早期佛教 · 法句文本家族

巴特那法句经

Patna Dharmapada · Margaret Cone transcription · PTS / SuttaCentral edition

完整原文 · 原生段落SuttaCentral PDHP 1–414

完整俗语原文 · 稳定分页　当前仅加载第 11 阅读页；保留 Bilara 原生段落标识，每页最多 120 段。

0.0

Patna Dharmapada

0.1

11. Bāla

1

caranti bālā dummedhā amitteṇa-r-iva āttanā ।

2

karontā pāpakaṁ kammaṁ yaṁ hoti kaṭukapphalaṁ ।।

1

kathañ ca taṁ kare kaṁmaṁ yaṁ kattā anutappati ।

2

yassa aṁśumukho rodaṁ vipākaṁ paṭisevati ।।

1

taṁ ca kaṁmaṁ kataṁ sādhu yaṁ kattā nānutappati ।

2

yassa pratīto sumano vipākaṁ paṭisevati ।।

1

yāvad eva anatthāya ñāttaṁ bālassa jāyati ।

2

hanti bālassa śukrāṅggaṁ (?) muddham assa nipātaye ।।

1

asatāṁ bhāvanam icchanti purekkhārañ ca bhikkhusu ।

2

āvāsesu ca essariyaṁ pūjāṁ parakulesu ca ।।

1

mameva katamannentu gṛhī pravrajitā ca ye ।

2

na me pratibalā assa kiccā ’kiccesu kesuci ।।

1

iti bālassa saṁkappo icchāmāno ca vaddhati ।

2

aṁñā hi lābhopaniśā aṁñā nibbāṇagāminī ।।

1

evam etaṁ yathābhūtaṁ paśśaṁ buddhassa sāvako ।

2

sakkāraṁ nābhinandeyā vivekam anubrūhaye ।।

1

jayaṁ ve manyate bālo vācāya paruṣaṁ bhaṇaṁ ।

2

satāṁ hesa jayo hoti yā titikkhā vijānato ।।

1

abalaṁ tassa balaṁ hoti yassa bālabalaṁ balaṁ ।

2

balassa dhammaguttassa paṭivattā na vijjati ।।

1

yo bālo bālamānī paṇḍito cāpi tattha so ।

2

bālo tu paṇḍitamānī sa ve bālo ti vuccati ।।

1

drīghā assupato rātrī drīghaṁ śāntassa yojanaṁ ।

2

drīgho bālānā saṁsāro saddhaṁmam avijānatāṁ ।।

1

pūtimacche kuśāggreṇa yo naro upanahyati ।

2

kuśā pi pūtiṁ vāyanti evaṁ bālopasevanā ।।

1

tagarañ ca palāśamhi yo naro upanahyati ।

2

pattaṁ pi surabhiṁ vāti evaṁ dhīropasevanā ।।

1

akaronto pi ce pāpaṁ karonte upasevati ।

2

śaṅkiyo hoti pāpamhi avaṇṇo cāssa rūhati ।।

1

sevamāno sevamāne saṁpuṭṭho saṁphusaṁ pare ।

2

śaro litto kalāpe vā alitte upaliṁpati ।

3

upalepabhayā dhīro neva pāpasakhā siyā ।।

1

tassā phalapuṭasseva ñāyyā saṁpākam āttano ।

2

asanto nopaseveyā santo seveya paṇḍito ।।

1

yāvaj jīvaṁ pi ce bālo paṇḍite payirupāsati ।

2

neva dhammaṁ vijānāti dravvī sūparasān iva ।।

1

muhuttam api ce praṁño paṇḍite payirupāsati ।

2

khipraṁ dhammaṁ vijānāti jivhā sūparasān iva ।।

1

nāppaṁ pāpassa maṁñeyā na me taṁ āgamiṣyati ।

2

udabindunipātena udakuṁbho pi pūrati ।।

3

pūrate bālo pāpassa thokathokaṁ pi ācinaṁ ।

1

nāppaṁ puṁñassa manyeyā na me taṁ āgamiṣyati ।।

2

udabindunipātena udakumbho pi pūrati ।

3

pūrate praṁño puṁñassa thokathokaṁ pi ācinaṁ ।।

4

Bālavarggaḥ