完整藏文原文 · 德格版页 当前仅加载第 101 函德格 5a 版页；藏文 NFD、目录标记与异常页序保留在来源切片中，重复版页行以稳定序号区分。
བདུད་ཀྱི་རིས་ཀྱི་ལྷ་དེ་དག་ཀྱང་སྐད་ཅིག་དེ་ལ་ཉམ་ཐག་པའི་སྒྲར་ངུ་ཞིང་སྐྲག་ནས་བྱེར་རོ། །བདུད་སྡིག་ཅན་ཡང་བཞིན་བཟང་པོ་རྙི་རྙི་པོར་གྱུར་ཅིང་ལུས་རྔུལ་ནས་བདུད་ཀྱི་རིས་ཀྱི་ལྷའི་བུ་ཐམས་ཅད་ལ་སྨྲས་པ། གྲོགས་པོ་དག་བདུད་ཀྱི་ཁྱིམ་ཐམས་ཅད་ཀུན་དུ་
D946.101.0005a01.01འབར། རབ་ཏུ་འབར་ཀུན་དུ་རབ་ཏུ་མཆེད་ཅིང་འབར་ཏེ་མེ་ལྕེ་གཅིག་ཏུ་གྱུར་པ་དང་། དགེ་སྦྱོང་གཽ་ཏ་མ་རི་རབ་ཀྱི་རྩེ་མོའི་ཁང་པ་བརྩེགས་པ་ན་ཆོས་སྟོན་པ་འདི་ལ་ལྟོས། དེས་བདག་ཅག་ཕུང་ངོ་། །ཐོ་བཙམས་སོ། །ཕྱོགས་གང་དུ་གནས་གཏོལ་མེད་དོ། །ལོངས་ལ་དགེ་སྦྱོང་
D946.101.0005a02.01གཽ་ཏ་མ་དེའི་གན་དུ་སོང་སྟེ་བདུད་ཀྱི་ཡུལ་འདི་ཐལ་བར་མ་གྱུར་གྱི་བར་དུ་གཞོམ་མོ། །དེ་སྐད་ཅེས་སྨྲས་པ་དང་། བདུད་ཀྱི་རིས་ཀྱི་ལྷའི་བུ་དེ་དག་ཐམས་ཅད་ཀྱིས་རྗེ་བཀའ་བཞིན་འཚལ་ཞེས་སྨྲས་ནས། རང་རང་གི་གནས་སུ་དོང་སྟེ། ལག་ན་མཚོན་ཆ་སྣ་ཚོགས་ཅན་གོ་ཆ་སྣ་
D946.101.0005a03.01ཚོགས་བགོས་པ། ཆ་བྱད་དང་རྒྱན་སྣ་ཚོགས་ཅན་མཆེ་བ་མི་བཟད་པར་འཇིགས་སུ་རུང་བ་བཞིན་མི་སྡུག་པར་བསྒྱུར་བ་མིག་དང་བཞིན་དང་སྐྲ་ཀུན་དུ་འབར་ཞིང་རབ་ཏུ་འབར་བ་དག་སྐད་ཅིག་དེ་ཉིད་ལ་གཅིག་ཏུ་འདུས་ནས་བདུད་སྡིག་ཅན་ག་ལ་བ་དེར་དོང་སྟེ་ཕྱིན་ནས་བདུད་སྡིག་ཅན་
D946.101.0005a04.01ལ་འདི་སྐད་ཅེས་སྨྲས་སོ། །བཞེངས་བཞེངས་ཐོག་མར་བཞུད་ལ་ཇི་ཙམ་དུ་དགེ་སྦྱོང་གཽ་ཏ་མ་ཉན་ཐོས་དང་། བྱང་ཆུབ་སེམས་དཔའི་དགེ་འདུན་དང་བཅས་པ་དེ་ཅི་ནས་ཀྱང་ཕྱིས་བདག་ཅག་གི་ཡུལ་དུ་གནོད་པ་ཅུང་ཟད་ཀྱང་མི་བསྐྱེད་པ་དང་། བདག་ཅག་གི་ཡུལ་གནོད་པར་མི་
D946.101.0005a05.01འགྱུར་བ་དེང་ཉིད་དུ་ཕྱེ་མར་བརླག་གོ། །རྣམ་པར་གཞོམ་མོ། །དེ་ནས་བདུད་སྡིག་ཅན་དགའ་ཞིང་མགུ་སྟེ། ཤིན་ཏུ་དགའ་བས་སྤུའི་ཁུང་བུ་ཁྱབ་ནས་སྐད་ཅིག་དེ་ཉིད་ལ་བདུད་ཀྱི་རིས་ཀྱི་ལྷའི་བུ་ཐམས་ཅད་དང་ལྷན་ཅིག་ཏུ་བདུད་ཀྱི་རྣམ་པར་འཕྲུལ་བ་ཆེན་པོ་དང་བདུད་ཀྱི་སྡེ་
D946.101.0005a06.01ཆེན་པོས་བར་སྣང་དཔག་ཚད་སྟོང་ཕྲག་བརྒྱད་ཅུ་རྩ་བཞིར་ཁྱབ་པར་བྱས་ཏེ་དུང་དང་རྔ་དང་། རྫ་རྔ་དང་། འཁར་རྔ་དང་། རྒྱུད་གཅིག་པ་དང་། ལྕགས་ཀྱི་སིལ་དཀྲོལ་དང་། རྔ་བོ་ཆེ་བརྡུང་ཞིང་ཧུ་ཧུ་ཞེས་བྱ་བ་དང་། པི་ཙི་ཞེས་བྱ་བ་དང་། ཟུང་ཤིག་ཟུང་ཤིག །སོད་ཅིག་
D946.101.0005a07.01