལ་དུ་ཕྱིན་པའོ། །དེ་བཞིན་ཉིད་དང་། སྟོང་པ་ཉིད་དང་། མཐའ་ལས་འདས་པ་སྟོང་པ་ཉིད་དང་། ཕྱི་མའི་མཐའ་སྟོང་པ་ཉིད་དང་། ཆོས་ཀྱི་དབྱིངས་ཀྱི་རང་གི་ངོ་བོ་ཉིད་གང་ཡིན་པ་འདི་ནི་འདིར་ཤེས་རབ་ཀྱི་ཕ་རོལ་དུ་ཕྱིན་པའོ། །བཙུན་པ་ཤ་ར་དྭ་ཏིའི་བུ་འདི་ནི་
D946.101.0025b03.01ཡེ་ཤེས་ཀྱི་ཚོགས་སོ། །བསོད་ནམས་ཀྱི་ཚོགས་དང་ཡེ་ཤེས་ཀྱི་ཚོགས་དང་། ཚོགས་འདི་གཉིས་ནི་བྱང་ཆུབ་ཀྱི་ཕྱོགས་ཀྱི་ཆོས་དང་ཤེས་པ་དང་། ཤེས་བྱ་མཐའ་དག་དང་། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཡང་དག་པར་རྟོགས་པར་བྱེད་པ་སྟེ། བཙུན་པ་
D946.101.0025b04.01ཤ་ར་དྭ་ཏིའི་བུ་འདི་ནི་དེ་བཞིན་གཤེགས་པའི་སྐུའི་གསང་བ་མདོར་བསྡུས་ཏེ་བསྟན་པའོ། །རྒྱ་ཆེར་རྣམ་པར་དབྱེ་བ་ནི་གལ་ཏེ་དེ་བཞིན་གཤེགས་པ་ཉིད་ཀྱིས་སྐུ་ཚེའི་ཚད་བསྐལ་པར་བཞུགས་ཏེ་བསྟན་ཅིང་བཤད་ཀྱང་མཐར་ཕྱིན་པར་མི་འགྱུར་རོ། །སྐུའི་གསང་བ་ཇི་ལྟ་བ་བཞིན་དུ་
D946.101.0025b05.01གསུང་གི་གསང་བ་ཡང་དེ་བཞིན་ནོ། །ཐུགས་ཀྱི་གསང་བ་ནི་དེ་བཞིན་གཤེགས་པས་རྣམ་པ་དང་། སོ་སོའི་རྣམ་པ་དང་། ཁ་དོག་དང་། རྟགས་དང་། དབྱིབས་དང་། ངག་གི་རྣམ་པར་རྟོག་པའི་སྤྱོད་ཡུལ་དང་། བྱ་བ་ཐ་དད་པའི་སྦྱོར་བ་རྣམས་ཀྱིས་ཀྱང་བསྟན་པར་མི་
D946.101.0025b06.01སྤྱོད་མོད་ཀྱི། འོན་ཀྱང་དེ་བཞིན་གཤེགས་པའི་སོ་སོ་རང་གིས་རིག་པ་ནི་ཐུགས་ཀྱི་གསང་བ་ཡིན་པར་ཤེས་པར་བྱའོ། །བཙུན་པ་ཤ་ར་དྭ་ཏིའི་བུ་དེ་ནི་དེའི་ཕྱིར་རྣམ་གྲངས་འདིས་ཀྱང་དེ་ལྟར་རིག་པར་བྱ་སྟེ། བདག་ཅག་ལྟ་བུ་བྱང་ཆུབ་མངོན་པར་རྫོགས་པར་སངས་མ་རྒྱས་
D946.101.0025b07.01