完整藏文原文 · 德格版页 当前仅加载第 39 函德格 144b 版页；藏文 NFD、目录标记与异常页序保留在来源切片中，重复版页行以稳定序号区分。
ལ་ལྷག་མཐོང་མི་མངའ། ཐུགས་རྣམ་པར་ཤེས་པའི་རྗེས་སུ་འབྲང་བ་མི་མངའ། རང་གི་ཐུགས་ལ་གནས་པ་མི་མངའ། གཞན་གྱི་སེམས་ལ་ལྟ་བ་མི་མངའ། ཐུགས་མིག་ལ་གནས་པ་མི་མངའ། ཐུགས་རྣ་བ་དང་། སྣ་དང་། ལྕེ་དང་། ལུས་དང་། ཡིད་ལ་གནས་པ་མི་མངའ།
D47.039.0144b01.01ཐུགས་གཟུགས་ལ་གནས་པ་མི་མངའ། ཐུགས་སྒྲ་དང་། དྲི་དང་། རོ་དང་། རེག་ལ་གནས་པ་མི་མངའ། ཐུགས་ཆོས་ལ་གནས་པ་མི་མངའ། ཐུགས་དམིགས་པ་ལ་གནས་པ་མི་མངའ། ཐུགས་ཡིད་ལ་གནས་པ་མི་མངའ། ཐུགས་ནང་ན་གནས་པ་མི་མངའ། ཐུགས་ཕྱི་རོལ་ན་
D47.039.0144b02.01གནས་པ་མི་མངའོ། །ཐུགས་དེ་ཆོས་རྣམས་ལ་མི་འཇུག་གོ །ཐུགས་དེ་ཡེ་ཤེས་ལ་མི་འཇུག་གོ །ཐུགས་དེ་འདས་པ་འམ། མ་འོངས་པ་འམ། ད་ལྟར་བྱུང་བ་ལ་མི་རྟོག་གོ །ཞི་བའི་བློ་གྲོས་དེ་བཞིན་གཤེགས་པ་ནི་དེ་ལྟར་ཐུགས་ཡོངས་སུ་དག་པ་སྟེ།
D47.039.0144b03.01ཐུགས་ཀྱིས་ཆོས་གང་ཡང་མངོན་པར་མི་སྒྲུབ་ལ་ཆོས་ཐམས་ཅད་ལ་ཡང་དེའི་ཡེ་ཤེས་མ་ཆགས་མ་ཐོགས་པ་འཇུག་གོ །རང་གི་ཐུགས་ཡོངས་སུ་དག་པས་སེམས་ཅན་གང་གི་སེམས་ཀྱང་ཡོངས་སུ་མ་དག་པར་མི་གཟིགས་ཏེ། དེ་གཟིགས་ཀྱང་གཟིགས་པ་མ་ཡིན་ཞིང་རྣམ་པར་
D47.039.0144b04.01མི་རྟོག་གོ །གཟིགས་ཀྱང་སྤྲོས་པར་མི་མཛད་དོ། །གཟིགས་པས་ཀུན་གཟིགས་པ་དང་རྣམ་པར་གཟིགས་པ་མི་གཟིགས་སོ། །དེ་བཞིན་གཤེགས་པའི་ཡེ་ཤེས་དེ་ནི་ཤའི་མིག་གི་མཐོང་བ་དང་ལྡན་པ་མ་ཡིན། ལྷའི་མིག་གི་མཐོང་བ་དང་ལྡན་པ་མ་ཡིན། ཤེས་རབ་ཀྱི་མིག་
D47.039.0144b05.01གི་མཐོང་བ་དང་ལྡན་པ་མ་ཡིན། ཆོས་ཀྱི་མིག་གི་མཐོང་བ་དང་ལྡན་པ་མ་ཡིན། སངས་རྒྱས་ཀྱི་སྤྱན་གྱི་གཟིགས་པ་དང་ལྡན་པ་མ་ཡིན། ལྷའི་རྣ་བའི་ཐོས་པ་དང་ལྡན་པ་མ་ཡིན། གཞན་གྱི་སེམས་ལ་ལྟ་བ་དང་ལྡན་པ་མ་ཡིན། སྔོན་གྱི་གནས་རྗེས་སུ་དྲན་པ་དང་ལྡན་པ་མ་ཡིན།
D47.039.0144b06.01རྫུ་འཕྲུལ་རྣམ་པར་འཕྲུལ་བ་དང་ལྡན་པ་མ་ཡིན། ཟག་པ་ཟད་པ་ཤེས་པ་དང་ལྡན་པ་ཡང་མ་ཡིན་ལ། དེ་ཆོས་ཐམས་ཅད་དང་མི་ལྡན་པ་ཡང་མ་ཡིན་ཏེ། ཆོས་ཐམས་ཅད་ལ་ཆགས་པ་མེད་པར་ལྡན་པ་ཡིན་ནོ། །དེའི་དེ་བཞིན་གཤེགས་པའི་ཡེ་ཤེས་ཀྱི་རྒྱུན་རྣམས་ནི་བསྒྲིམ་པ་མི་མངའ་
D47.039.0144b07.01