完整俗语原文 · 稳定分页 当前仅加载第 16 阅读页；保留 Bilara 原生段落标识，每页最多 120 段。
Patna Dharmapada
pdhp278:0.016. Vācā
pdhp278:0.1vācānurakkhī manasā susaṁvṛto kāyena yo akuśalaṁ na sevati।
pdhp278:1etettayo kaṁmapathe viśodhiya prāppojja so śāntipadaṁ anuttaraṁ ।।
pdhp278:2kāyapradoṣaṁ rakkheyā kāyena saṁvṛto siyā ।
pdhp279:1kāyaduccaritaṁ hettā kāyena sucaritaṁ care ।।
pdhp279:2vācāpradoṣaṁ rakkheyā vācāya saṁvṛto siyā ।
pdhp280:1vācāduccaritaṁ hettā vācāya sucaritaṁ care ।।
pdhp280:2manapradoṣaṁ rakkheyā manasā saṁvṛto siyā ।
pdhp281:1manoduccaritaṁ hettā manasā sucaritaṁ care ।।
pdhp281:2kāyena saṁvṛtā dhīrā vācāya utta cetasā ।
pdhp282:1sabbattha saṁvṛtā dhīrā te ve suparisaṁvṛtā ।।
pdhp282:2porāṇam etaṁ ādhora na etaṁ ahunā-r-iva ।
pdhp283:1nindanti tohnim āsīnaṁ nindanti mitabhāṇikaṁ ।
pdhp283:2bahubhāṇikaṁ pi nindanti nāsti loke anindito ।।
pdhp283:3na cābhu na ca bhaviṣyati na cetarahi vijjati ।
pdhp284:1ekāntanindito poṣo ekāntaṁ vā praśaṁsito ।।
pdhp284:2yañ ca bālā adhaṁmaṭṭhaṁ pūjeyu garaheyu vā ।
pdhp285:1aviñūṁ avibhāvāya na taṁ atthāya kāyaci ।।
pdhp285:2yaṁ ca viñū praśaṁsanti anuvicca suve suve ।
pdhp286:1acchidravattiṁ medhāviṁ praṁñāśīlasamāhitaṁ ।।
pdhp286:2nikkhaṁ jāṁbūnadasseva ko taṁ ninditum arihati ।
pdhp287:1devā pi naṁ praśansanti brahmuṇā pi praśaṁsito ।।
pdhp287:2na vākkaraṇamātteṇa vannapukkhalatāya vā ।
pdhp288:1sādhurūpī naro hoti iśśukī maccharī śaṭho ।।
pdhp288:2yamhi saccaṁ ca dhammo ca viratī saṁyyamo damo ।
pdhp289:1sa vāntadoṣo medhāvī sādhurūpī ti vuccati ।।
pdhp289:2bahuṁ pi ce sahitaṁ bhāṣamāno na takkaro hoti naro pramatto ।
pdhp290:1gopo va gāvo gaṇayaṁ paresaṁ na bhāgavā śāmaṇṇassa hoti ।।
pdhp290:2appaṁ pi ce sahitaṁ bhāṣamāno dhammassa hoti anudhammacārī ।
pdhp291:1rāgaṁ ca doṣaṁ ca prahāya mohaṁ vimuttacitto akhilo akaṁcho ।
pdhp291:2anupādiyāno iha vā hure vā sa bhāgavā śāmannassa hoti ।।
pdhp291:3saccaṁ bhaṇe na kujjheyā deyā appā pi yācito ।
pdhp292:1etehi ttihi ṭṭhāṇehi gacche devāna santike ।।
pdhp292:2na ve kadāryyā devalokaṁ vrajanti bālā hi bhe na praśaṁsanti dānaṁ ।
pdhp293:1dhīro tu dānaṁ anumodamāno teneva so devalokaṁ pareti ।।
pdhp293:2śīlavantaṁ śuciṁ dacchaṁ dhammaṭṭhaṁ saccavādinaṁ ।
pdhp294:1āttano kārakaṁ śantaṁ taṁ jano kurute priyaṁ ।।
pdhp294:2śreyo ayoguḍā bhuttā tattā aggiśikhopamā ।
pdhp295:1yaṁ ca bhuñjeya duśśīlo rāṣṭapiṇḍaṁ asaṁyyato ।।
pdhp295:2kuśo yathā duggṛhīto hastam evānukaṁtati ।
pdhp296:1śāmannaṁ dupparāmāṭṭhaṁ nirayāya upakaṭṭati ।।
pdhp296:2ekadhaṁmam atītassa muṣāvādissa jaṁtuno ।
pdhp297:1vitinnaparalokassa nāsti pāpaṁ akāriyaṁ ।।
pdhp297:2na hi śastaṁ suniśitaṁ viṣaṁ hālāhalaṁ tathā ।
pdhp298:1evaṁ khipraṁ atipāteti vācā dubbhāṣitā yathā ।।
pdhp298:2puruṣassa jāyamānassa kuṭhārī jāyate mukhe ।
pdhp299:1yāya chindati āttānaṁ vācaṁ dubbhāṣitaṁ bhaṇaṁ ।।
pdhp299:2yo hi nindiye praśaṁsati uttavā nindati yo praśaṁsiye ।
pdhp300:1vicināti mukhena so kaliṁ kalinā tena sukhaṁ na vindati ।।
pdhp300:2appāmātto ayaṁ kalī yo akkhehi dhanaṁ parājaye ।
pdhp301:1sabbassaṁ pi sahāpi āttanā
pdhp301:2ayam eva mahataro kalī yo sugatesu manaṁ pradūṣaye ।।
pdhp301:3śataṁ sahasrāṇi nirabbudānāṁ chattrīśatiṁ paṁca ca abbudāni ।
pdhp302:1yaṁ ayiragarahī nirayaṁ upeti vācaṁ manaṁ ca praṇidhāya pāpikāṁ ।।
pdhp302:2kallāṇim eva bhāṣeyā na ’ssa mucceya pāpikā ।
pdhp303:1mokkho kallāṇiye śreyo muttā tapati pāpikāṁ ।।
pdhp303:2kallāṇim eva seveyā na ’ssa mucceya pāpikā ।
pdhp304:1mokkho kallāṇiye śreyo muttā tapati pāpikāṁ ।।
pdhp304:2vācaṁ bhāṣeyā kallāṇiṁ na ’ssa mucceya pāpikā ।
pdhp305:1jātaṁ krodhaṁ nivāreyā so biṣabbhi nirujjhati ।।
pdhp305:2Vācāvarggaḥ
pdhp305:3