完整藏文原文 · 德格版页 当前仅加载第 101 函德格 7b 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་རྣམ་པར་འཕྲུལ་པའི་ཆོ་འཕྲུལ་སྟོན་ཅིག་ཅེས་བཀའ་སྩལ་ཏོ། །རིགས་ཀྱི་བུ་དག་འདི་ནི་རྡོ་རྗེས་རྣམ་པར་ཐར་པའི་སྒོ་ཆེན་པོའི་ཏིང་ངེ་འཛིན་ལ་སྙོམས་པར་ཞུགས་ཏེ། དེའི་རྡོ་རྗེའི་རྣམ་པར་འཕྲུལ་བ་ཆེན་པོའི་བྱིན་གྱིས་བརླབས་སོ། །དེ་སྐད་ཅེས་བཀའ་སྩལ་ཏེ། དེ་བཞིན་
D946.101.0007b01.01གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་གིས་གནང་ནས། རིགས་ཀྱི་བུ་དེ་དག་ཐམས་ཅད་ཀྱིས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་ལ་ཕྱག་འཚལ་ཏེ། བྱང་ཆུབ་སེམས་དཔའ་སེམས་དཔའ་ཆེན་
D946.101.0007b02.01པོའི་རྣམ་པར་འཕྲུལ་བའི་ཆོ་འཕྲུལ་བསམ་གྱིས་མི་ཁྱབ་པས། འཇིག་རྟེན་གྱི་ཁམས་མི་མཇེད་འདིར་ལྷགས་ནས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པ་དང་གསང་བའི་བདག་པོ་ལག་ན་རྡོ་རྗེ་ལ་མཆོད་པའི་སྤྲིན་
D946.101.0007b03.01དང་། གདུགས་ཀྱི་སྤྲིན་དང་། རྒྱན་ཕྲེང་གི་སྤྲིན་དང་། དབུ་རྒྱན་གྱི་སྤྲིན་དང་། མེ་ཏོག་གི་སྤྲིན་དང་། ན་བཟའི་སྤྲིན་ཆེན་པོས་མཆོད་པ་ཆེན་པོ་བྱས་ནས། ནམ་མཁའི་དཀྱིལ་ན་འཁོད་བཞིན་དུ་བཅོམ་ལྡན་འདས་ཤཱཀྱ་ཐུབ་པ་ལ་ལན་བདུན་བསྐོར་བ་བྱས་ཏེ། པུས་མོ་
D946.101.0007b04.01གཡས་པའི་ལྷ་ང་རིན་པོ་ཆེའི་པདྨའི་རྡོ་རྗེའི་སྟན་ལ་བཙུགས་ནས། བཅོམ་ལྡན་འདས་ལ་ལོགས་སུ་བལྟ་ཞིང་། བཅོམ་ལྡན་འདས་ལ་ཕྱག་འཚལ་བ་དང་། དེ་བཞིན་གཤེགས་པས་གནང་ནས། རང་རང་གི་རིན་པོ་ཆེའི་པདྨའི་རྡོ་རྗེའི་སྟན་དེ་དག་ལ་འཁོད་པར་གྱུར་ཏོ། །དེའི་
D946.101.0007b05.01ཚེ་ཤར་ཕྱོགས་ལོགས་ན་འཇིག་རྟེན་གྱི་ཁམས་རྡོ་རྗེའི་ཏོག་ཅེས་བྱ་བ་དེ་ན། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྡོ་རྗེའི་སྙིང་པོས་རབ་ཏུ་འཇོམས་པ་ཞེས་བྱ་བ་ད་ལྟར་བཞུགས་ཏེ་འཚོ་ཞིང་གཞེས་ཏེ། འདི་ལྟར་རྡོ་རྗེའི་རི་རབ་ཆེན་པོའི་རྩེ་
D946.101.0007b06.01མོའི་ཁང་པ་བརྩེགས་པའི་གཟུངས་འདི་ཉིད་ལ་བརྩམས་ཏེ་ཆོས་ཀྱང་སྟོན་ཏོ། །རྡོ་རྗེ་འབར་བའི་སྣང་བ་དེས་ཀྱང་འཇིག་རྟེན་གྱི་ཁམས་ཇི་སྙེད་པ་དེ་དག་ཐམས་ཅད་ཀུན་ནས་སྣང་བར་གྱུར་ཏོ། །དེ་ནས་འཇིག་རྟེན་གྱི་ཁམས་དེ་ན་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེའི་
D946.101.0007b07.01