完整藏文原文 · 德格版页 当前仅加载第 39 函德格 181b 版页；藏文 NFD、目录标记与异常页序保留在来源切片中，重复版页行以稳定序号区分。
བྱ་བར་འགྱུར་བ་གཉིས་པ་དང་གསུམ་པའོ། །རྙེད་པ་གང་དག་ཆོས་དང་འཐུན་པ། ཆོས་ཀྱི་རྙེད་པ་ཐ་ན་ལྷུང་བཟེད་ཀྱི་ནང་དུ་ཆུད་པའམ། ལྷུང་བཟེད་པར་གཏོགས་པ་དེ་ལྟ་བུའི་རྙེད་པ་དག་གིས་ཚངས་པ་མཚུངས་པར་སྤྱོད་པ་མཁས་པ་རྣམས་དང་ལྷན་ཅིག་ཏུ་རྙེད་པ་འཐུན་པར་བྱའོ་སྙམ་པ་
D47.039.0181b01.01འདི་ནི་ཡང་དག་པར་མགུ་བར་འགྱུར་བའི་ཆོས་དགའ་བར་བྱེད་པ་དང་། བླ་མར་བྱེད་པ་དང་། ཡིད་དུ་འོང་བར་བྱེད་པ་དང་། དགའ་བར་བྱ་བ་དང་། བླ་མར་བྱ་བ་དང་། གུས་པར་བྱ་བ་དང་། བསྒོམ་པ་དང་། བསྡུ་བ་དང་། ཏིང་ངེ་འཛིན་དུ་བྱ་བར་འགྱུར་བ་བཞི་པའོ། །ཚུལ་ཁྲིམས་མ་ཉམས་
D47.039.0181b02.01པ། སྐྱོན་མེད་པ། འདྲེན་མ་མ་ཡིན་པ། སྲ་སྲེ་མ་ཡིན་པ། རང་དབང་ཅན། མ་འབགས་པ། མཁས་པས་བསྔགས་པ། ཚངས་པ་མཚུངས་པར་སྤྱོད་པ་མཁས་པ་རྣམས་ཀྱིས་མ་སྨད་པ། གང་དག་ཡིན་པ་དེ་ལྟ་བུའི་ཚུལ་ཁྲིམས་རྣམས་ཀྱིས་ཚངས་པ་མཚུངས་པར་སྤྱོད་པ་
D47.039.0181b03.01མཁས་པ་རྣམས་དང་ལྷན་ཅིག་ཏུ་ཚུལ་ཁྲིམས་འཐུན་པར་བྱའོ། །སྙམ་པ་འདི་ནི་ཡང་དག་པར་མགུ་བར་འགྱུར་བའི་ཆོས་དགའ་བར་བྱེད་པ་དང་། མགུ་བར་བྱེད་པ་དང་། བླ་མར་བྱེད་པ་དང་། ཡིད་དུ་འོང་བར་བྱེད་པ་དང་། དགའ་བར་བྱ་བ་དང་། བླ་མར་བྱ་བ་དང་། གུས་པར་བྱ་བ་དང་།
D47.039.0181b04.01བསྒོམ་པ་དང་། བསྡུ་བ་དང་། ཏིང་ངེ་འཛིན་དུ་བྱ་བར་འགྱུར་བ་ལྔ་པའོ། །ལྟ་བ་གང་འཕགས་པ་ངེས་པར་འབྱུང་བ་ངེས་པར་འབྱེད་པའི་ཆ་དང་འཐུན་པ། དེ་བྱེད་པའི་སྡུག་བསྔལ་ཡང་དག་པར་ཟད་པར་འགྱུར་བ་དང་། སྡུག་བསྔལ་མཐར་འབྱིན་པ་ངེས་པར་འབྱུང་བའི་ལྟ་བ་དེ་ལྟ་བུས་
D47.039.0181b05.01ཚངས་པ་མཚུངས་པར་སྤྱོད་པ་རྣམས་དང་ལྷན་ཅིག་ཏུ་ལྟ་བ་འཐུན་པར་བྱའོ་སྙམ་པ་འདི་ནི་ཡང་དག་པར་མགུ་བར་འགྱུར་བའི་ཆོས་དགའ་བར་བྱེད་པ་དང་། བླ་མར་བྱེད་པ་དང་། ཡིད་དུ་འོང་བར་བྱེད་པ་དང་། དགའ་བར་བྱ་བ་དང་། བླ་མར་བྱ་བ་དང་། གུས་པར་བྱ་བ་དང་། བསྒོམ་པ་དང་། བསྡུ་
D47.039.0181b06.01བ་དང་། ཏིང་ངེ་འཛིན་དུ་བྱ་བར་འགྱུར་བ་དྲུག་པ་སྟེ། གྲོགས་པོ་དག་ཡང་དག་པར་མགུ་བར་བྱ་བའི་ཆོས་དྲུག་པོ་དེ་དག་ནི་འཇིག་རྟེན་སྐྱོང་བར་བྱེད་པའོ། །གྲོགས་པོ་དག་གཞན་ཡང་འཇིག་རྟེན་སྐྱོང་བར་བྱེད་པའི་ཆོས་བཞི་སྟེ། བཞི་གང་ཞེ་ན། འདི་ལྟ་སྟེ། འདོད་པ་དང་། ཞེ་སྡང་དང་། གཏི་
D47.039.0181b07.01