完整俗语原文 · 稳定分页 当前仅加载第 2 阅读页；保留 Bilara 原生段落标识，每页最多 120 段。
Patna Dharmapada
pdhp14:0.02. Apramāda
pdhp14:0.1apramādo amatapadaṁ pramādo maccuno padaṁ ।
pdhp14:1apramattā na mrīyanti ye pramattā yathā matā ।।
pdhp14:2etaṁ viśeṣataṁ nyāttā apramādamhi paṇḍitā ।
pdhp15:1apramāde pramodanti ayirāṇāṁ gocare ratā ।।
pdhp15:2te jhāyino sātatikā niccaṁ dṛḍhaparākramā ।
pdhp16:1phusanti dhīrā nibbāṇaṁ yogacchemaṁ anuttaraṁ ।।
pdhp16:2pramādam anuyuñjanti bālā dummedhino janā ।
pdhp17:1apramādan tu medhāvī dhanaṁ śreṣṭhaṁ va rakkhati ।।
pdhp17:2apramatto pramattesu suttesu bahujāgaro ।
pdhp18:1abalāśśam va śīghrāśśo hettā yāti sumedhaso ।।
pdhp18:2pramādam apramādena yadā nudati paṇḍito ।
pdhp19:1praṁñāprāsādam āruyha aśoko śokiniṁ prajāṁ ।
pdhp19:2parvvataṭṭho va bhoma ’ṭṭhe dhīro bāle avecchati ।।
pdhp19:3pūrvve cāpi pramajjittā yo pacchā na pramajjati ।
pdhp20:1so imaṁ lokaṁ prabhāseti abhramutto va candramā ।।
pdhp20:2pūrvve cāpi pramajjittā yo pacchā na pramajjati ।
pdhp21:1so imāṁ visattikāṁ loke sato samativattati ।।
pdhp21:2apramādagaru bhikkhū pramāde bhayadaṁśino ।
pdhp22:1abhavvo parihāṇāya nibbāṇasseva santike ।।
pdhp22:2apramādagaru bhikkhū pramāde bhayadaṁśino
pdhp23:1saṁyojanam aṇutthūlaṁ dahaṁ aggīva gacchati ।
pdhp23:2apramādaratā hotha saṁ cittam anurakkhatha ।।
pdhp24:1duggā uddharathāttānaṁ pake sanno va kuñjaro ।
pdhp24:2⟨a?⟩pramāde pramudino nipakā śīlasaṁvṛtā ।।
pdhp25:1te ve kālena prācchanti yattha prātto na śocati ।
pdhp25:2⟨mā?⟩ pramāde pramodetha na kāmaratisandhave ।।
pdhp26:1evaṁ viharan ātāpī śāntacitto ’nuddhato ।
pdhp26:2cetośamatham anuyutto dukkhassantakaro siyā ।।
pdhp26:3uṭṭheyā na pramajjeyā dhammaṁ sucaritaṁ care ।
pdhp27:1dhammacārī [sukhaṁ] śeti aśśiṁ loke paramhi ca ।।
pdhp27:2uṭṭhāṇavato satīmato śucikammassa niśāmmakāriṇo ।
pdhp28:1saṁyyatassa ca dhammajīvino apramattassa yaśo ’ssa vaddhati ।।
pdhp28:2uṭṭhāṇenā ’pramādena saṁyyamena damena ca ।
pdhp29:1dīpaṁ kayirātha medhāvī yam ogho nādhipūrati ।।
pdhp29:2uṭṭhāṇakālamhi anuṭṭhihāno yuvā balī ālasiko upoko ।
pdhp30:1saṁsannasaṁkappamano kusīdo praṁñāya māggaṁ alaso na yeti ।।
pdhp30:2hīnaṁ dhammaṁ na seveyā pramādena na samvase ।
pdhp31:1micchadṛṣṭiṁ na seveyā na siyā lokavaddhano ।।
pdhp31:2na tāvatā dhammadharo yāvatā bahu bhāṣati ।
pdhp32:1yo tu appam pi sottāna dhammaṁ kāyena phassaye ।
pdhp32:2sa ve dhammadharo hoti yo dhamme na pramajjati ।।
pdhp32:3dhammaṁ vicinātha apramattā mā vo kāmaguṇā bhrameṁsu cittaṁ ।
pdhp33:1mā lohaguḍe gilaṁ pramatto kraṇḍe dukkham idan ti dayhamāno ।।
pdhp33:2Apramādavarggaḥ
pdhp33:3