完整藏文原文 · 德格版页 当前仅加载第 39 函德格 182a 版页；藏文 NFD、目录标记与异常页序保留在来源切片中，重复版页行以稳定序号区分。
མུག་དང་། འཇིགས་པ་སྤངས་པས་འདོད་པས་འགྲོ་བ་མ་ཡིན་པར་མི་འགྲོ་བ་དང་། ཞེ་སྡང་གིས་འགྲོ་བ་མ་ཡིན་པར་མི་འགྲོ་བ་དང་། གཏི་མུག་གིས་འགྲོ་བ་མ་ཡིན་པར་མི་འགྲོ་བ་དང་། འཇིགས་པས་འགྲོ་བ་མ་ཡིན་པར་མི་འགྲོ་བ་སྟེ། གྲོགས་པོ་དག་འགྲོ་བ་
D47.039.0182a01.01མ་ཡིན་པར་འགྲོ་བ་སྤངས་པའི་ཆོས་བཞི་པོ་དེ་དག་ནི་འཇིག་རྟེན་སྐྱོང་བར་བྱེད་པའོ། །གྲོགས་པོ་དག་གཞན་ཡང་འཇིག་རྟེན་སྐྱོང་བར་བྱེད་པའི་ཆོས་གཉིས་ཏེ། གཉིས་གང་ཞེ་ན། འདི་ལྟ་སྟེ། ངོ་ཚ་ཤེས་པ་དང་། ཁྲེལ་ཡོད་པ་སྟེ། ཆོས་གཉིས་པོ་དེ་དག་ནི་འཇིག་རྟེན་སྐྱོང་བར་བྱེད་པའོ། །
D47.039.0182a02.01གྲོགས་པོ་དག་གཞན་ཡང་འཇིག་རྟེན་སྐྱོང་བར་བྱེད་པའི་ཆོས་ནི་གཅིག་ཁོ་ན་སྟེ། འདི་ལྟ་སྟེ། བདེན་པ་ནི་འཇིག་རྟེན་སྐྱོང་བར་བྱེད་པ། བཀའ་བློ་བདེ་བ་ནི་འཇིག་རྟེན་སྐྱོང་བར་བྱེད་པ། གྱ་གྱུ་མེད་པ་ནི་འཇིག་རྟེན་སྐྱོང་བར་བྱེད་པ་སྟེ། གྲོགས་པོ་དག་ཆོས་གཅིག་པོ་དེ་ནི་འཇིག་རྟེན་སྐྱོང་བར་
D47.039.0182a03.01བྱེད་པའོ། །གྲོགས་པོ་དག་དེ་ལྟ་བུའི་ཆོས་ལ་བརྩོན་ན་འཇིག་རྟེན་སྐྱོང་བར་བྱེད་དེ། གྲོགས་པོ་དག་ཁྱེད་ཀྱིས་ཆོས་དེ་ལྟ་བུ་ལ་བརྩོན་པས་འཇིག་རྟེན་སྐྱོངས་ཤིག །འཇིག་རྟེན་སྐྱོང་བའི་ལེའུ་ཞེས་བྱ་བ་སྟེ་བཅུ་དགུ་པའོ།། །།དེ་ནས་བཅོམ་ལྡན་འདས་འདི་སྙམ་དུ་
D47.039.0182a04.01དགོངས་ཏེ། གསང་སྔགས་ཀྱི་ཚིག་གང་དག་བརྗོད་པས་འཁོར་འདི་ཐམས་ཅད་དགེ་བ་དང་ལྡན་པར་འགྱུར་བ་དང་། དེ་བཞིན་གཤེགས་པའི་བྱང་ཆུབ་འདི་ཡང་ཡུན་རིང་དུ་གནས་པར་འགྱུར་བའི་གསང་སྔགས་ཀྱི་ཚིག་དེ་དག་ངས་འཁོར་འདི་ལ་བརྗོད་པར་བྱའོ་སྙམ་ནས། དེ་ནས་བཅོམ་ལྡན་
D47.039.0182a05.01འདས་ཀྱིས་གསང་བ་པའི་བདག་པོ་ལག་ན་རྡོ་རྗེ་ལ་བཀའ་སྩལ་པ། གསང་བ་པའི་བདག་པོ་ངས་ཀླུའི་རྒྱལ་པོ་སོག་མ་མེད་ཀྱི་གནས་སུ་གསང་སྔགས་ཀྱི་ཚིག་གང་དག་སྨྲས་པ་དེ་དག་དང་། བྱང་ཆུབ་ཀྱི་སྙིང་པོ་མཆོག་དམ་པར་འདུག་ནས་འགྲོ་བ་ལ་ཕན་པ་དང་། བདེ་བའི་ཕྱིར་ངས་
D47.039.0182a06.01སེམས་ཀྱིས་དྲན་པས་གང་དག་སྨྲས་པ་དེ་དག་ཁྱེད་ཀྱིས་དྲན་ནམ། གསོལ་པ། བཅོམ་ལྡན་འདས་དྲན་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། གསང་བ་པའི་བདག་པོ་གསང་སྔགས་ཀྱི་ཚིག་དེ་དག་ལ་ཁྱོད་སྤོབས་པར་བྱོས་ཤིག །དེ་ནས་གསང་བ་པའི་བདག་
D47.039.0182a07.01