完整藏文原文 · 德格版页 当前仅加载第 39 函德格 110b 版页；藏文 NFD、目录标记与异常页序保留在来源切片中，重复版页行以稳定序号区分。
དབྱེ་བ་ཡང་སེམས་ཅན་རྣམས་ལ་སྟོན་ལ། རྒྱུ་གང་དང་། དམིགས་པ་གང་དག་གིས་ལུས་མངོན་པར་འགྲུབ་པའི་རྒྱུ་དེ་དག་དང་། དམིགས་པ་དེ་དག་ཀྱང་། བྱེད་པ་པོ་མེད་པ་དང་། ཚོར་བ་པོ་མེད་པར་ཡང་དག་པར་རྗེས་སུ་མཐོང་ངོ་། །ལུས་རྩྭ་དང་། ཤིང་དང་།
D47.039.0110b01.01རྩིག་པ་དང་། ལམ་དང་། མིག་ཡོར་ལྟ་བུར་ཡང་རབ་ཏུ་ཤེས་ཤིང་དེ་ལུས་ཀྱི་ལས་ཡོངས་སུ་དག་པར་ཡང་སེམས་ཅན་རྣམས་ལ་སྟོན་ཏེ། ཞི་བའི་བློ་གྲོས་འདི་ནི་དེ་བཞིན་གཤེགས་པ་མར་མེ་མཛད་ཚུན་ཅད། བྱང་ཆུབ་སེམས་དཔའི་ལུས་ཀྱི་གསང་བ་དང་། ལུས་ཀྱི་ལས་ཡོངས་སུ་
D47.039.0110b02.01དག་པའོ། །དེ་བས་ལྷག་པར་བྱང་ཆུབ་སེམས་དཔའ་སེམས་དཔའ་ཆེན་པོའི་ལུས་ཀྱི་ལས་ཡོངས་སུ་དག་པ་བསྐལ་པ་བརྒྱ་སྟོང་ངམ། དེ་བས་ཀྱང་ལྷག་པར་བསྟན་ཏོ། །ཞི་བའི་བློ་གྲོས་གལ་ཏེ་དེ་བཞིན་གཤེགས་པ་ཉིད་ཀྱིས་བྱང་ཆུབ་སེམས་དཔའི་ལུས་ཀྱི་གསང་བ་གང་གཱའི་ཀླུང་གི་བྱེ་
D47.039.0110b03.01མ་སྙེད་ཀྱི་བསྐལ་པར་བསྟན་ཀྱང་ཟད་པར་མི་འགྱུར་ཏེ། བྱང་ཆུབ་སེམས་དཔའི་ལུས་ཀྱི་གསང་བ་བསྟན་པ་དེ་ནི་དེ་ཙམ་དུ་ཚད་མེད་པ་བསམ་གྱིས་མི་ཁྱབ་བོ། །དེས་པའི་ལེའུ་སྟེ་དང་པོའོ།། །།བམ་པོ་གཉིས་པ། གཞན་ཡང་གསང་བ་པའི་བདག་པོ་ལག་ན་རྡོ་རྗེས་
D47.039.0110b04.01བྱང་ཆུབ་སེམས་དཔའ་ཞི་བའི་བློ་གྲོས་ལ་འདི་སྐད་ཅེས་སྨྲས་སོ། །ཞི་བའི་བློ་གྲོས་དེ་ལ་བྱང་ཆུབ་སེམས་དཔའ་ངག་གི་གསང་བ་དང་། དག་གིས་ལས་ཡོངས་སུ་དག་པ་གང་ཞེ་ན། ཞི་བའི་བློ་གྲོས་སེམས་ཅན་རྣམས་ཀྱི་སྐྱེ་བའི་གནས་ཇི་སྙེད་པར་བྱང་ཆུབ་སེམས་དཔའི་སྐྱེས་པའི་རབས་ཀྱང་དེ་སྙེད་དོ། །
D47.039.0110b05.01བྱང་ཆུབ་སེམས་དཔའི་སྐྱེས་པའི་རབས་ཇི་སྙེད་པར་སྒྲ་ལ་འཇུག་པའང་དེ་སྙེད་དོ། །སེམས་ཅན་དེ་དག་གི་སྒྲ་བརྗོད་པ་དང་། ཚིག་གི་ལམ་བརྗོད་པ་དང་། ངེས་པའི་ཚིག་དང་། བརྡ་དང་། སྨྲ་བ་དང་། ཡང་དག་པར་སྨྲ་བ་དང་། མཚན་མ་དང་། སྤྱོད་པ་དང་། བདེ་བ་དང་། སྡུག་བསྔལ་བརྗོད་
D47.039.0110b06.01པ་ཇི་སྙེད་པའི་སྒྲ་ལ་འཇུག་པ་དེ་དག་ཐམས་ཅད་ལ་བྱང་ཆུབ་སེམས་དཔའི་ཡེ་ཤེས་མཐོང་བ་ཐོགས་པ་མེད་པར་འཇུག་སྟེ། ཐ་ན་སྲིན་བུ་དང་། སྦྲང་བུ་དང་། ཤ་སྦྲང་དང་། སྦྲང་མ་དང་། ཕྱེ་མ་ལེབ་ཀྱི་སྒྲ་དག་ལ་ཡང་ཡེ་ཤེས་མཐོང་བ་འཇུག་གོ །སྒྲའི་རྣམ་པར་རིག་པ་བསྒྲག་པ་ཇི་ལྟ་བུས་
D47.039.0110b07.01