完整藏文原文 · 德格版页 当前仅加载第 101 函德格 9a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའ་སེམས་དཔའ་ཆེན་པོ་རྡོ་རྗེའི་སྙིང་པོ་དེ་ལ་འདི་སྐད་ཅེས་བཀའ་སྩལ་ཏོ། །རིགས་ཀྱི་བུ་དེའི་དུས་ལ་བབ་པར་ཤེས་ན་སོང་ཤིག །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་རྡོ་རྗེའི་སྙིང་པོ་བཅོམ་ལྡན་འདས་དེས་གནང་ནས། བཅོམ་ལྡན་
D946.101.0009a01.01འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་རྡོ་རྗེའི་སྙིང་པོས་རབ་ཏུ་འཇོམས་པ་དེ་ལ་ལན་བདུན་བསྐོར་བ་བྱས་ཏེ་འཇིག་རྟེན་གྱི་ཁམས་དེ་ནས་མི་སྣང་བར་གྱུར་ནས། ནམ་མཁའི་དཀྱིལ་གྱི་ལམ་ནས་བྱང་ཆུབ་སེམས་དཔའ་བྱེ་བ་ཁྲག་ཁྲིག་འབུམ་
D946.101.0009a02.01ཕྲག་དགུ་བཅུ་རྩ་དགུ་དང་ལྷན་ཅིག་ཏུ་བྱང་ཆུབ་སེམས་དཔའི་རྣམ་པར་འཕྲུལ་བ་ཆེན་པོ་དང་། བྱང་ཆུབ་སེམས་དཔའི་རྫུ་འཕྲུལ་ཆེན་པོས་འཇིག་རྟེན་གྱི་ཁམས་མི་མཇེད་འདི་ག་ལ་བ་དེར་སོང་སྟེ་ཕྱིན་ནས་བྱང་ཆུབ་སེམས་དཔའ་དེ་དག་ཐམས་ཅད་དང་ལྷན་ཅིག་སྨྲ་བ་ན། བསོད་ནམས་ཀྱི་
D946.101.0009a03.01ཚོགས་ཆེན་པོ་བསགས་པ་ལས་གྲུབ་པས་བྱིན་པའི་རིན་པོ་ཆེ་དེ་དག་ལས་འོད་ཟེར་འདི་ལྟ་སྟེ། སྔོན་པོ་དང་། སེར་པོ་དང་། དམར་པོ་དང་། ལྗང་སྔོན་དང་། ལྗང་སེར་དང་། བཙོད་ཀ་དང་། ཤེལ་དང་། དངུལ་དང་། ནོར་བུ་དང་། མུ་ཏིག་དང་། གསེར་དང་། པདྨ་རཱ་ག་དང་།
D946.101.0009a04.01རྡོའི་སྙིང་པོ་དང་། ཀེ་ཀེ་རུ་དང་། ཀེ་ཀེ་རུ་ཆེན་པོ་དང་། ཨནྡ་རྙིལ་དང་། མཐོན་ཀ་ཆེན་པོ་དང་། དུན་ལས་དང་། གོ་མུ་ཏ་ར་ཀ་དང་། མུ་ཏིག་དམར་པོའི་ཁ་དོག་ལྟ་བུ་རྣམས་བྱུང་སྟེ། དེ་དག་གིས་ཐམས་ཅད་དང་ལྡན་པའི་འཇིག་རྟེན་གྱི་ཁམས་ལ་ལན་འབུམ་ཕྲག་དུ་མར་བསྐོར་བ་
D946.101.0009a05.01བྱས་ཏེ་སྟེང་གི་བར་སྣང་ཁྱབ་པར་བྱས་ནས་ལྷའི་སྣང་བས་སྣང་བར་བྱས་ཏེ་འདུས་ནས་འཇའ་ལྟ་བུར་གྱུར་ཏེ། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པའི་ཞབས་མཚན་ཐམས་ཅད་ཕུན་སུམ་ཚོགས་པ། འཇམ་པ་
D946.101.0009a06.01མཉེན་པ། རབ་ཏུ་གཞོན་པ་ཤ་རྒྱས་པ། སྣུམ་པ། ལོང་བུ་གཉིས་ཀྱི་རྩ་མི་མངོན་པ། པདྨ་གསར་དུ་ཁ་བྱེ་བ་ལྟ་བུ་དང་། དུང་དང་ཉ་དང་། རྡོ་རྗེ་དང་། རྒྱལ་མཚན་དང་། ལྕགས་ཀྱུ་དང་། པདྨ་དང་། ཆུ་སྲིན་མ་ཀ་རའི་མཚན་དང་ལྡན་པ་གཉིས་ལ་ལན་འབུམ་ཕྲག་དུ་མ་བསྐོར་བ་
D946.101.0009a07.01