完整俗语原文 · 稳定分页 当前仅加载第 14 阅读页；保留 Bilara 原生段落标识，每页最多 120 段。
Patna Dharmapada
pdhp239:0.014. Khānti
pdhp239:0.1khāntī paramaṁ tapo titikkhā nibbāṇaṁ paramaṁ vadanti buddhā ।
pdhp239:1na hi pravrajito paropaghātī śamaṇo hoti pare vihesayāno ।।
pdhp239:2ahiṁsakā ye munayo niccaṁ kāyena saṁvṛtā ।
pdhp240:1te yānti accutaṁ ṭṭhāṇaṁ yattha gantā na śocati ।।
pdhp240:2suprabuddhaṁ prabujjhanti sadā gotamasāvakā ।
pdhp241:1yesāṁ divā ca rātto ca ahiṁsāya rato mano ।।
pdhp241:2suprabuddhaṁ prabujjhanti sadā gotamasāvakā ।
pdhp242:1yesāṁ divā ca rātto ca bhāvanāya rato mano ।।
pdhp242:2suprabuddhaṁ prabujjhanti sadā gotamasāvakā ।
pdhp243:1yesāṁ divā ca rātto ca niccaṁ kāyagatā satī ।।
pdhp243:2ye jhānaprasutā dhīrā nekkhaṁmo ’paśame ratā ।
pdhp244:1devā pi tesaṁ prihayanti saṁbuddhānāṁ satīmatāṁ ।।
pdhp244:2aranne yadi vā ggrāme ninne vā yadi vā thale ।
pdhp245:1yattha arahanto viharaṁti taṁ bhomaṁ rāmaṇīyakaṁ ।।
pdhp245:2ekaṁ pi ce prāṇam aduṣṭacitto mettāyate kuśalī tena hoti ।
pdhp246:1sabbe ca prāṇe manasā ’nukaṁpī prabhūtam ayiro prakaroti puṁñaṁ ।।
pdhp246:2ye sattaśaṇḍāṁ paṭhaviṁ vijettā rājariṣayo yajamānā ’nupariyagu ।
pdhp247:1aśśamedhaṁ puruṣamedhaṁ saṁmaprāsaṁ vāyupeyaṁ nirāggaḍaṁ ।
pdhp247:2mettassa cittassa subhāvitassa kalāṁ pi te nānubhavanti soḍaśiṁ ।
pdhp247:3candaprabhāṁ tāragaṇā va sabbe ।।
pdhp247:4yo ’tha metteṇa cittena sabbe prāṇe nukaṁpati ।
pdhp248:1mettaṁ se sabbabhūtesu veraṁ tassa na kenaci ।।
pdhp248:2yassa sabbe ahorātte ahiṁsāya rato mano ।
pdhp249:1mettaṁ se sabbabhūtesu veraṁ tassa na kenaci ।।
pdhp249:2yassa sabbe ahorātte bhāvanāya rato mano ।
pdhp250:1mettaṁ se sabbabhūtesu veraṁ tassa na kenaci ।।
pdhp250:2yassa sabbe ahorātte niccaṁ kāyagatā satī ।
pdhp251:1mettaṁ se sabbabhūtesu veraṁ tassa na kenaci ।।
pdhp251:2yo na hanti na ghāteti na jināti na jāpaye ।
pdhp252:1mettaṁ se sabbabhūtesu veraṁ tassa na kenaci ।।
pdhp252:2na hi vereṇa verāṇi śāmantīha kadācanaṁ ।
pdhp253:1avereṇa tu śāmaṁti esa dhaṁmo sanātano ।।
pdhp253:2pare ca na vijānaṁti vayam ettha jayāmatha ।
pdhp254:1ye ca tattha vijānaṁti tato śāṁmaṁti medhakā ।।
pdhp254:2susukhaṁ vata jīvāmo veriṇesu averiṇo ।
pdhp255:1veriṇesu manuṣyesu viharāma averiṇo ।।
pdhp255:2susukhaṁ vata jīvāmo ussukesu anussukā ।
pdhp256:1ussukesu manuṣyesu viharāma anussukā ।
pdhp256:2susukhaṁ vata jīvāmo yesaṁ no nāsti kiṁcanaṁ ।
pdhp257:1sakiñcanesu manuṣyesu viharāma akiṁcanā ।।
pdhp257:2yathā bubbudakaṁ paśśe yathā paśśe marīcikaṁ ।
pdhp258:1evaṁ lokaṁ avecchānam maccurājā na paśśati ।।
pdhp258:2parijinnam idaṁ rūpaṁ roganīḍaṁ prabhaṁguraṁ ।
pdhp259:1bhijjīhiti pūtisaṁdeho maraṇāttaṁ hi jīvitaṁ ।।
pdhp259:2jihmaṁ ca driṣṭā dukhitaṁ ca vyādhitaṁ pretañ ca driṣṭā na cirassa mānavo ।
pdhp260:1saṁvego tīppe (?) vipulo (?) ajāyatha acchecchi dhīro gṛhibandhanāni ।।
pdhp260:2Khāntivarggaḥ
pdhp260:3