完整俗语原文 · 稳定分页 当前仅加载第 19 阅读页；保留 Bilara 原生段落标识，每页最多 120 段。
Patna Dharmapada
pdhp342:0.019. Citta
pdhp342:0.1phandanaṁ capalaṁ cittaṁ durakkhaṁ dunnivārayaṁ ।
pdhp342:1ujjuṁ karoti medhāvī uṣukāro va tejanā ।।
pdhp342:2vārijo va thale khitto okamokātu ubbhato ।
pdhp343:1pariphandatimaṁ cittaṁ māradheyaṁ prahātaye ।।
pdhp343:2dūraṁgamaṁ ekacaraṁ aśarīraṁ guhāśayaṁ ।
pdhp344:1ye cittaṁ saṁyyamehinti mokkhaṁte mārabaṁdhanā ।।
pdhp344:2dunniggrahassa laghuno yatthakāmanipātino ।
pdhp345:1cittassa damatho sādhu cittaṁ dāntaṁ sukhāvahaṁ ।।
pdhp345:2sududdaśaṁ sunipuṇaṁ yatthakāmanipātinaṁ ।
pdhp346:1cittaṁ rakkheya medhāvī tad⟨a?⟩hi guttaṁ sukhāvahaṁ ।।
pdhp346:2anaprāśrayamāṇassa ananvāhatacetaso ।
pdhp347:1hettā kallāṇapāpāni nāsti jāgarato bhayaṁ ।।
pdhp347:2dhammaprītirasaṁ pāttā viprasannena cetasā ।
pdhp348:1ayirapravedite dhamme sadā ramati paṇḍito ।।
pdhp348:2acirā vata ayaṁ kāyo paṭhaviṁ abhiśehiti ।
pdhp349:1chūḍo apetaviṁnyāṇo nirātthaṁ vā kaṭiṁgaraṁ ।।
pdhp349:2kuṁbhopamaṁ kāyam imaṁ vidittā nagaropamaṁ cittam adhiṣṭhihittā ।
pdhp350:1yodheya māraṁ praṁñāyudhena jitaṁ ca rakkhe aniveśano siyā ।।
pdhp350:2yathā agāraṁ ducchannaṁ vaṭṭhī samitivijjhati ।
pdhp351:1evaṁ abhāvitaṁ cittaṁ rāgo samitivijjhati ।।
pdhp351:2yathā agāraṁ succhannaṁ vaṭṭhī na samitivijjhati ।
pdhp352:1evaṁ subhāvitaṁ cittaṁ rāgo na samitivijjhati ।।
pdhp352:2yathā agāraṁ ducchannaṁ vaṭṭhī samitivijjhati ।
pdhp353:1evaṁ abhāvitaṁ cittaṁ doṣo samitivijjhati ।।
pdhp353:2yathā agāraṁ succhannaṁ vaṭṭhī na samitivijjhati ।
pdhp354:1evaṁ subhāvitaṁ cittaṁ doṣo na samitivijjhati ।।
pdhp354:2yathā agāraṁ ducchannaṁ vaṭṭhī samitivijjhati ।
pdhp355:1evaṁ abhāvitaṁ cittaṁ moho samitivijjhati ।।
pdhp355:2yathā agāraṁ succhannaṁ vaṭṭhī na samitivijjhati ।
pdhp356:1evaṁ subhāvitaṁ cittaṁ moho na samitivijjhati ।।
pdhp356:2sabbapāpassa akaraṇaṁ kuśalassa apasaṁpadā ।
pdhp357:1sacittapariyodamanaṁ etaṁ buddhāna śāsanaṁ ।।
pdhp357:2Cittavarggaḥ
pdhp357:3