完整藏文原文 · 德格版页 当前仅加载第 101 函德格 23a 版页；藏文 NFD、目录标记与异常页序保留在来源切片中，重复版页行以稳定序号区分。
མེད་པ་དང་། དབྱིབས་མེད་པ་དང་། གནས་མེད་པ་དང་། མཉམ་པར་བཞག་པ་མེད་པ་དང་། གཡེང་བ་མེད་པ་འདི་བཙུན་པ་ཤ་ར་དྭ་ཏིའི་བུ་ཏིང་ངེ་འཛིན་འདི་མིང་ཅི་ཞིག་བྱ་ཞེས་དེ་ལ་ཇི་སྙམ་དུ་སེམས། ཡང་བཙུན་པ་ཤ་ར་དྭ་ཏིའི་བུ་གསལ་བར་བྱེད་པ་འདི་ནི་བདག་
D946.101.0023a01.01ལ་གསལ་བར་བྱེད་པ་མ་ཡིན་གཞན་ལ་གསལ་བར་བྱེད་པ་མ་ཡིན། གཉིས་ཀ་ལ་ཡང་གསལ་བར་བྱེད་པ་མ་ཡིན་ནོ། །འོན་ཀྱང་གསལ་བར་བྱེད་པར་བཏགས་པ་ཡོད་དོ། །དེ་ལ་གསལ་བར་བྱེད་པ་ནི་གསལ་བར་བྱེད་པའི་བདག་ཉིད་ཀྱིས་སྟོང་པ་དག་ནི་བདག་གིས་སྟོང་།
D946.101.0023a02.01གཞན་ཡང་གཞན་གྱི་བདག་ཉིད་ཀྱིས་སྟོང་། གཉིས་ཀ་ཡང་གཉིས་ཀའི་བདག་ཉིད་ཀྱིས་སྟོང་སྟེ། ཡང་དག་པ་མ་ཡིན་པ་ཀུན་དུ་བརྟགས་པའི་ཕྱིར་རོ། །འདི་ཅི་ཞེས་བྱ་བའི་ཡི་གེ་གཉིས་ཀྱི་ཚིག་དེ་ཡང་ཚིག་གི་བདག་ཉིད་ཀྱིས་སྟོང་སྟེ་ཡི་གེ་ཡང་ཡི་གེ་མ་ཡིན་ནོ། །དེ་ལྟར་ན་
D946.101.0023a03.01རྟེན་ཅིང་འབྲེལ་པར་འབྱུང་བའི་དོན་རྟོགས་པར་བྱེད་པ་ཡིན་ནོ། །དོན་དེ་བརྗོད་པ་ན་ཡང་གང་ནས་ཀྱང་མི་འོང་གང་དུ་ཡང་མི་འགྲོ་མོད་ཀྱི་གཞན་གྱི་དབང་ལ་རྟེན་པའི་ཕྱིར་ཡི་གེར་བཏགས་པ་ཡང་ཡོད་དོ། །ཡོངས་སུ་བཏགས་པ་ཡིན་པའི་ཕྱིར་བརྟགས་པ་ཡང་སྟོང་བའོ། །
D946.101.0023a04.01རྟེན་ཅིང་འབྲེལ་བར་འབྱུང་བའི་ཕྱིར་གཞན་གྱི་དབང་ཉིད་སྟོང་བའོ། །རྒྱུ་དང་རྐྱེན་ལས་བྱུང་བའི་ཕྱིར་རྟེན་ཅིང་འབྲེལ་པར་འབྱུང་བ་ཡང་སྟོང་པའོ། །གློ་བུར་དུ་རྒྱུ་དང་རྐྱེན་གྱིས་བསྐྱེད་པའི་ཕྱིར་འབྱུང་བ་ཡང་འབྱུང་བའི་བདག་ཉིད་ཀྱིས་སྟོང་ངོ་། །དེ་ལ་རྟེན་ཅིང་འབྲེལ་པར་འབྱུང་བ་
D946.101.0023a05.01ནི་རང་གི་མཚན་ཉིད་ཀྱིས་སྟོང་ངོ་། །རང་གི་མཚན་ཉིད་ཀྱིས་སྟོང་པ་གང་ཡིན་པ་དེ་མཚན་ཉིད་མེད་པའོ། །མཚན་ཉིད་མེད་པ་གང་ཡིན་པ་དེ་དེ་བཞིན་ཉིད་དོ། །དེ་བཞིན་ཉིད་གང་ཡིན་པ་དེ་མ་ནོར་བ་དེ་བཞིན་ཉིད་དོ། །མ་ནོར་བ་དེ་བཞིན་ཉིད་གང་ཡིན་པ་དེ་གཞན་མ་ཡིན་པ་དེ་བཞིན་
D946.101.0023a06.01ཉིད་དོ། །གཞན་མ་ཡིན་པ་དེ་བཞིན་ཉིད་གང་ཡིན་པ་དེ་ཏིང་ངེ་འཛིན་ཏོ། །ཏིང་ངེ་འཛིན་གང་ཡིན་པ་དེ་རྟོགས་པའོ། །རྟོགས་པ་གང་ཡིན་པ་དེ་སྟོང་པ་ཉིད་དོ། །སྟོང་པ་ཉིད་གང་ཡིན་པ་དེ་ལྷག་མཐོང་ངོ་། །ལྷག་མཐོང་གང་ཡིན་པ་དེ་ཞི་གནས་སོ། །ཞི་གནས་གང་ཡིན་པ་
D946.101.0023a07.01