完整俗语原文 · 稳定分页 当前仅加载第 13 阅读页；保留 Bilara 原生段落标识，每页最多 120 段。
Patna Dharmapada
pdhp216:0.013. Śaraṇa
pdhp216:0.1bahū veśaraṇaṁ yānti parvvate ca vanāni ca ।
pdhp216:1vastūni rukkhacittāṇi manuṣyā bhayatajjitā ।।
pdhp216:2na etaṁ śaraṇaṁ khemmaṁ na etaṁ śaraṇam uttamaṁ ।
pdhp217:1etaṁ śaraṇam āgaṁma sabbadukkhā pramuccati ।।
pdhp217:2yo tu buddhañ ca dhammañ ca saghaṁ ca śaraṇaṁ gato ।
pdhp218:1cattāri ca ariyasaccāni yathābhūtāni paśśati ।।
pdhp218:2etaṁ ve śaraṇaṁ khemmaṁ etaṁ śaraṇam uttamaṁ ।
pdhp219:1etaṁ śaraṇam āgamma sabbadukkhā pramuccati ।।
pdhp219:2gavāṁ ce taramāṇānāṁ jihmaṁ gacchati puṅgavo ।
pdhp220:1sabbā tā jihmaṁ gacchaṁti nette jihmagate sati ।।
pdhp220:2evām eva manuṣyesu yo hoti śreṣṭhasaṁmato ।
pdhp221:1sa ce adhaṁmaṁ carati prāg eva itarā prajā ।।
pdhp221:2gavāṁ ce taramāṇānāṁ ujjuṁ gacchati puṅgavo ।
pdhp222:1sabbā tā ujjuṁ gacchaṁti nette ujjugate sati ।।
pdhp222:2evām eva manuṣyesu yo hoti śreṣṭhasaṁmato ।
pdhp223:1sa ce va dhaṁmaṁ carati prāg eva itarā prajā ।।
pdhp223:2dhaṁmaṁ care sucaritaṁ na naṁ duccaritaṁ care ।
pdhp224:1dhammacārī sukhaṁ śeti assiṁ loke paramhi ca ।।
pdhp224:2dhaṁmaṁ care sucaritaṁ na naṁ duccaritaṁ care ।
pdhp225:1brahmacārī sukhaṁ śeti assiṁ loke paramhi ca ।।
pdhp225:2dhaṁmārāmo dhaṁmarato dhaṁmaṁ anuvicintayaṁ ।
pdhp226:1dhammaṁ anussaraṁ bhikkhū dhammā na parihāyati ।।
pdhp226:2dhammo have rakkhati dhammacārī dhammo sucinno sukhāya dahāti ।
pdhp227:1esānuśaṁso dhamme sucinne na doggatiṁ gacchati dhammacārī ।।
pdhp227:2dhammo have rakkhati brahmacārī dhammo sucinno sukhāya dahāti ।
pdhp228:1esā ’nuśaṁso dhamme sucinne na doggatiṁ gacchati brahmacārī ।।
pdhp228:2acarittā brahmaceraṁ aladdhā yovvane dhanaṁ ।
pdhp229:1jinnakroṁcā va jhāyaṁti jhīnamacche va pallare ।।
pdhp229:2acarittā brahmaceraṁ aladdhā yovvane dhanaṁ ।
pdhp230:1śenti cāpādhikinno vā porāṇāni a ’nutthunaṁ ।।
pdhp230:2ujjujjanti satīmanto na nikete ramaṁti te ।
pdhp231:1haṁsā va pallaraṁ hettā okam okaṁ jahaṁti te ।।
pdhp231:2haṁsā va ādiccapathe vehāyasaṁ yānti iddhiyā ।
pdhp232:1niyyāṁti dhīrā lokamhi mārasenaṁ pramaddiya ।।
pdhp232:2kin nu hāśo kim ānando niccaṁ prajjalite sati ।
pdhp233:1andhakāramhi prakkhittā pradīpaṁ na gaveṣatha ।।
pdhp233:2praccaṁtimaṁ vā nagaraṁ guttaṁ sāntarabāhiraṁ ।
pdhp234:1evaṁ rakkhatha āttānaṁ khaṇo vo mā upaccagū ।
pdhp234:2khaṇātītā hi śocaṁti nirayamhi samappitā ।।
pdhp234:3na muṇḍabhāvā śamaṇo avrato alikaṁ bhaṇaṁ ।
pdhp235:1icchālobhasamāpanno śamaṇo kiṁ bhaviṣyati ।।
pdhp235:2yo tu śameti pāpāni aṇutthūlāni sabbaśo ।
pdhp236:1śamaṇā eva pāpānāṁ śamaṇo ti pravuccati ।।
pdhp236:2yassa chattrīśatiṁ sotā mānāphassamayā bhriśā ।
pdhp237:1vāhā vahanti dudriṣṭiṁ saṁkappā ggredhaniśśitā ।।
pdhp237:2krodhaṁ jahe viprajaheya mānaṁ saṁyojanaṁ sabbam atikrameyā ।
pdhp238:1taṁ nāmarūpamhi asajjamānaṁ akiṁcanaṁ nānupatanti dukkhā ।।
pdhp238:2Śaraṇavarggaḥ
pdhp238:3