完整俗语原文 · 稳定分页 当前仅加载第 17 阅读页；保留 Bilara 原生段落标识，每页最多 120 段。
Patna Dharmapada
pdhp306:0.017. Ātta
pdhp306:0.1yassa accantadośśillaṁ malutā sālam ivo ’tatā ।
pdhp306:1karoti so tathāttānaṁ yathā naṁ biṣam icchati ।।
pdhp306:2āttanā hi kataṁ pāpaṁ āttajaṁ āttasaṁbhavaṁ ।
pdhp307:1anumaṁdhati dummedhaṁ vayiraṁ vā ahmamayaṁ maṇiṁ ।।
pdhp307:2āttanā hi kataṁ pāpaṁ āttanā saṁkiliśśati ।
pdhp308:1āttanā akataṁ pāpaṁ āttanā ye viśujjhati ।
pdhp308:2śoddhī aśoddhī praccattaṁ nāṁño aṁñaṁ viśodhaye ।।
pdhp308:3na paresaṁ vilomāni na paresaṁ katā ’kataṁ ।
pdhp309:1āttanā ye aveccheyā katāni akatāni ca ।।
pdhp309:2na paresaṁ vilomāni na paresaṁ samāsamaṁ ।
pdhp310:1āttanā ye aveccheyā samāni viṣamāṇi ca ।।
pdhp310:2āttānañ ce priyaṁ ñāyyā rakkheyā naṁ surakkhitaṁ ।
pdhp311:1na etaṁ sulabhaṁ hoti sukhaṁ dukkatakāriṇāṁ ।।
pdhp311:2āttānaṁ ce priyaṁ ñāyyā rakkheyā naṁ surakkhitaṁ ।
pdhp312:1ttiṇṇam añataraṁ yāmānaṁ paṭijāggreya paṇḍito ।।
pdhp312:2ekāsanaṁ ekaśeyaṁ ekacariyām atandrito ।
pdhp313:1eko ramayam āttānaṁ vanānte ramitā siyā ।।
pdhp313:2yo śāsanaṁ arahatāṁ ayirāṇāṁ dhammajīvināṁ ।
pdhp314:1paṭikrośati dummedho dṛṣṭiṁ niśśāya pāpikāṁ ।
pdhp314:2karoti so tathāttānaṁ yathā naṁ biṣam icchati ।।
pdhp314:3yo śāsanaṁ arahatāṁ ayirāṇāṁ dhammajīvināṁ ।
pdhp315:1paṭikrośati dummedho dṛṣṭiṁ niśśaya pāpikāṁ ।
pdhp315:2phalāni kaṇṭakasseva āttaghannāya phallati ।।
pdhp315:3āttānam eva paṭhamaṁ atthe dhaṁme niveśaye ।
pdhp316:1athāṁñam anuśāseyā evaṁ hohi yathā ahaṁ ।।
pdhp316:2āttānam eva paṭhamaṁ paṭirūpe niyojaye ।
pdhp317:1athāṁñam anuśāsanto na kiliśśati praṁñavā ।।
pdhp317:2āttanā ye tathā kayirā yathāṁñam anuśāsaye ।
pdhp318:1adānto vata dameyā āttā hi kira duddamo ।।
pdhp318:2āttā hi bhe varaṁ dānto yacchāyam itarā prajā ।
pdhp319:1āttadāntassa poṣassa sadā saṁyyatacāriṇo ।।
pdhp319:2neva devā na gandhabbā na māro saha brahmuṇā ।
pdhp320:1jitaṁ apajitaṁ kayirā tattharūpassa jantuno ।।
pdhp320:2āttā hi āttano nātho ko hi nātho paro siyā ।
pdhp321:1āttanā hi sucinnena nāthaṁ labhati dullabhaṁ ।।
pdhp321:2āttā hi āttano nātho āttā hi āttano gatī ।
pdhp322:1tassā saṁyyamayā ’ttānaṁ aśśaṁ bhadraṁ va vāṇijo ।।
pdhp322:2āttānam eva damaye aśśasugatiyā sadā ।
pdhp323:1daṁma śaṁma ujjuṁ hohi tato akuṭilo bhava ।।
pdhp323:2tato dānto sukhī hohi anupādāya nivṛto ।
pdhp323:3āttanā codayā ’ttānaṁ parimaśāttānam āttanā ।
pdhp324:1so āttagutto satimā sukhaṁ bhikkhū vihāhisi ।
pdhp324:2āttadātthaṁ parātthena bahunā pi na hāpaye ।
pdhp325:1āttadātthaṁ paraṁ ñāttā sadātthaparamo siyā ।।
pdhp325:2nevāttaheto na parassa heto na saggam icche na dhanaṁ na rāṣṭaṁ ।
pdhp326:1necche adhammeṇa samṛddhim āttano so śīlavā praṁñavā dhāṁmiko siyā ।।
pdhp326:2Āttavarggaḥ
pdhp326:3