完整藏文原文 · 德格版页 当前仅加载第 101 函德格 11b 版页；藏文 NFD、目录标记与异常页序保留在来源切片中，重复版页行以稳定序号区分。
ལན་བདུན་བསྐོར་བ་བྱས་ནས་ལྷ་རྣམས་བར་སྣང་ལས་བབས་ཏེ། བཅོམ་ལྡན་འདས་ཀྱི་སྤྱན་སྔར་རང་རང་གི་རིན་པོ་ཆེའི་གཞལ་མེད་ཁང་གི་ཁང་པ་བརྩེགས་པ་དག་ན་ལྷའི་བུ་མོ་བྱེ་བ་ཁྲག་ཁྲིག་འབུམ་ཕྲག་དུ་མ་དང་ལྷན་ཅིག་ཏུ་སིལ་སྙན་དང་། ཕེག་རྡོབ་བ་དང་། གླུ་དབྱངས་ཀྱི་སྒྲ་
D946.101.0011b01.01འབྱིན་ཅིང་ཚུལ་དང་འདྲ་བའི་ཚིགས་སུ་བཅད་པ་འདི་དག་གིས་བཅོམ་ལྡན་འདས་ལ་མངོན་པར་བསྟོད་དོ། །གང་སླད་ངན་འགྲོ་མཆོག་ཏུ་སྡུག་བསྔལ་འཁྲུགས་པ་ཡི། །མིང་ཡང་བདེ་གཤེགས་སྟོབས་ཀྱིས་དེང་དུ་མེད་མཛད་དང་། །བསོད་ནམས་མི་ལྡན་སེམས་ཅན་
D946.101.0011b02.01རྣམས་ལའང་རྒྱལ་བ་མཆོག །བྱམས་པར་མཛད་པ་ཀྱེ་མ་ངོ་མཚར་རྨད་དུ་བྱུང་། །བདག་ཅག་རྣམས་ཀྱི་རྨོངས་པའི་སྙིང་གིས་བསྒྲུབས་པ་ཡི། །སྡིག་པའི་ལས་གང་ཤིན་ཏུ་བགྱིད་དཀའ་སྣ་ཚོགས་པ། །དེ་དག་ཐུབ་པའི་བྱ་{དགའས་,དགས་}དེ་རིང་གློ་བུར་དུ། །སྐད་ཅིག་
D946.101.0011b03.01ཏུ་ནི་ཇི་ལྟར་རྣམ་པར་ཞིག་པར་གྱུར། །ཇི་ལྟར་གདུགས་ཀྱིས་མུན་པ་མུན་ནག་ཀུན་བཅོམ་དང་། །ཇི་ལྟར་ཞུགས་འབར་བས་ནི་རས་རྣམས་སྲེག་པ་དང་། །བསེར་མས་ཤིང་བལ་ལྟར་ཡང་སྤྲིན་འཐོར་ཇི་བཞིན་དུ། །དེ་ལྟར་འགྲོ་བའི་སྡིག་པ་བདེ་བར་གཤེགས་ཀྱིས་བཅོམ། །
D946.101.0011b04.01བདེ་གཤེགས་སྲས་པོ་མཐོང་ངམ་ཐོས་སམ་དྲན་གྱུར་ན། །ལྷན་ཅིག་སྐྱེས་དབང་འོད་ཟེར་དྲ་བས་སྡིག་འཕྲོགས་པ། །འགྲོ་བ་ཡོངས་ཀྱི་སྲིད་པའི་སྤྲོས་བ་གཞིག་པ་ཡི། །ཐུགས་དང་རྟག་ཏུ་ལྡན་ཞིང་སྐྱོ་བར་འགྱུར་མི་མངའ། །མིག་དང་མགོ་དང་སྙིང་དང་ཤ་ཁྲག་ཚིལ་རྣམས་
D946.101.0011b05.01དང་། །སྲོག་དང་སྡུག་དང་བུ་རྣམས་རྩྭ་ལྟར་བོར་ནས་ནི། །མི་མཚུངས་སེམས་ཅན་དོན་ཕྱིར་ཐུགས་རྗེས་ཐུགས་བརླན་པ། །འཇིག་རྟེན་མགོན་སྲས་དེ་དག་རྣམས་ལ་ཕྱག་འཚལ་ལོ། །{ཡི་དགས་,ཡི་དྭགས་}ལྟོགས་ལ་ཆུ་དང་རོ་བརྒྱའི་ཟས་རྣམས་དང་། །དེ་བཞིན་སྐྱེ་བོའི་ནོར་འདོད་
D946.101.0011b06.01སྙིང་དང་ལྡན་པ་ལ། །ཐུགས་རྗེ་སྤྱོད་ཅིང་རྣམ་པ་སྣ་ཚོགས་ཚིམ་མཛད་པ། །བྱང་ཆུབ་སེམས་དཔའ་ཁྱུ་མཆོག་དེ་ལ་སྐྱབས་སུ་མཆི། །གང་དག་མནར་མེད་པ་ཡང་རབ་ཏུ་བསིལ་མཛད་པས། །མཆོག་ཏུ་ཚ་བའི་སེམས་ཅན་དམྱལ་བའང་བསིལ་བར་འགྱུར། །རང་བདེ་མི་
D946.101.0011b07.01